سودانى بانگهێشتنامەیەكی فەرمی بۆ سەردانی ئازەربایجان پێدەگات ‏

21:34 2025-05-07 45840 عێراق 0

2025-05-07

45840

سەرۆكی ئەنجومەنی وەزیران محەمەد شیاع سودانی، بانگهێشتنامەیەكی بۆ سەردانیكردنى ئازەربایجان پێگەیشت.
‏ئمڕۆ چوارشەممە، نوسینگەی راگەیاندنی سەرۆك وەزیران لە بەیاننامەیەكدا رایگەیاند: سەرۆكی ئەنجومەنی وەزیران محەمەد شیاع سودانی، پێشوازی كرد لە وەزیری دەرەوەی كۆماری ئازەربایجان جەیهون بایرامۆڤ، بە یاوەری جێگری سەرۆكی كۆمپانیای سوكار بۆ بەرهەمهێنانی نەوت و گاز.
‏بەیاننامەكە ئاماژەی بەوەشكردووە: لە كۆبوونەوەكەدا باس لە ڕێگاكانی بەرزكردنەوەی هاریكاری بنیاتنەری نێوان هەردوو وڵات لە بوارە جیاجیاكاندا كرا، بەتایبەتی لە بواری وزەدا. و هاوكات سودانی تەئكیدیكردەوە: لە پەرۆشی عێراق بۆ پاراستنی پەیوەندییە دووقۆڵییەكان و پەرەپێدانی كاری هاوبەش، ستایشی هەڵوێستە پاڵپشتییەكانی ئازەربایجانیشی كرد سەبارەت بە ئاسایش و سەقامگیریی عێراق.
‏بەگوێرەی بەیاننامەكە، سودانی ئاماژەی كرد: بە گرنگی چالاككردنی كۆمەڵێك بابەتی هاوبەش كە بەشدارن لە پتەوكردنی پەیوەندییەكان و خزمەتكردنی بەرژەوەندییەكانی گەلانی هەردوو وڵاتی دۆست.
‏سودانی تەئكیدیكردەوە: لەسەر ئاڕاستەی حكومەت بەرەو دامەزراندنی هاوبەشی دوولایەنە لەگەڵ ئازەربایجان بۆ جێبەجێكردنی پڕۆژەكان لە كەرتی نەوت، و جەختیشیكردەوە: لە دەرفەتەكانی وەبەرهێنان كە لە كەرتی وزەدا لەبەردەستدایە.
‏ناوبراو ستایشی كۆمپانیای سوكاری ئازەربایجانی كرد و داوایكرد وەبەرهێنان لە كەرتی دەرهێنانی نەوت بكات، ئەمەش بە لەبەرچاوگرتنی هەوڵەكانی عێراق لە ساڵانی ڕابردوودا بۆ پەرەپێدانی بەرهەمهێنانی غاز و ڕاكێشانی كۆمپانیا گەورەكان بۆ وەبەرهێنان لەم كەرتە گرنگەدا.
‏لە درێژەی بەیاننامەكەدا هاتووە: هەر لە كۆبوونەوەكەدا باس لە پێشهاتەكانی ناوچەكە كرا، و هەروەها سودانی تەئكیدیكردەوە: لە ڕەتكردنەوەی هێرشە بەردەوامەكانی سەر غەززە و لوبنان و ئەو تاوانە دڕندانەیە كە لەلایەن قەوارەی داگیركەرەوە بەرامبەر خەڵكی مەدەنی بێ بەرگری ئەنجامی داوە، هەروەها پەیڕەوكردنی سیاسەتی برسیكردن لە نێوان بێدەنگی نێودەوڵەتیدا لەسەر دۆخەكە. هەروەها ئاماژەی بە سیاسەتی هاوسەنگی عێراق و كارەكانی لەبارەی پرسە ئەمنییەكان كرد كە پاڵپشتی سەقامگیری لە ناوچەكەدا دەكەن.
‏لای خۆیەوە بایرامۆڤ سڵاوی سەرۆكی وڵاتەكەی گەیاندە سەرۆك وەزیران و بانگهێشتنامەكەی بۆ سەردانی ئازەربایجان نوێ كردەوە بۆ پێشخستنی هاوكارییەكانی نێوان هەردوو وڵات. هاوكات سودانی تەئكیدی لە پابەندبوونی خۆی بە قبوڵكردنی بانگهێشتنامەكە لە زووترین كاتدا كردەوە. لەبەرامبەردا وەزیری دەرەوەی ئازەربایجان پەرۆشی وڵاتەكەی بۆ پاراستنی پەیوەندییەكانی لەگەڵ عێراق لە هەموو ئاستەكاندا دەربڕی.