سەرۆك کۆمار پێشوازی لە نێردەی پەیمانی باکوری ئەتڵەسی (ناتۆ) دەکات
سەرۆك کۆمار د.لەتیف جەمال رەشید پێشوازیکرد لە فەریق خۆسێ ئەنتۆنیۆ ئەگوێرۆ فەرماندەی پێشوی نێردەی پەیمانی باکوری ئەتڵەسی (ناتۆ) لە عێراق و فەریق کاس شیرورز فەرماندەی نوێی نێردەکە لە عێراق، کە رۆناڵد سونیمانس باڵیۆزی ناتۆ لە عێراق ئامادەیبو.
نوسینگەی راگەیاندنی سەرۆکایەتی کۆمار لە بەیاننامەیەکدا رایگەیاند:-لەدیدارەکەدا، کە ئەمڕۆ یەکشەممە 19-5-2024 لە کۆشکی بەغداد بەڕێوەچو، سەرۆك کۆمار جەختی لەوە کردەوە، هێزە ئەمنییەکانی عێراق ئێستا ئامادەیی و توانایان هەیە بۆ روبەڕوبونەوەی ئاڵنگارییە ئەمنییە جۆراوجۆرەکان. ئاماژەی بەوەشکرد دەزگا ئەمنییەکان بەیەکە جۆراوجۆرەکانیانەوە لەئەرکەکانیاندا بەشێوەیەکی کارا بەردەوامن لە راوەدونانی پاشماوەکانی تیرۆر و چەسپاندنی ئاسایش و سەقامگیری و دڵنیابوون لە پاراستنی هاونیشتمانیان.
هەروەها سەرۆک کۆمار ئاماژەی بە بایەخی هاوبەشیی ستراتیژیی لەگەڵ (ناتۆ) و هاریکاری دووقۆڵی کرد لەڕێگەی پێشکەشکردنی راوێژ و بەشداریکردن لەبونیادنان و پەرەپێدانی توانا سەربازی و جەنگیەکانی هێزه ئەمنییەکانی عێراق.
هاوکات سەرۆك کۆمار ئاماژەی بەگەشەکردنی پەیوەندییەکانی عێراق کرد لەئاستی هەرێمی و نێودەوڵەتی و جەختیشی لە پەرۆشی بەردەوامبوون و بەهێزکردنی ئەو پەیوەندیانە کردەوە بەشێوەیەك کە ئاسایش و ئاشتی پتەوتربکات. هەروەها ئاماژەی بەوەدا، کە لە ماوەی رابردودا چەندین وەفدی وڵاتان سەردانی عێراقیان کردوە، ئەوەش ئاماژەیە بۆ گەڕانەوەی بۆ پێگە نێودەوڵەتیەکەی و رۆڵبینینی سەرەکی لەنزیککردنەوەی بۆچونی وڵاتانی برا و دۆست.
سەرۆك کۆمار ستایشی رۆڵی (ناتۆ)ی کرد لەپشتیوانیکردنی هێزە ئەمنییەکانی عێراق لەڕێگەی راهێنان و ئامادەکردنەوە، هەروەك رۆڵی فەریق خۆسێ ئەنتۆنیۆ ئەگوێرۆ فەرماندەی پێشوی نێردەی (ناتۆ)ی بەرزنرخاند و پێشوازی لە فەریق کاس شیرورز فەرماندەی نوێ کرد و هیوای سەرکەوتنی بۆ خواست لە ئەرکەکانیدا.
لەلای خۆیەوە، فەریق ئەگوێرۆ خۆشحاڵی خۆی دەربڕی بەکارکردن لەگەڵ هێزە ئەمنییەکانی عێراق و ستایشی پەرەپێدانی دەزگا ئەمنییەکان و گەشەکردنی تواناکانیانی کرد، هەروەها چالاکییە هاوبەشەکانی ناتۆی لەگەڵ هێزە ئەمنییەکان لەبواری راهێنان و ئامادەکردن و بەڕێوەبردنی سەرچاوە مرۆییەکان و ئاسایشی ئەلیکترۆنی خستەڕو.
هەروەها پەرۆشیی ناتۆی دوپاتکردەوە بۆ پشتیوانیکردنی عێراق لە هەوڵەکانی بۆ بەرەنگاربونەوەی تیرۆر و بەدیهێنانی ئاشتی و چەسپاندنی ئاسایش و سەقامگیری لەناوچەکە و جیهاندا، لەکاتێکدا فەرماندەی نوێ شانازی خۆی بە کارکردن لە عێراق و پەرۆشی بۆ بەردەوامبوون لەڕێبازی ناتۆ بۆ پشتیوانیکردنی عێراق، دەربڕی.
كلمات مفتاحية
اخبار ذات صلة
تعليقات
دوایین هەواڵەکان
سکاڵاکانی عێراق، ئینتەرپوڵ پاڵدەنێت بۆ بەدواداچوونی سەرکردەکانی گروپە جوداخوازەکانی ئێران لە ئاستی نێودەوڵەتیدا
ئەمریکا و ئێران بە نێوەندگیری پاکستان، یاداشتێکی لێکتێگەیشتنی ١٤ خاڵییان بەمەبەستی کۆتاییهێنان بە جەنگ واژۆکرد
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
