بۆ بەشداریکردن لە کۆبوونەوەی سێ قۆڵی وەزیرانی ناوخۆی عێراق و ئێران و پاکستان..شەمەری گەیشتە تاران ‏

23:35 2025-07-14 67518 عێراق 0

2025-07-14

67518

ئەمڕۆ دووشەممە وەزیری ناوخۆ عەبدولئەمیر شەمەری، بە مەبەستی بەشداریکردن لە کۆبوونەوەی سێ قۆڵی وەزیرانی ناوخۆی عێراق، ئێران و پاکستان گەیشتە تاران.
‏نووسینگەی ڕاگەیاندنی وەزیری ناوخۆ لە ڕاگەیەندراوێکدا بڵاویکردەوە "وەزیری ناوخۆ عەبدولئەمیر شەمەری و شاندی یاوەری لەسەر بانگهێشتی فەرمیی وەزیری ناوخۆی ئێران ئەسکەندەر مۆمەنی بۆ بەشداریکردن لە کۆبوونەوەی سێ قۆڵی وەزیرانی ناوخۆی کۆماری عێراق، کۆماری ئیسلامی ئێران، و کۆماری ئیسلامی پاکستان، گەیشتنە تارانی پایتەختی ئێران، بۆ تاوتوێکردنی ئامادەکارییە بەردەوامەکان بۆ بەشداریکردنی سەرکەوتووانە لە یادی سەردانی چلەی ماتەمینی ئیمام حوسێن (درودی خوای لەسەر بێت)".
‏ئاماژەی بەوەشکرد، "لە میانی کۆبوونەوەکەدا سەرجەم بابەتەکانی پەیوەست بە هاتن و ڕۆیشتنی سەردانکەران تاوتوێ کران، و بابەتەکانی پەیوەست بەم بۆنە گرنگە.
‏هەروەها لە کۆبوونەوەکەدا باس لە بەرزکردنەوەی هاوکاری و هەماهەنگی لە بوارەکانی بەرەنگاربوونەوەی ماددە هۆشبەرەکان، نیشتەجێبوون، و پرسەکانی پەیوەست بە ئاسایش کرا".
‏ئاماژەی بەوەشکرد، "لە کۆبوونەوە سێ قۆڵییەکەدا ژمارەیەک سەرکردە و ئەفسەری وەزارەتی ناوخۆی عێراق و پارێزگای کەربەلا و ئەندامانی لیژنەکانی ئاسایش و خزمەتگوزاری ئامادەبوون،هەروەها باڵیۆزی وڵاتانی بەشداربوو ، و ژمارەیەک بەرپرسی حکومەتەکانی ئێران و پاکستانیش ئامادەبوون".
‏وەزیری ناوخۆی ئێران "سوپاس و پێزانینی خۆی بۆ حکومەت و گەلی عێراق دەربڕی بۆ پێشوازیکردن لە سەردانکەرانی چلەی ماتەمینی".
‏بەگوێرەی بەیاننامەکە، شەمەری جەختی لەوە کردووەتەوە کە "سەردانی چلەی ماتەمینی پرسێکی گرنگە لەنێوان ئەو وڵاتانەدا".