کۆبوونەوەیەکی دادوەری و ئەمنی و میدیایی بۆ تاوتوێکردنی پاراستنی سەروەری لەسایەی ئاڵنگارییەکانی ئێستادا

19:06 2025-06-19 81866 عێراق 0

2025-06-19

81866

ئەمڕۆ پێنجشەممە، سەرۆكی ئەنجومەنی باڵای دادوەری، دادوەر فایق زێدان، تەئكیدیكردەوە: دەسەڵاتی دادوەری نەرم و نیان نابێت لەگەڵ ئەو كەسانەی هەوڵی تێكدانی ئاسایشی عێراق دەدەن.
راگەیاندنی ئەنجومەنی باڵای دادوەری لە بەیاننامەیەكدا كە دەستی موتەڵع کەوتووە، دەڵێت: ئەمڕۆ ئەنجومەنی باڵای دادوەری میوانداری كۆبوونەوەی هاوبەشی دادوەران و دەزگا ئەمنییەكان و دەستەی راگەیاندن و پەیوەندییەكان و سەندیكای ڕۆژنامەنووسانی كرد. لە كۆبوونەوەكەدا سەرۆكی داواكاری گشتی، و سەرۆكی دەستەی چاودێریی دادوەری، دادوەری یەكەمی دادگای لێكۆڵینەوەی یەكەمی كەرخ، دادوەری یەكەمی دادگای لێكۆڵینەوەی ناوەندی لە ڕەسافە، دادوەری یەكەمی دادگای لێكۆڵینەوەی كەرخی سێیەم، دادوەری یەكەمی دادگای لێكۆڵینەوەی دەستپاكی لە ڕەسافە، هەروەها وەزیری ناوخۆ، سەرۆكی دەزگای هەواڵگری، سەرۆكی دەزگای دژەتیرۆر، سەرۆكی دەزگای ئاسایشی نیشتمانی، سەرۆكی دەستەی ڕاگەیاندن و پەیوەندییەكان، نەقیبی رۆژنمەنوسان، و بریكاری هەواڵگری لە وەزارەتی ناوخۆ، ئامادەبوون بۆ گفتوگۆكردن لەسەر ئەو بارودۆخە ناوازەیەی كە ناوچەكە پێیدا تێدەپەڕێت.
جەختیشیكردەوە: كە ئاسایش و سەروەری عێراق لە پێشینەی كارەكانی كۆمەڵگایە، هەروەها هەر هەڕەشەیەك بۆ سەر ئاسایش و سەروەرییەكەی دەبێتە پێوەرێك بۆ لێپرسینەوە لە هەر كەسێك كە هەوڵی تێكدانی ئەو مافە نیشتمانییانە بدات.
زێدان كە سەرۆكایەتی كۆبوونەوەكەی دەكرد، رایگەیاند: ئەوەی لە لایەن هەندێ كە پێیان وایە بەرەی ناوخۆ ناجێگیر دەبێت، دەیانخاتە بەردەم سزای یاسایی توند، بە تایبەت كە دۆخی ناوچەیی پاش دەسدرێژییەكانی ئەم دواییەی زایۆنیی پێویستی بە هەڵوێستێكی یەكگرتووی عێراق هەیە بۆ ئەوەی عێراق خۆی لە هەر مەترسییەك دوور بخاتەوە كە سەروەریی و ئایندەی خەڵكەكەی بكاتە ئامانج سەروەری یاسا بە مەبەستی بەرزكردنەوەی گیانی هاودەنگی و یەكگرتوویی نێوان گەلی عێراق بە هەموو پێكهاتە و مەزهەبەكانیەوە”.
ئاماژەی بەوەشكردووە: دەسەڵاتی دادوەری عێراق نەرم و نیان نابێت لەگەڵ هەر كەسێك كە هەوڵی تێكدانی ئاسایش و سەروەری عێراق بدات، بەبێ گوێدانە بەرپرسیارێتیەكەی.
لای خۆشیانەوە وەزیری ناوخۆ و سەرۆكی دەزگا ئەمنییەكان و سەركردەكانی ڕاگەیاندن رایانگەیاند: هەموو لایەك بە یەكڕیزی دەوەستن بۆ پاراستنی عێراق و پاڵپشتی دەسەڵاتی دادوەری لە ڕێوشوێنە ڕێگریەكانیدا بەرامبەر بەو كەسانەی هەوڵی تێكدانی عێراق و گەلەكەی دەدەن و ئاسایشی وڵاتەكە لەم هەلومەرجە سەختەدا ناسەقامگیر بكەن.