هەڵوەشاندنەوەی تۆڕێک کە پشتیوانی دارایی و لۆجستی پێشکەش بە ئەندامانی سەر بە پاشماوەی گروپێکی توندڕەو دەکات

21:22 2025-07-24 57386 عێراق 0

2025-07-24

57386

دەزگای ئاسایشی نیشتمانی عێراق، ئەمڕۆ پێنجشەممە، هەڵوەشاندنەوەی تۆڕێکی ڕاگەیاند کە پشتیوانی دارایی و لۆجستی پێشکەش بە ئەندامانی سەر بە پاشماوەی گروپێکی تووندڕەو دەکرد.
‏لە بەیاننامەیەکی دەزگاکەدا هاتووە: بە هەوڵێکی هەواڵگری ورد و هەماهەنگییەکی ئاست بەرز لەنێوان بەڕێوەبەرایەتییەکان لە چوار پارێزگادا، توانیویەتی تۆڕێک هەڵبوەشێنێتەوە کە پشتیوانی دارایی و لۆجستی پێشکەش بە ئەندامانی سەر بە پاشماوەی قەوارەیەکی تووندڕەو دەکرد و دوو ئەندامی تێوەگلاو لە چالاکییەکانی پارەدارکردن و وەرگرتندا دەستگیربکات.
‏بەیاننامەکە ئاماژەی بەوەشکردووە، بەڕێوەبەرایەتی ئاسایشی کەرکوک، بە هاوکاری لەگەڵ بەڕێوەبەرایەتی ئاسایشی ئەنبار، چاودێری تۆڕێکی دارایی شاراوەیان کردووە کە لەلایەن یەکێک لە ژنە تێوەگلاوەکانەوە کە دانیشتووانی فەللوجەیە سەرپەرشتی دەکرا، و لەسەر بنەمای فەرمانێکی دەرچوو بەپێی ماددەی (٤/تیرۆر) دەستگیرکرا، چونکە تۆمەتبارەکە ئەرکی دابەشکردنی بڕە پارە و کەفالەتی لەناو هەردوو کەمپی جەدەعە و هۆلدا لە ئەستۆ بووە، کە دەرچەیەک بووە بۆ گەیاندنی پشتیوانی بۆ هەندێک خێزان و ئەندامانی سەر بە قەوارەکە.
‏بەیاننامەکە لە بەشێکی دیکەی ئۆپەراسیۆنەکەدا دەڵێت: هەماهەنگییەکی جۆری لەنێوان بەڕێوەبەرایەتی ئاسایشی دیالە و مەفرەزەکانی ئاسایشی نەینەوا بووە هۆی دەستگیرکردنی یەکێک لە داواکراوان لە پارێزگای نەینەوا دوای بەدواداچوونی مەیدانی و لێکۆڵینەوەیەک کە سێ ڕۆژی خایاند ، چونکە تۆمەتبارەکە کە بە نازناوی ئەبو عومەر قوڕەیشی ناسراوە پەیوەندی بە هەوڵی سنووردارەوە هەبووە بۆ ڕاکێشانی هەندێک گەنج و لە ماوەکانی پێشوودا ڕاهێنانی لەسەر بابەتە ئەمنی و تەکنیکییەکان کردووە ، هەروەها دەرکەوتووە کە فەرمانی گرتنی لەلایەن دادگای تایبەتمەندەوە بۆ دەرچووە.
‏لە کۆتایی بەیاننامەکەدا هاتووە: "لێکۆڵینەوەکان زنجیرەیەکی پێکەوەبەستراوی ڕۆڵ و پەیوەندییەکانیان ئاشکرا کرد کە هەندێک لە ئەندامان لە ڕێگەیەوە پەیوەندییەکانیان لەگەڵ ڕێکخراوە داڕماوەکەدا پاراستووە، لە کاتێکدا مەفرەزەکانی دەزگاکە بەردەوامن لە ئۆپەراسیۆنە خۆپارێزییەکانیان بۆ چاودێریکردنی هەر جووڵەیەکی گوماناوی و ڕێگریکردن لە دووبارە کۆبوونەوەی ئەم تۆڕانە