سەرۆکی ئەنجومەنی وەزیران محەمەد شەیاع سودانی، ئەمڕۆ سێشەممە،جەختیکردەوە لەسەر گرنگی هاوسەنگبوون لەگەڵ خێراکانی تەکنەلۆجی لە دەروازە سنوورییەکان،ئاماژەی بەوەشکرد دەبێت پەرەپێدانی تەکنەلۆژی خێراتر و هاوتەریب بێت لەگەڵ کارەکانیان.
‏
‏نسینگەی راگەیاندتی سەرۆک وەزیران لە بەیاننامەیەکدا رایگەیاند :- سودانی سەردانی بارەگای دەستەی دەروازە سنوورییەکانی کرد، و لە ڕێگەی ڤیدیۆ کۆنفرانسەوە لەگەڵ بەڕێوەبەری دەروازەکان کۆبووەوە، بە ئامادەبوونی سەرۆکی دەستەی دەروازەکان و بەڕێوەبەرانی گشتی و ڕاوێژکاران.
‏
‏ئاماژەی بەوەکرد سەرۆک وەزیران گەشتێکی بە بارەگای دەستەکەدا کرد و تێڕوانینێکی وردی لەبارەی ڕێکارە جێبەجێکراوەکان لە هەر دەروازەیەک پێدرا، هەروەها گوێی لە کورتەیەک لە سەرۆکی دەستەکە گرت سەبارەت بە میکانیزمی کارکردن لە دەروازەکان.
‏
‏ سەرۆکی ئەنجومەنی وەزیران جەختی لەوە کردەوە کە ئەم سەردانە لە چوارچێوەی چاودێریکردنی کاری دەروازە سنوورییەکاندایە، و نوێنەرایەتی پێویستییەک بۆ وڵاتە خۆشەویستەکەمان دەکات لە هەموو بوارە سیاسی و ئەمنی و بازرگانی و ئابوورییەکاندا و ئاماژەی بەوەشکرد، ئاسایش بە گشتی بەتایبەت ئاسایشی خۆراک و دەرمان پەیوەستە بە کارەکانی دەستەی دەروازە سنوورییەکانەوە.
‏
‏ ئەوەشی ڕوونکردەوە کە دەروازە سنوورییەکان یەکێکە لەو دۆسیانەی کە ئاماژەی پێدەکرێت بەهۆی ناڕێکخراوی و پراکتیزەی نەرێنی و خاڵە لاوازەکانی دەوڵەت و گەندەڵی و قاچاخچێتییەوە، جەختی لەوە کردەوە کە حکومەت ڕێوشوێنی کۆنکرێتی و چاکسازیی پێکهاتەیی گرتووەتەبەر، لەنێویاندا سیستەمی ئاسیکودا، کە ڕێگەی خۆشکردووە بۆ جۆرێکی جیاواز لە کارکردن.
‏
‏ئەم خاڵانەی خوارەوە دەقی وتارەکەی سەرۆکی ئەنجومەنی وەزیرانە:
‏
‏?ڕێکارەکانی دەستەکە و بڕیارەکانی ئەنجومەنی وەزیران بەشدار بوون لەو دەستکەوتانەی کە لە دەروازە سنوورییەکان بەدەست هاتوون، هیوایەکی زۆرمان هەیە کە ئەم دەستکەوتانە بەردەوام بن و گەشە بکەن.
‏
‏?لایەنی ناوخۆ و دەرەکی هەیە کە لە دەروازە سنوورییەکان بە هیچ حاڵەتێکی ڕێکخراوەیی ڕازی نین.
‏
‏?پێویستە ڕێکار و هەنگاوەکانمان بەشێوەیەک دیاری بکەین کە ئامانجە دیاریکراوەکان بەدی نهێنێت.
‏
‏?پێشکەوتووترین وڵاتانی جیهان بەدەست کێشەی دەروازە سنوورییەکانیانەوە دەناڵێنن.
‏
‏?دەروازە سنوورییەکان لە عێراق بە چەند هۆکارێک ناوازەن، لەوانە سیاسی و ڕێکخراوەیی، و یاسایی.
‏
‏? ئێمە جەخت لەسەر گرنگی ئۆتۆماتیکی و حوکمڕانی ئەلیکترۆنی دەکەینەوە لە ڕێکارە جۆراوجۆرەکانی کۆنترۆڵکردن لە دەروازە سنوورییەکان و پەرەپێدانی تەکنەلۆژی خێراتر دەبێت و هاوتەریب بێت لەگەڵ کارەکانیان.
‏
‏? دەروازە سنوورییەکان پەیوەستن بە ئامانجێکی سەرەکی حکومەتەوە ئەوەیش زیادکردنی داهاتە.
‏
‏? هاوردەمان هەیە کە زیاتر لە 70 ملیار دۆلارە، بەپێی خەمڵاندنەکانی وەزارەتەکانی بازرگانی و پلاندانان و پێشبینی دەکرێت داهاتی بەرچاو و ڕوون بێت.
‏
‏? حکومەتەکەمان لە بەرنامەی حکومەتەکەیدا ئامانجی 20%ی داهاتی نا نەوتی دیاری کردووە، بەو پێیەی ئەمانە نوێنەرایەتی دەروازەی سەرکەوتن دەکەن لەڕێگەی دەروازە سنوورییەکانەوە.
‏
‏? داهاتی نا نەوتی سوودی بۆ کەرتی تەندروستی و پەروەردە و نیشتەجێبوون دەبێت، پارێزگاری لە بەرهەمی نیشتیمانی دەکات، هەروەها بەشداری دەکات لە گەشەپێدانی کەرتەکانی کشتوکاڵ و پیشەسازی، و چالاکییەکانی تر.
‏
‏? کۆمەڵێک ڕێوشوێنمان لە بواری گواستنەوەی دارایی و بەستنەوەی بە کارپێکردنی دەروازە سنوورییەکانەوە گرتووەتەبەر.
‏
‏? دەبێت بەراوردێک هەبێت لە نێوان ئەو دراوە بیانیەی کە بانکی ناوەندی دەیفرۆشێت و ئەو حەواڵەییەی کە بۆ هاوردەکردن بۆ بانک و بازرگانەکان دابینی دەکرێت، و هاوتاکردنی لەگەڵ ئەو پارەیەی کە کۆدەکرێتەوە، ئەم میکانیزمە لە 1ی/ کانوونی دووەمی داهاتووە جێبەجێ دەکرێت.
‏
‏? دەبێت هاوکاری لە نێوان دەستەی دەروازەکان و لایەنەکانی چاودێری کردن و فەرمانگە پەیوەندیدارەکان، و دەسەڵاتی دادوەری هەبێت.
‏
‏? ڕێکخراوی ناوەندی بۆ ستانداردکردن و کۆنتڕۆڵی جۆری لە وەزارەتی پلاندانان هاوبەشێکی گرنگ و جەوهەرییە بۆ دەروازە سنوورییەکان.
‏