سەرۆک کۆمار پێشوازی لەسەرۆکی فەلەستین دەکات ‏

00:02 2025-05-17 68876 عێراق 0

2025-05-17

68876

سەرۆک کۆمار د.لەتیف جەمال ڕەشید، ئەمڕۆ هەینی کۆشکی سەلام، پێشوازی لەسەرۆکی فەلەستینی، مەحمود عەباس و شاندی یاوەری کرد.
‏
‏نوسینگەی سەرۆکایەتی کۆمار لە بەیاننامەیەکدا بڵاویکردەوە:- لە میانی دیدارەکەدا باسیان لە پەیوەندیی مێژوویی برایانەی نێوان عێراق و فەلەستین کرد، هەروەها ڕێگاکانی بەهێزکردنیان لەبوارە جیاجیاکاندا، لەگەڵ هەڵوێستی پشتیوانی نەگۆڕی عێراق بۆ دۆزی دادپەروەرانەی گەلی فەلەستین.
‏سەرۆک کۆمار پشتیوانی تەواوی عێراقی بۆ بەدەستهێنانی مافە ڕەواکانی گەلی فەلەستین دووپات کردەوە، لە پێش هەموویانەوە مافی دامەزراندنی دەوڵەتی سەربەخۆیان و جەختی لەوەش کردەوە کە دەستدرێژی بەردەوام بۆ سەر کەرتی غەززە پێویستی بەهەڵوێستێکی یەکگرتوو و بەهێزی عەرەبی هەیە کە گوزارشت لەنیشاندانی ئیرادەیەکی هاودەنگی و پشتیوانی کاریگەر بۆ گەلی فەلەستین بکات.
‏هەروەها سەرۆک کۆمار ئاماژەی بەوەدا کەلوتکەی عەرەبی زەمینەیەکی گونجاو خۆش دەکات بۆ ئاراستەکردنەوەی هاودەنگی عەرەبی بەرەو پشتیوانیکردن لەدۆزی فەلەستین و داڕشتنی هەڵوێستێکی کاریگەر کە مافەکان بپارێزێت و خۆڕاگری گەلی فەلەستین لەبەرامبەر داگیرکاریدا بەهێزتر بکات.
‏لەلای خۆیەوە سەرۆک عەباس، پێزانینی بەرزی خۆی بۆ هەڵوێستی چەسپاوی عێراق سەبارەت بە دۆزی فەلەستین دەربڕی و دەستخۆشی لە میوانداریکردنی بەغداي لە لوتکەی عەرەبی و ئەو پلاتفۆرمە ستراتیژییەی کە نوێنەرایەتی دەکات بۆ گەیاندنی دەنگی گەلی فەلەستین بە جیهانی عەرەبی و کۆمەڵگەی نێودەوڵەتی.