بەقاچاخبردنی نەوت.. وەزارەتی نەوتی عێراق روونکردنەوەیەکی بڵاوکردەوە

23:27 2025-08-25 36773 عێراق 0

2025-08-25

36773

وەزارەتی نەوتی عێراق رونکردنەوەیەکی لە بارەی بەقاچاخبردنی نەوتی ڕەشەوە بڵاوکردەوە و وتی، ناوزڕاندنی دامەزراوەكان بە قاچاغچێتی زیان بە ناوبانگی دەوڵەتی عێراق دەگەیەنێت و ئاسایشی ئابووری نیشتمانی دەخاتە بەردەم هەڕەشەی جدی.
‏
‏
‏ئەمڕۆ دووشەممە، وەزارەتی نەوتی عێراق لە روونکردنەوەیەكدا سەبارەت بە راپۆرتێكی قاچاغچێتی نەوتی رەش بڵاوكراوەتەوە دەڵێت، لە کاتێکدا وەزارەتی نەوت پابەندبوونی تەواوی خۆی بە شەفافیەتی پیشەیی و هاوکاری لەگەڵ دەزگاکانی چاودێری و دادوەری دووپاتدەکاتەوە، سەرسوڕمانی خۆی دەردەبڕێت لە بڵاوبوونەوەی زانیاری نادروست و چەواشەکارانە سەبارەت بە پرۆسەی هەناردەکردنی نەوتی رەش.
‏
‏وەزارەتی نەوتی عێراق لەو بارەیەوە چەند روونکردنەوەیکی بڵاوکردووەتەوە:
‏
‏٢- سەرجەم کارەکانی بە بازاڕکردن و هەناردەکردنی نەوتی رەش پابەندە بە سیستمێکی رێکخراوی ورد و گشتگیر، بە سەرپەرشتی راستەوخۆی کۆمپانیای بە بازاڕکردنی نەوت، بەپێی گرێبەستە فەرمییە راگەیەندراوەکان و بە هەماهەنگی لەگەڵ باڵاترین دەسەڵاتی چاودێری لە وڵات، لە دیوانی چاودێری دارایی، دەستەی دەستپاکی، دەستەی گشتی گومرگ، دەزگا ئەنیەكان بەڕێوەدەچن.
‏
‏٢- باسکردنی نەوت هەڵگری نەناسراو یان تۆڕی قاچاغ، بوختانێکی مەترسیدار و چەواشەکارانەیە، ئەم نەوتهەڵگرانە بە نەوتهەڵگری نەناسراو لەلایەن وەزارەتەکە وەسف کراون و لەوانەیە هی کارگە یان وەزارەتەکانی تر بن، بەندەرەکانی عێراق لە چوارچێوەی سیستەمێکی چاودێری تونددا کاردەکەن، کە رێگە بە تێپەڕبوونی هیچ بارێک نادات بەبێ رەزامەندی فەرمی و بەڵگەدار لەلایەن لایەنە پەیوەندیدارەکانەوە.
‏
‏٣- كێشكردنی دامەزراوەکانی دەوڵەت لە بانگەشەكانی قاچاغچێتی بەبێ هیچ بەڵگەیەک، ناوزڕاندنێكی ئاشكرای قبوڵنەکراو و مەترسیدارە، زیانی راستەوخۆ بە ناوبانگی دەوڵەتی عێراق و دامەزراوە سەروەرەکانی دەگەیەنێت، ئاسایشی ئابووری نیشتمانی دەخاتە بەردەم هەڕەشەی جدی.
‏
‏٤- وەزارەتی نەوت دووپاتی دەکاتەوە درێغی ناكات لە پاراستنی ناوبانگ و پێگەی یاسایی خۆی، رێکاری یاسایی توند بەرامبەر ئەو کەس و قەوارانە دەگرێتەبەر، کە پەرە بەو تۆمەتە درۆیانە دەدەن.
‏
‏٥- وەزارەت وێڕای دووپاتکردنەوەی پابەندبوونی خۆی بە شەفافیەت و لێپرسینەوە، پێشوازی لە هەر زانیارییەکی بەڵگەدارو هاوپێچكراو بە بەڵگە دەکات، لە هەر سەرچاوەیەکەوە بێت.