سودانى پێشوازی لە سەرۆک کۆماری ئەرمینیا دەکات
سەرۆکی ئەنجومەنی وەزیران محەمەد شەیاع سودانى، پێشوازی كرد لە سەرۆکی کۆماری ئەرمینیا ڤاهاگن خاچاتوریان و شاندەکەی یاوەری کە ئەمڕۆ بە سەردانێکی فەرمی گەیشتنە بەغداد.
نوسینگەی راگەیاندنی سەرۆکی ئەنجومەنی وەزیران لە بەیاننامەیەکدا رایگەیاند:- سودانی جەختی لە گرنگی ئەم سەردانە کردەوە، کە پاش زنجیرەیەک کۆبوونەوەی گرنگ لە نێوان بەرپرسانی هەردوو وڵات دێت و پێزانینی خۆی بۆ ئاراستەکانی حکومەتی ئەرمینیا دەربڕی بۆ پەرەپێدانی پەیوەندییە دوو قۆڵییەکان.
سەرۆک وەزیران ئاماژەی بە دەرفەتەکانی وەبەرهێنان و پڕۆژە گرنگەکان کرد کە کۆمپانیا ئەرمەنییەکان دەتوانن بەشداری تێدا بکەن، بەتایبەتی ڕێگای گەشەپێدان و بەندەری گەورەی فاو و ئەو پڕۆژانەی کە پەیوەستن پێیانەوە.
هەروەها سودانی داوای دامەزراندنی کۆڕبەندێکی هاوبەشی کرد بۆ بازرگانانی نێوان هەردوو وڵات و جەختیشی کردەوە لەسەر پێویستی کردنەوەی هێڵی ئاسمانی لەنێوان هەردوو وڵاتدا و واژۆکردنی یاداشتنامەیەک بۆ خۆدوورگرتن لە دوو باجدان و ئاسانکردنی پێدانی ڤیزەی چوونەژوورەوە بۆ هاندانی گەشتیاری هاوبەش و جەختی لە سەر خواستی عێراق کردەوە بۆ هاوکاریکردن لەگەڵ ئەرمینیا لە بواری وزە و تەکنەلۆژیای زانیاری و حوکمڕانی ئەلیکترۆنی.
لە راگەیەندراوەکە هاتووە سەرۆک وەزیران شانازیی عێراقی بە هاوڵاتیانی عێراقیە بە ڕەچەڵەک ئەرمەنی دەربڕی و ئەوان نوێنەرایەتی زیادکردنێکی گرنگ دەکەن بۆ فرەچەشنی کۆمەڵگای عێراقی لە ڕێگەی بەشداریکردنیان لە بوارە جیاوازەکانی زانستی و پزیشکی و کۆمەڵایەتی و ڕۆشنبیرییەوە.
سودانی پێزانینی خۆی بۆ هەڵوێستی ئەرمینیا دەربڕی لە دەنگدان بە بەرژەوەندی ئاگربەست لە غەزە.
لە لای خۆیەوە، سەرۆک خاچاتوریان سوپاسی پێشوازییە گەرمەکەی کرد و ئاماژەی بەوە کرد کە سەردانەکەی بۆ دەربڕینی خواستی ڕاستەقینەیە بۆ پەرەپێدانی پەیوەندییەکانی نێوان هەردوو وڵات و جەختی لەوە کردەوە کە بە سەرۆکایەتی شاندێکی فەرمی لەگەڵ شاندێکی بازرگاندا ئامادە بووە، بەمەبەستی ئاگاداربوون لە دەرفەتە بەردەستەکان و فراوانکردنی هاوبەشی ئابووری نێوان هەردوو وڵات.
لە میانەی کۆبوونەوەکەدا سەرۆکی ئەرمینیا ژمارەیەک هاوبەشی ڕوونکردەوە کە هەردوو وڵات کۆدەکەنەوە و ئاماژەی بەوەدا کە عێراق لەنێو ئەو وڵاتانەدا بووە کە ئەرمەنییەکان پەنایان بۆ بردووە لە ڕۆژانی جینۆسایددا، هەروەها ئامادەیی وڵاتەکەی دەربڕی بۆ هاوکاریکردن لەگەڵ عێراقدا لە بوارەکانی تەکنەلۆژیای زانیاری و بانکی و وزەی پاک و نوێبووەوە.
كلمات مفتاحية
اخبار ذات صلة
تعليقات
دوایین هەواڵەکان
سکاڵاکانی عێراق، ئینتەرپوڵ پاڵدەنێت بۆ بەدواداچوونی سەرکردەکانی گروپە جوداخوازەکانی ئێران لە ئاستی نێودەوڵەتیدا
ئەمریکا و ئێران بە نێوەندگیری پاکستان، یاداشتێکی لێکتێگەیشتنی ١٤ خاڵییان بەمەبەستی کۆتاییهێنان بە جەنگ واژۆکرد
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
