فەرماندەی گشتی هێزە چەکدارەکان سەرۆکایەتی کۆبوونەوەی ئەنجومەنی وەزیران بۆ ئاسایشی نیشتمانی دەکات

00:10 2024-05-09 52006 عێراق 0

2024-05-09

52006

سەرۆکی ئەنجومەنی وەزیران و فەرماندەی گشتی هێزە چەکدارەکان محەمەد شەیاع سودانى، ئێوارەی ئەمڕۆ چوارشەممە سەرۆکایەتی کۆبوونەوەیەکی ئەنجومەنی وەزیرانی ئاسایشی نیشتمانی کرد کە تیایدا گفتوگۆیان لەسەر دوایین پێشهاتەکانی بارودۆخی ئاسایشی عێراق کرد و ئەو پرسانەیان تاوتوێ کرد کە لە کارنامەدا هەیە و دەبنە هۆی پتەوکردنی ئاسایش و سەقامگیری و جەختکرنەوە لەسەر گرنگترین پێداویستییەکان بۆ سەرخستنی کاری ئەمنی و هەواڵگری کەرتە ئەمنییە جیاوازەکانمان.

لیوای هێزە تایبەتەکان یەحیا ڕەسوڵ عەبدوڵا وتەبێژی فەرماندەی گشتی هێزە چەکدارەکان ،لە بەیاننامەیەکدا بڵاویکردەوە :-لە کۆبوونەوەکەدا (ستراتیژی ئاسایشی نیشتمانی 2024-2028) پەسەندکرا، کە بەگوێرەی ستانداردە پەسەندکراوەکان ئامادەکرابوو، بۆ ئەوەی یەکبخرێت و لەگەڵ بەرنامەی حکومەتدا بگونجێت و ڕاسپاردنی ئەنجومەنی وەزیران بۆ پەسەندکردنی.

ئەنجومەنی وەزیران گفتوگۆی ئەو پلانانەی کرد کە ئامادەکراون بۆ دەستەبەرکردنی پڕۆژە ئابوورییەکانی ستراتیژی و گەشەپێدان کە لە بەغدای پایتەخت و پارێزگاکانی دیکە جێبەجێ دەکرێت و دابینکردنی پاراستن بۆ خۆیان و کارمەندەکانیان، چوونکە گرنگییەکی گەورە پێکدەهێنێت بۆ حکومەت و ڕێبازەکەی بۆ بەدیهێنانی گەشەپێدانی بەردەوام و پێشخستنی دۆخی ئابووری وڵات.

هەروەها ئەنجومەنەکە ڕەزامەندی دەربڕی لسەر بەدەرکردنی هێزەکانی پاسەوانی هەرێمی کوردستانی عێراق لە باجی گومرگی تایبەت بە فرۆشتنی سەربازی هاوشێوەی وەزارەتەکانی بەرگری و ناوخۆ و دەزگای دژە تیرۆر، بە مەرجێک پڕچەککردنی ئەم هێزانە لە ڕێگەی وەزارەتی بەرگرییەوە بێت لە حکومەتی فیدراڵی.

لە تەوەرێکی دیکەدا، ئەنجومەنەکە هەڵوەشاندنەوەی فەرماندەیی ئۆپەراسیۆنەکانی کەرخ و ڕەسافەی پەسەند کرد و هەموارکردنەوەی بەستنەوەی کەرتەکانی یەکە سەربازییەکان لە چوارچێوەی هەردوو کەرتەکەدا، بۆ ئەوەی ببەسترێنەوەی بە پێکهاتەکانی سەرەو لە هەموو بوارەکاندا و بەدەرکردنی جوڵەکان بۆ ئەوەی یەکەکان و کەرتەکان لە هەردوو کەرتدا ببەسترێنەوە بە فەرماندەیی ئۆپەراسیۆنەکانی بەغدا بۆ دڵنیابوون لە فەرمان و کۆنترۆڵ کردن و ئەدای ئەمنی بە پێی پێویست.