قوباد تاڵەبانی پێشوازی کرد لە كونسوڵی گشتیی كۆماری ئیسلامی ئێران
ئەمڕۆ چوارشەممە، قوباد تاڵەبانی جێگری سەرۆك وەزیرانی هەرێمی كوردستان لەگەڵ نەسڕوڵڵا ڕەشنودی كونسوڵی گشتیی كۆماری ئیسلامی ئێران لە هەولێر چەند بابەتێكی جێی بایەخی هەردوولایان تاوتوێ كرد. نوسینگەی راگەیاندی قوباد تاڵەبانی لە راگەیەنراوێكدا بڵاویکردەوە: قوباد تاڵەبانی، جێگری سەرۆك وەزیرانی هەرێم پێشوازی كرد لە نەسڕوڵڵا ڕەشنودی كونسوڵی گشتیی كۆماری ئیسلامی ئێران لە هەولێر و پێكەوە چەند بابەتێكی جێی بایەخی هەردوولایان تاوتوێ كرد. ئاشكراشیكرد: لە سەرەتای كۆبوونەوەكەدا كە رۆژی چوارشەمە لە هەولێر بەڕێوەچوو، باس لە چۆنییەتی پەرەپێدانی پەیوەندییەكانی نێوان هەرێم و ئێران بە تایبەت لەڕووی بازرگانییەوە كرا، لەو چوارچێوەیەشدا شێوازی چارەسەركردنی گرفتەكانی بەردەم كاروبارەكانی كۆمپانیا ئێرانییەكان و ئاسانكاریكردن بۆیان تاوتوێ كران. هەر لە راگەیەنراوەكەدا هاتووە، كە جێگری سەرۆك وەزیرانی هەرێم ئاماژەی بەوەدا: لە هەرێمی كوردستان دەرفەتی گەورە بۆ وەبەرهێنان لە بواری جیاوازدا هەیە و حكومەتی هەرێمیش كارئاسانی پێویست بۆ وەبەرهێنەرانی بیانی دەكات. لە بەرامبەریشدا كونسوڵی گشتی ئێران ئامادەیی وڵاتەكەی نیشاندا بۆ كارئاسانیكردن بۆ بازرگانانی هەرێم و بەهێزتركردنی پەیوەندیی بازرگانی نێوان هەرێمی كوردستان و ئێران. هەروەها لە راگەیەنراوەكەدا هاتووە، لەبەشێكی دیكەی كۆبوونەوەكەدا گفتوگۆكرا لەبارەی كێشەكانی نێوان هەرێم و بەغدا. قوباد تاڵەبانی ئاماژەی بەوەكرد؛ هەوڵی جدی هەیە بۆ چارەسەركردنی كێشەی موچە و بودجەی هەرێمی كوردستان و گفتوگۆكان لەوبارەیەوە بەردەوامن، وتیشی: بە لایەنی كەمەوە دەبێت بە خێرایی لەسەر چارەسەركردنی كێشەی موچە رێكبكەوین و پێویستە ئەو تێگەیشتنە لە بەغدا دروست ببێت كە نابێت پرسی موچە تێكەڵ بە كێشەكانی دیكەی نێوان هەرێم و بەغدا بكرێت. لە تەوەرێكی دیكەی كۆبوونەوەكەدا باسی هەڵبژاردنەكانی ئەنجومەنی پارێزگاكانی عێراق و بە تایبەتیش لە كەركوك كرا. هەردوولا هیوایان خواست پرۆسەی هەڵبژاردنەكان لە كەشێكی ئارامدا بەڕێوەبچێت و ئەنجامەكەی لە بەرژەوەندیی هەموو هاوڵاتییانی عێراقدا تەواوببێت. سەبارەت بە دۆخی كەركووكیش جێگری سەرۆك وەزیران رایگەیاند: ئێستا لە كەركوك جیاوازی دەكرێت لەنێوان پێكهاتەكانی ئەو شارەدا و دەبێت لە دوای هەڵبژاردنەكان دۆخێك بێتە ئاراوە كە هەموو پێكهاتەكان هەست بە دڵنیایی بكەن لەوەی چیتر پەراوێز ناخرێن و بەبێ هیچ جیاوازییەك خزمەت بكرێن.
كلمات مفتاحية
اخبار ذات صلة
تعليقات
دوایین هەواڵەکان
سکاڵاکانی عێراق، ئینتەرپوڵ پاڵدەنێت بۆ بەدواداچوونی سەرکردەکانی گروپە جوداخوازەکانی ئێران لە ئاستی نێودەوڵەتیدا
ئەمریکا و ئێران بە نێوەندگیری پاکستان، یاداشتێکی لێکتێگەیشتنی ١٤ خاڵییان بەمەبەستی کۆتاییهێنان بە جەنگ واژۆکرد
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
