بەڕێوەبەرى نووسینگەى سەرۆککۆمارى ئێران وردەکاریى کەوتنەخوارەوەى هێلیکۆپتەرەكەی رەئیسی ئاشکرا دەکات
غولام حسێن ئیسماعیلى، بەڕێوەبەرى نووسینگەى ئیبراهیم رەئیسى، سەرۆککۆمارى ئێران وردەکاریى کەوتنەخوارەوەى ئەو هێلیکۆپتەرە ئاشکرا دەکات کە سەرۆککۆمار و چەند بەرپرسێکى دیکەى ئێرانى تێدا بوو.
ئیسماعیلی لە چاوپێکەوتنێکدا لەگەڵ تەلەفزیۆنی فەرمى ئێران ئاماژە بەوە دەکات، "دوای کردنەوەى بەنداوى قيز قەلعەسى کە بەهاوبەشی لەگەڵ وڵاتى ئازەربایجان دروستکراوە، لە کەشوهەوایەکی رووندا بەرەو شاری تەبرێز بەرێکەوتین، بەڵام لە ناوەڕاستی رێگاکەدا کەشوهەوا تێکچوو، لە ئاسماندا رووبەڕووى هەورێکی چڕ بووینەوە".
دەشڵێت، "فەرماندەی ئەو هێلیکۆپتەرەی سەرۆککۆمارى هەڵگرتبوو فەرمانیدا، ئاستى فڕینى فڕۆکەکە زیاتر بەرز بکرێتەوە".
غولام حوسێن ئیسماعیلی لەسەر گێڕانەوەی رووداوەکە بەردەوام دەبێت و دەڵێت، "دواى بەرزکردنەوەى ئاستى فڕینەکە، ئیتر ئێمە پەیوەندیی تەلەفۆنیمان لەگەڵ رادیۆی هێلیکۆپتەرەکەی سەرۆککۆمار، وەزیری دەرەوە، ئیمام جومعەی تەبریز و پارێزگاری تەبریز نەما و هیچ وەڵامێکمان لێوەرنەگرتن".
بەڕێوەبەرى نووسینگەی سەرۆککۆماری ئێران لە چاوپێکەوتنەکەیدا، زانیاریى زیاتر دەخاتەڕوو و دەڵێت، "پاش ماوەیەک ئەندامانی تیمى فڕۆکەکەى ئێمە رایانگەیاند، کە پەیوەندییان بە مۆبایلی کاپتن مستەفاوی فڕۆکەوانى فڕۆکەکەى سەرۆککۆمار کردووە، بەڵام لەجیاتی کاپتن مستەفاوی ئایەتوڵا هاشمى وەڵامیدایەوە گوتویەتى، من باش نیم و کەوتینە ناو دۆڵێکەوە".
ئیسماعیلی دەشڵێت، "پاشان تەلەفۆنم بۆ سەید هاشمى کرد و لێم پرسی لەکوێیت؟ وەڵامیدایەوە و گوتى، نازانم لە کوێم بەڵام ئەوەندە دەزانم لەنێو درەختەکاندام، پاشان لێم پرسی ئەوانی دیكە چۆنن دەیانبینیت؟ بەڕێز هاشمی گوتی من هیچ کەسێک نابینم و بە تەنیام، نازانم چی روویداوە و کەس لە دەوروبەرم نییە".
بەڕێوەبەرى نووسینگەی سەرۆککۆمار روونیکردەوە، "لەوکاتەدا یەکسەر بۆمان روونبووەوە کە هێلیکۆپتەرەکەی بەڕێز رەئیسی تووشى رووداو بووە و بڕیارى بەهاناوەچوونى سەرۆکكۆمار و یاوەرانیماندا و دەستمان بە ئۆپراسیۆنی رزگارکردن و فریاکەوتن کرد.
لەکۆتایی قسەکانیدا غولام حوسێن ئیسماعیلی دەڵێت، "دواتر بۆمان دەرکەوت سەرنشینانی هێلیکۆپتەرەکە لەگەڵ کەوتنەخوارەوەیدا گیانیانلەدەستداوە و شەهیدبوون".
كلمات مفتاحية
اخبار ذات صلة
تعليقات
أحدث الاخبار
توجيه حكومي بمنح نسب مالية مجزية للمخبرين عن الأموال المنهوبة
الحكومة العراقية تصدر قرارات جديدة
المغرب يسحق كندا بثلاثية نظيفة ويبلغ ربع النهائي في كأس العالم
سلاح الجو العراقي يدمر أوكاراً إرهابية بضربات دقيقة في كركوك.
ترامب يكشف عن تفاصيل هدنة مع إيران ولقاء مرتقب مع نتنياهو
مشهد سينمائي مرعب.. روبوت يخرج عن السيطرة ويهاجم محيطه فجأة
ابتكار مذهل ينهي كابوس نقل النباتات ويسهل الزراعة المنزلية للمبتدئين
تراجع جديد لأسعار صرف الدولار في بغداد وأربيل مع إغلاق البورصة
الأمن الوطني العراقي يُحبط تهريب أدوية وأطنان من الأغذية الفاسدة
الزيدي: مكافحة الفساد معركة وطن بأكمله ولن نتراجع مهما بلغت الضغوط
الصحة تصدر بياناً عاجلاً بشأن أنباء إلزام أطباء العيادات الخاصة بالاستقالة
الزيدي يُعلنها من "الداخلية": الفساد خط أحمر ومكافحته تحولت إلى مطلب شعبي
الحكيم يؤكد دعم الحكومة ويطالب بإصلاح إداري شامل واعتماد الأتمتة
ليلة حاسمة في المونديال… المغرب وفرنسا أمام اختبارات نارية
حارس مجهول يخطف المونديال ويُشعل العالم رقمياً… ما القصة
طهران: أمن هرمز خط أحمر ولن نسمح باستعراضات عسكرية أجنبية
"المطلع" تنشر قائمة صباحية بأسعار الدولار في الأسواق العراقية
