سودانی: یەدەگی نیشتمانی زێڕ پایەیەکی گرنگی سەقامگیری داراییە

22:53 2025-10-02 27491 عێراق 0

2025-10-02

27491

سەرۆک وەزیران محەمەد شیاع سوودانی، ئەمڕۆ پێنجشەممە، دووپاتیکردەوە کە یەدەگی نیشتمانی زێڕ پایەیەکی گرنگی سەقامگیری داراییە.

نووسینگەی ڕاگەیاندنی سەرۆک وەزیران لەراگەیەنراوێکدا کەدەستی موتەڵع کەوتووە، ڕایگەیاند: "سەرۆک وەزیران محەمەد شیاع سوودانی، ئەمڕۆ پێنجشەممە، پێشوازی لە ژمارەیەک زێڕەنگەر و نوێنەری بازرگانانی زێڕ لە عێراق کرد
سەرۆک وەزیران ئاماژەی بە "چاودێریکردنی حکومەت بۆ ئەم سێکتەرە گرنگە ئابوورییە، و گەشەسەندن و فراوانبوون و گەشەی ناوخۆیی و نێودەوڵەتی" کرد کە بەخۆیەوە دەیبینێت.

هەروەها پێداچوونەوەی بە دیارترین ئەو ئاڵنگارییانەی کە کەرتی تایبەت، وەبەرهێنەر و بەرهەمهێنەر لەم بوارەدا ڕووبەڕووی دەبنەوە،کرد لەو بارەیەوە سەرۆک وەزیران ئاماژەی بەوەدا کە "گەشەسەندنی بەرچاوی قەبارەی بازرگانی زێڕ وای لە حکومەت کردووە کە پاکێجێک لە بڕیاری ڕێکخراو بۆ چالاکییەکانی هاوردەکردنی زێڕ و پەرەپێدانی میکانیزمەکانی بازاڕ و پاراستنی بەکارهێنەر دەربکات، بە شێوەیەک کە کار بۆ بەهێزکردنی یەدەگی نیشتمانی زێڕ دەکات، کە بووەتە پایەیەکی گرنگ لە پایەکانی سەقامگیری دارایی و متمانە بە ئابووری عێراقی".

دووپاتیشیکردەوە کە "پەسەندکردنی پڕۆژەی "شاری زێڕی جیهانی" کە بارەگاکەی لە بەغدا دەبێت، هەنگاوێکی ستراتیژییە بۆ خۆجێگیرکردنی پیشەسازی و ڕێکخستنی بازرگانی زێڕ و خشڵ بەپێی ستانداردە نێودەوڵەتییەکان، و فەراهەمکردنی ژینگەیەکی مۆدێرن کە پشتگیری پیشەسازییە گۆڕانکارییەکان دەکات و هەلی کار دەڕەخسێنێت، و پشتگیری هەمەجۆرکردنی سەرچاوەکانی داهات دەکات"، ڕوونیشیکردەوە کە "حکومەت لە ئاڵنگارییەکانی بەردەم کارکەرانی ئەم سێکتەرە تێدەگات، جا چ پەیوەست بێت بە ڕێکارە کارگێڕییەکان یان چاودێری و کوالێتی یان پێویستی بە یاسادانانێکی نەرمتر".

جەختی لە "کارکردن بۆ چارەسەرکردنی ئەم ئاڵنگارییانە و وەرگرتنی پێشنیارە پراکتیکییەکان لە ناو بازاڕەکە خۆیدا، کردەوە بە شێوەیەک کە هاوسەنگی نێوان پاراستنی ئابووری نیشتمانی و پشتگیریکردنی زیندوێتی کەرتی تایبەت مسۆگەر بکات" دوپاتی کردەوە، کە "گرنگی پابەندبوون بە ستانداردە فەرمییەکان، لە ڕووبەڕووبوونەوەی فێڵ و ساختەکاری، و بەهێزکردنی متمانە بە بەرهەمی عێراقی" بە گرنگ زانی، لەگەڵ پابەندبوونی حکومەت بە پێشکەشکردنی پشتگیری لە ڕێگەی یاسادانان و ئاسانکارییە بانکییەکان و پاراستنی مافەکانی بازرگانان و وەبەرهێنەران، وە حکومەت لەگەڵ هاوبەشەکانی لە کەرتی تایبەت بەردەوام دەبێت لە کارکردن