نەتەوە یەکگرتووەکان جەخت لە پابەندبوونی به پشتگیریکردنی عێراق لە پرۆسەی هەڵبژاردندا دەکاتەوە

23:18 2025-11-02 32679 عێراق 0

2025-11-02

32679

ئەمڕۆ یەکشەممە"محەمەد حەسان"نوێنەری سکرتێری گشتی نەتەوە یەکگرتووەکان لە عێراق، جەختی لە پابەندبوون بە بەردەوامیدان بە پشتگیریکردنی عێراق لە پرۆسەکانی هەڵبژاردن و بەهێزکردنی سەقامگیری سیاسی و ئابووری کردەوە.
وەزارەتی دەرەوە، لە ڕاگەیەندراوێکدا کە دەستی موتەڵع کەوتووە، تیایدا هاتوو : "فوئاد حوسێن"جێگری سەرۆکوەزیران و وەزیری دەرەوە، لە نووسینگەکەی لە بەغداد پێشوازی لە "محەمەد حەسان"نوێنەری سکرتێری گشتی نەتەوە یەکگرتووەکان لە عێراق کرد.
وەک ڕاگەیەندراوەکە ئاماژەی پێداوە : لە میانی دیدارەکەدا،گفتوگۆ لەسەر گۆڕانکارییەکانی دۆخی هەرێمایەتی و نێودەوڵەتی و کاریگەرییەکانیان لەسەر عێراق و ناوچەکە کرا، هاوکات تاوتوێی ئامادەکارییەکانی بەڕێوەچوونی هەڵبژاردنەکانیش کرا کە بڕیارە لەم مانگەدا ئەنجام بدرێت.
بەگوێرەی ڕاگەیەندراوەکە : وەزیری دەرەوە ،جەختی لەسەر "دڵنیابوون لە بەڕێوەچوونی هەڵبژاردنێکی شەفاف و بێگەرد کە ویستی گەلی عێراق ڕەنگدانەوەی بێت کردەوە،و ستایشی پشتیوانیی نەتەوە یەکگرتووەکانیشی لەم بوارەدا کرد.
هەر بەگوێرەی ڕاگەیەندراوەکە : لە دیدارەکەدا تاوتوێی ڕێگاکانی بەهێزکردنی هاوکاری و هەماهەنگی نێوان عێراق و نەتەوە یەکگرتووەکانی لە بوارە جیاوازەکانی گرنگی هاوبەشدا کرد، بە شێوەیەک کە یارمەتیدەر بێت لە پشتگیریکردنی هەوڵەکانی سەقامگیری و گەشەپێدانی بەردەوام لە وڵاتدا.
لەلایەن خۆیەوە"محەمەد حەسان"پێزانینی نەتەوە یەکگرتووەکانی بۆ هاوکاری بەردەوام لەگەڵ حکومەتی عێراق" دەربڕی و جەختی لەسەر پابەندبوونی ڕێکخراوە نێودەوڵەتییەکە کردەوە بە بەردەوامیدان بە پشتیوانیکردنی عێراق لە پرۆسەکانی هەڵبژاردن و بەهێزکردنی سەقامگیری سیاسی و ئابووری.