فەرماندەی گشتی ئاڕاستەی بەرزكردنەوەی ئەدای كاركردن دەكات لە جێبەجێكردنی پلانی هەماهەنگی زیارەتەكانی عاشورا

01:08 2025-07-06 97740 عێراق 0

2025-07-06

97740

ئەمڕۆ شەممە فەرماندەی گشتیی هێزە چەكدارەكان محەمەد شیاع سودانی ئاڕاستەی بەرزكردنەوەی ئاستی ئەدای كاركردن لە جێبەجێكردنی پلانی هەماهەنگی بۆ زیارەتكردنی عاشورا كرد.
‏نووسینگەی ڕاگەیاندنی سەرۆك وەزیران لەبەیاننامەیەكدا ڕایگەیاند : محەمەد شیاع سودانی سەرۆك وەزیران و فەرماندەی گشتی هێزە چەكدارەكان، سەردانی فەرماندەیی ئۆپەراسیۆنە هاوبەشەكانی كرد بۆ بەدواداچوون بۆ پێشكەوتنی پلانی هەماهەنگی بۆ دەستەبەركردنی زیارەتی عاشورا، بە ئامادەبوونی بەرپرسانی سەربازی و ئەمنی.
‏ئاماژە بەوەشكراوە : سەرۆك وەزیران لە ڕێگەی ڤیدیۆكۆنفرانسەوە كۆبوونەوەیەكی ئەنجامدا، كە بریتی بوو لە لیژنەی باڵای هەماهەنگی كە پێكهاتبوو لە وەزیرانی ناوخۆ، كارەبا، و تەندروستی، هەروەها پارێزگارەكانی كەربەلا، بابل، و نەجەف، لیژنەكانی خزمەتگوزاری، فەرماندەیی ئۆپەراسیۆنەكان، پێكهاتەكانی پۆلیس، و هێزەكانی حەشدی شەعبی لە درێژەی بەیاننامەكەدا هاتووە، پێداچوونەوە بەو پلانە كارانەی كە بەپێی ڕێنماییەكانی پەسەندكراون، پێداچوونەوەیان بۆ كرا، هەروەها هەموو شتێكی پەیوەست بەو خزمەتگوزارییانەی كە پێشكەش بە زیارەتكاران دەكرێت، هەروەها لە كۆبوونەوەكەدا شایەتحاڵی ئەوە بوو وەزیر و پارێزگارەكان پێداچوونەوەیان بە پلان و ڕۆڵی دیاریكراوی خۆیان كرد، ڕوونكردنەوەیەكی وردیان لەسەر ئەدای كاركردنیان پێشكەشكرد، دڵنیابوون لە ڕەوتی ڕێكوپێكی ڕێوڕەسمەكان، هەروەها جوڵەی بێ بەربەستی پێچەوانەی زیارەتكاران.
‏بەگوێرەی بەیاننامەكە سودانی جەختی لە گرنگی بەرزكردنەوەی ئاستی هەماهەنگی تەواو لەسەر هەموو ئاستەكان و چالاكییەكانی پەیوەست بە دەزگا ئەمنییەكان و سەربازی و مەدەنییەكان و هەروەها هەوڵەكانی وەزارەت و مەزارگە پیرۆزەكان كردووەتەوە.
‏سودانی لەم بۆنەیەدا پرسەو سەرەخۆشی خۆی ئاراستەی سەرجەم عێراقییەكان كرد و ئاماژەی بەوەدا : ئەو بەها ئەخلاقییە تایبەتەی ئەم سەردانە نوێنەرایەتی دەكات بۆ عێراقییەكان و موسڵمانان، لە وتارەكەیدا ئەو مانایە گەورانەی وەبیرهێنایەوە كە لە شۆڕشی ئیمام حسێن (سەلامی خوای گەورەی لەسەر بێت) بەرجەستە بوون،هەروەها ستایشی ئەو ئاستی چاودێرییەی كرد كە نیشاندرا بۆ دڵنیابوون لە هەموو پێداویستییەكان بۆ سەردانەكە، و هەوڵەكانی لیژنە لاوەكییەكان و پسپۆڕەكان، كە بە هەماهەنگییەكی نزیك لە نێوان هەموو پێكهاتە خزمەتگوزارییەكانی ئامادەبوو كاریان كردووە.
‏جەختی لە گرنگی ئامادەبوونی مەیدانی بۆ بەرپرسان و سەركردەكان كردەوە، بەتایبەتی لەگەڵ لوتكەی ژمارەی سەردانكەرانی بەشداربوو، ئاڕاستەی پێویستی كەمكردنەوەی ژمارەی كاروانی بەرپرسان و سەركردەكان لە پارێزگاكانی میوانداری مەراسیمی سەردانەكان دەكات.