بەمزووانە... واژۆکردنی دوو گەورەترین ڕێکەوتننامەی کارەبا لە مێژووی عێراقدا لەگەڵ دوو کۆمپانیای ئەمریکی و ئەڵمانی

22:11 2025-03-28 55344 عێراق 0

2025-03-28

55344

زیاد عەلی فازڵ وەزیری کارەبا ئامادەیی وەزارەتەکەی دووپاتکردەوە بۆ ئاستەنگەکانی هاوینی داهاتوو، هاوکات ئاماژەی بە واژۆکردنی نزیکەی دوو گەورەترین ڕێککەوتنی مێژووی عێراق لەگەڵ کۆمپانیای جی ئێی ئەمریکی و کۆمپانیای سیمێنسی ئەڵمانی کرد.
بەپێی نووسینگەی ڕاگەیاندنی وەزیری کارەبا کە موتەڵع بەدواداچوونی بۆ کردووە فازڵ وتی، "چەواشەکارییەکی زۆر کراوه له بارەی ئەگەری کەمبوونەوەی تەزووی کارەبا لە هاویندا حکومەت ئاگاداری هەموو ئاڵنگارییەکانە".
ئاماژەی بەوەشکرد، "حکومەت پلانی هەیە بۆ قەرەبووکردنەوەی کەمیی غازەکە بە نەوتی سپی، پڕۆژەی پەیوەندی کارەبا لەگەڵ وڵاتانی دراوسێ، وێستگەکانی وزەی خۆر، و یەکەکانی خولی تێکەڵاو کە پێویستیان بە سووتەمەنی نییە، جگە لە دامەزراندنی سەکۆیەکی غاز لە بەندەردا".
ئاماژەی بەوەشکرد، "تورکمانستان چارەسەرێکی نموونەییە بۆ کێشەی کەمی غاز، وڵاتێکە نەکەوتۆتە ژێر سزاکان، لە مانگی حوزەیرانی داهاتووشدا وەزارەتی نەوت سەکۆیەک لە ئاوەکانی کەنداو دادەنێت بۆ وەرگرتنی کەشتیی هەڵگری غازی شل، کە دەگۆڕدرێت بۆ غاز و پەمپ دەکرێتە ناو تۆڕی بۆری عێراق کە بە وێستگەکانی کارەباوە دەبەسترێتەوە".
ئاماژەی بەوەشکرد، "لایەنی تورکیا ڕێککەوت لەسەر دوو هێندەکردنی وزەی دابینکراو لە ڕێگەی هێڵی پەیوەندی عێراق و تورکیاوە بۆ 600 مێگاوات لە ناوەڕاستی مانگی ئایارەوە دەستپێدەکات، هەروەها ئێمە 90%ی پەیوەندی عێراق و کوێتمان تەواوکردووە. کێشەیەک هەیە پەیوەندی بە هەندێک شوێنەوە هەیە کە مین لە ناوچەی فاودا هەیە، کە بە هەماهەنگی لەگەڵ وەزارەتی بەرگری چارەسەر دەکرێت".
ناوبراو لە درێژەی قسەکانیدا وتی: "ئێمە 1000 مێگاوات وزەی خۆرمان هەیە کە لە ئێستادا لەلایەن کۆمپانیای تۆتاڵی فەرەنسی لە بەسرە جێبەجێ دەکرێت، 750 مێگاوات لەلایەن کۆمپانیای پترۆچینای چینی لە شاری موسەننا، هەروەها 500 مێگاوات لە لایەن کۆمپانیای بیلالی عێراقی لە بابل و کەربەلا. هەروەها پڕۆژەمان هەیە لە ژێر جێبەجێکردندا لەسەر زەوی بە توانای 15 هەزار مێگاوات بە بەکارهێنانی تەکنەلۆژیای سایکل و وزەی خۆر".
ئاماژەی بەوەشکرد، "لە پرۆسەی دامەزراندنی 15 هەزار مێگاواتداین کە پشت بە سووتەمەنی ناوخۆیی (نەوتی خاو) دەبەستێت، هەروەها زۆربەی وێستگەکانی سعودیە پشت بە نەوتی خاو دەبەستن، دوو گەورەترین ڕێککەوتن لە مێژووی عێراقدا لەگەڵ کۆمپانیای جی ئێی ئەمریکی واژۆ دەکەین بۆ دامەزراندنی 24 هەزار مێگاوات، لەگەڵ کۆمپانیای سیمێنسی ئەڵمانی بۆ 10 هەزار مێگاوات".