سەرۆکی ئەنجومەنی وەزیران محەمەد شەیاع سودانی، جەخت دەکاتەوە لەسەر گرتنەوەی ئەو پارێزگارانەی کە ماونەتەوە لە پرۆژەی زەوییە خزمەتکراوەکان بۆ کارمەندانی بەرگری و گشتاندنی ئەزموونەکە بەسەر دەزگا ئەمنییەکانی تردا 
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەئاژانسی موتەڵع بەدواداچوونی بۆ کردووە بڵاویکردەوە"سەرۆکی ئەنجومەنی وەزیران محەمەد شەیاع سودانی، ئەمڕۆ چوارشەممە دەستیکرد بە کارە جێبەجێکارییەکانی پڕۆژەی گەشەپێدانی شاری نیشتەجێبوونی فرسان لە ناوچەی نەهروان لە بەغداد لەسەر ڕووبەری (24197) دۆنم کە بریتییە لە تەرخانکردنی زەوی نیشتەجێبوون خزمەتکراو، و دابەش کردنی بەسەر کارمەندانی وەزارەتی بەرگریدا، سودانی بەڵگەنامەی خاوەندارێتی زەوی ڕادەستی ژمارەیەک کەسوکاری شەهیدانی هێزە چەکدارەکان کرد.

سودانی ستایشی هەوڵەکانی وەزارەتی بەرگری و لایەنەکانی تری وەزارەتی بەرگری کرد، بۆ دەستپێکردنی ئەم پڕۆژەیە، و جەختی کردەوە لەسەر کارکردن بۆ دابینکردنی زەوی نیشتەجێبوون لەپارێزگاکانی دیکە و فەرمانی گشتاندنی ئەو ئەزموونەی کرد بەسەر کارمەندانی دەزگا ئەمنییەکانی دیکەدا، و ئاماژەی بەوەشکرد کە پڕۆژەی شاری فرسان لەلایەن گەشەپێدەری خانووبەرە و بە پلان و جێبەجێکردنی وەزارەتی بەرگری جێبەجێ دەکرێت، هەرووها بە پاڵپشتی وەزارەتی ئاوەدانکردنەوە و نیشتەجێبوون و شارەوانی و کاروبارە گشتییەکان، و پابەندکردنی کۆمپانیای گەشەپێدەر بۆ ئەوەی بەتەواوەتی جێبەجێی بکات و بەشێک لەخزمەتگوزارییە سەرەتاییەکانی وەک قوتابخانە و بنکەی تەندروستی و فەرمانگە خزمەتگوزارییەکان دروست بکات.

سەرۆک وەزیران ئاماژەی بەوەکرد کە پڕۆژەکە یەکێکە لەڕێڕەوەکانی حکومەت بۆ چارەسەرکردنی قەیرانی نیشتەجێبوون و مۆدێلێکە لەپارێزگاکاندا کە سەرجەم فەرمانبەران و ئەفسەران و بەرپرسانی وەزارەتی بەرگری لەخۆدەگرێت، و جەختی لەوە کردەوە کە حکومەت پرسی دابەشکردنی زەوی نیشتەجێبوونی بەبێ خزمەتگوزاری ژێرخان و دیزاینێکی شایستەی شارە مۆدێرنەکان و پێداویستییە جیاوازەکان بەجێهێشتووە.
سودانی ئاماژەی بەو شارە نیشتەجێبوونانە کرد کە بۆ کارمەندانی هێزە چەکدارەکان جێبەجێ دەکرێن، لەوانەش پڕۆژەی شاری غەزلانی لە موسڵ، و شارێکی تر بەسرە، جگە لە دانانی بەردی بناغەی شاری 6ی کانون لە تاجی، بۆ دابینکردنی پێداویستییەکانی یەکەکانی نیشتەجێبوون بۆ هاووڵاتیان و کارمەندانی هێزە ئەمنییەکان.

ئەمانەی خوارەوە دەقە گرنگەکانی وتارەکەی بەڕێز سەرۆکی ئەنجومەنی وەزیرانە:
سەرۆکی ئەنجومەنی وەزیران وتیشی کارمەندانی وەزارەتی بەرگری بەرگریان لە نیشتمانە مەزنەکە کرد، و دەبێت نیشتیمانێکی بچووکیان پێشکەش بکەین کە پارچە زەوییەکی نیشتەجێبوون و خزمەتگوزاری شایستە لەخۆبگرێت، ئاماژەیشیدا شارێکی نوێمان هەیە،  ناوی “شاری وەرد”ـە لەسەر ئاستی پارێزگایەکی نوێ و ڕەوانەی وەبەرهێنەر کرا، و ئێمە گرێبەستەکان و دیزاینەکەیمان تەواو کرد، و جێبەجێکردنی دەستی پێکرد.
دووپاتیشیکردەوە زیاتر لە 11 هەزار یەکەی نیشتەجێبوون لە "شارد ورد" تەواو دەبێت و 3 کیلۆمەتر لە پڕۆژەی نیشتەجێبوونی "شاری فۆرسان"ـەوە دوورە،هەروەها ڕێگایەکی 17 کیلۆمەتری لە دروستکردندایە کە ناوەڕاستی بەغداد بەشارە نوێیەکانی نیشتەجێبوون دەبەستێتەوە و دەگاتە شاری وەرد.
سەرۆک وەزیران وتیشی لە چوارچێوەی پلانی میترۆی بەغداد"ـدا شارە نوێیەکان بەیەکەوە بەستراون و ئێمە لە گفتوگۆداین لەگەڵ کۆمپانیا نێودەوڵەتییەکان بۆ جێبەجێکردنی ئەم پڕۆژە گرنگە.
جەختیکردەوە حکومەت پلانی پێشوەختەی بۆ 30 ساڵی داهاتوو لەبەرچاو گرتووە سەبارەت بە دابینکردنی خزمەتگوزاری و گواستنەوە و تۆڕی ڕێگاوبان.
سەرۆک وەزیران داوا لەکەرتی تایبەت و بازرگانان کرد بەردەوام بن لەجێبەجێکردنی پڕۆژەکانی نیشتەجێبوون و گەشەپێدەری خانووبەرە لەبەغداد و پارێزگاکان و حکومەتیش هەموو ئاسانکارییەکان دابین دەکات.
وتیشی داوا لە کەرتی تایبەت دەکەین کارگەی کەرەستەی بیناسازی دابمەزرێنن لەبەردەم ژیانەوەی گەورەی شارستانی وڵاتدا، چونکە ئەوەی بەردەستە پێداویستی ڕاستەقینە پڕناکاتەوە.
ئاماژەیشیدا ژمارەی یەکەکانی نیشتەجێبوون لەو پڕۆژانەی کە حکومەت واژۆی لەسەر کردووە یەک ملیۆن یەکەی تێپەڕاندووە.
رایگەیاند ئەو گەرەنتییە سەروەریانەی کە پێشکەشی کەرتی تایبەت دەکرێن ئەوە پشتڕاست دەکەنەوە کە عێراق لەبەردەم ڕێنێسانسێکی پیشەسازی نوێدایە بۆ سەرهەڵدانی کارگەی نیشتمانی کە پێداویستییەکانی بازاڕ دەگرێتەوە.
لەکۆتایی قسەکانیدا وتی حکومەت ناچارە خزمەتگوزارییە سەرەتاییەکانی وەک ئاوەڕۆ و تۆڕی ئاوی خواردنەوە و کارەبا و پەیوەندی و ڕێگاوبان پێشکەش بکات.