سەرۆک کۆمار: قوربانیدانی شەهیدان بنەمایەکی سەقامگیری ئێستای وڵات پێکدەهێنێت

22:45 2026-01-04 12075 عێراق 0

2026-01-04

12075

ئەمڕۆ یەکشەممە عەبدولـلـەتیف جەمال ڕەشید سەرۆک کۆمار دووپاتیکردەوە کە قوربانیدانی شەهیدان بنەمایەکی سەقامگیری ئێستای وڵات پێکدەهێنێت.
سەرۆک کۆمار لەمیانی بەشداریکردنی لەڕێوڕەسمی ناوەندیی ساڵیادی شەهید بوونی سەرکردەکانی سەرکەوتنی وتی : ئەو هەڵوێستە قارەمانانەی شەهیدانی هێزە ئەمنییەکان، بەهەموو پێکهاتەکانیانەوە کەڕووبەڕووی دڕندەترین هێزی تیرۆر و تاریکستان دەبوونەوە، بوونەتە بنەمایەکی سەقامگیری ئێستا وڵات .
ڕاشیگەیاند : کە بەرپرسیارێتی نیشتمانی و ئەخلاقیمان وادەخوازێت کە ئەم قوربانییە گەورانە لەبیر نەکەین و بیانپارێزین و لە یادی نەوەکانی داهاتوودا بیانچەسپێنین و یادەوەرییان بکەینە پاڵنەرێکی بەردەوام بۆ چەسپاندنی سەروەری یاسا و دامەزراوەکان و بەهێزکردنی دادپەروەری کۆمەڵایەتی.
سەرۆک کۆمار لە درێژەی وتارەکەیدا وتی : وڵاتەکەمان و گەلەکەمان بەرەو پتەوکردنی ئاسایش و سەقامگیری و چەسپاندنی ئەزمونی دیموکراسی ناوازەی لە ناوچەکەدا هەنگاو دەنێت.
ووتیشی : لەگەڵ ئەو سەرکەوتنەی لەڕێکخستنی هەڵبژاردنی پەرلەماندا بەدەست هاتووە، ئێستا شایستەیەکی گەورەی نیشتمانی لەبەردەمماندایە، لە پێش هەموویانەوە پێکهێنانی حکومەتێکی گشتگیر کە توانای بەدیهێنانی خواستەکانی گەلی عێراقی هەبێت.
راشیگەیاند : ئەنجوومەنی نوێی نوێنەران بەرپرسیارێتی مەزنیان لە ئەستۆدایە، کە بریتین لە چالاککردنی ڕۆڵی چاودێری و یاسادانانی و دوو هێندەکردنی هەوڵەکان بۆ دەرکردنی پڕۆژە یاساییە گرنگەکان کە ڕاستەوخۆ پەیوەندییان بەپێداویستییەکانی ژیان و خزمەتگوزاریی هاووڵاتیانەوە هەیە.