چوارچێوەی هەماهەنگی سەرکۆنەی هێرشەکانی سەر حەشدی شەعبی دەکات
لەسەر پێشهاتە ئەمنییەکانی دوایی و هێرشکردنە سەر بارەگاکانی حەشدی شەعبی، هاوپەیمانیی چوارچێوەی هەماهەنگی کۆبوونەوەیەکی نائاسایی لە بەغدا کرد و سەرەڕای سەرکۆنەکردنی توندی هێرشەکان، جەختی لەسەر بەدواداچوونی یاسایی بۆ ئەنجامدەرانی هێرشەکان، پاراستنی نێردە دیپلۆماسییەکان و پاراستنی شکۆی دەوڵەت کردەوە.
رۆژی شەممە 15ـی ئاداری 2026، هاوپەیمانیی چوارچێوەی هەماهەنگی کۆبوونەوەیەکی بەپەلە و نائاسایی بۆ هەڵسەنگاندنی رەوشی ئەمنی و تاوتوێکردنی دەرهاویشتە پێشهاتەکانی ئەم دواییەی عێراق ئەنجامدا.
بەپێی راگەیەندراوی کۆبوونەوەکە، دانیشتنەکە بە ئامادەبوونی محەممەد شیاع سوودانی، سەرۆکوەزیران و فەرماندەی گشتیی هێزە چەکدارەکانی عێراق بەڕێوەچووە، هاوکات هەریەک لە سەرۆکی دەستەی حەشدی شەعبی و سەرۆکی ئەرکانی دەستەکە بۆ باسکردنی وردەکارییەکانی دۆخی ئەمنیی هەنووکەیی میوانداری کرابوون.
لە کۆبوونەوەکەدا، ئامادەبووان بە توندی سەرکۆنەی ئەو هێرشانەیان کرد کە کرانە سەر بارەگاکانی حەشدی شەعبی و هێزە ئەمنییەکان، کە بوونە هۆی کەوتنەوەی قوربانی لە ریزەکانی هێزە سەربازییە فەرمییەکان لە کاتی جێبەجێکردنی ئەرکی پاراستنی ئاسایش و سەقامگیریی وڵاتدا.
چوارچێوەی هەماهەنگی ئەو هێرشانەی بە دەستدرێژیی ناپاکانە وەسف کرد و جەختی کردەوە کە پێشێلکارییەکی ئاشکرای سەروەریی عێراق و هەڕەشەیەکی ڕاستەوخۆن بۆ سەر سەقامگیریی ئەمنیی وڵات.
لە بەشێکی دیکەی کۆبوونەوەکەدا، چوارچێوەی هەماهەنگی هەڵوێستی خۆی دووپات کردەوە لە رەتکردنەوەی هەر هێرش و بەئامانجگرتنێک کە بکرێتە سەر دامەزراوە هەستیارەکانی دەوڵەت یان نێردە دیپلۆماسییەکان لە عێراق.
هەروەها جەختیان لە پێویستیی بەردەوامیدان و بەهێزکردنی ئەو رێوشوێنانە کردەوە کە دامەزراوە ئەمنییەکان بۆ پاراستنی نێردەکان و بارەگاکانیان دەیانگرنەبەر.
بەگوێرەی راگەیەندراوەکە، بەشداربووان جەختیان لەسەر گرنگیی بەدواداچوون بۆ ئەو لایەن و کەسانە کردەوە کە تێوەگلاون لەو جۆرە هێرشانە، یان ئەوانەی ئاسایشی نێردە دیپلۆماسییەکان و دامەزراوە فەرمییەکان دەخەنە مەترسییەوە، ئەمەش لەپێناو سەپاندنی لێپرسینەوەی یاسایی و پاراستنی شکۆی دەوڵەت.
كلمات مفتاحية
اخبار ذات صلة
تعليقات
دوایین هەواڵەکان
سکاڵاکانی عێراق، ئینتەرپوڵ پاڵدەنێت بۆ بەدواداچوونی سەرکردەکانی گروپە جوداخوازەکانی ئێران لە ئاستی نێودەوڵەتیدا
ئەمریکا و ئێران بە نێوەندگیری پاکستان، یاداشتێکی لێکتێگەیشتنی ١٤ خاڵییان بەمەبەستی کۆتاییهێنان بە جەنگ واژۆکرد
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
