لەیلا قاسم لە ڕێککەوتی 1952/1/27 لە شاری خانەقین لەدایکبووە، لەیلا چالاکوانێکی سیاسی و خوێندکاری کۆلێژی ئاداب بوو لە بەشی کۆمەڵناسی لە زانکۆی بەغدا، لە سەرتاکانی ساڵانی حەوتاکانی سەدەی ڕابردوو لەیلا پەیوەندی بە ڕیزی "پارتی دیموکراتی کوردستان"ـی کرد، کاتێک لەیلا تەمەنی شازدە ساڵان بوو، عەبدولڕەحمان عارف سەرۆکی پێشووی عێراق لەلایەن سەرکردەی حیزبی بەعس ژەنەڕاڵ ئەحمەد حەسەن ئەلبەکر لە دەسەڵات لابرا، و بەهۆی دەستبەسەرداگرتنی پایتەخت بەغدا لە کۆتاییەکانی شەستەکاندا لەلایەن بەعسیەکان لەیلا دڵتەنگ بوو و خۆی و جیاکۆی برای پۆستیان دەربارەی ترسناکییەکانی پارتی بەعس نووسی کە تێیدا وەسفی سەرکردەی نوێی عێراق کرد "سەدام حوسێن" کە بە دژی سەربەخۆیی کورد وەسفیان دەکرد، لەیلا لەگەڵ زۆرێک لە کوردەکانی ناوچەی هەرێمی کوردستانی ئێستا دەربارەی ڕژێمی بەعس و ڕەوشتی نەگونجاوی ئەندامانی قسەی کردووە و وتەکانی زۆر ئیلهامبەخش بوون، و لە ساڵی 1970 پەیوەندی بە یەکێتی خوێندکارانی کوردستان و پارتی دیموکراتی کوردستانەوە کردووە و لە 28ـی نیسانی 1974 لەگەڵ چوار کەسی دیکە دەستگیرکرا و ئەشکەنجە درا کە (تۆمەتبارکرابوون) بە هەوڵدان بۆ ڕفاندنی فڕۆکەیەک لە بەغدا و لە 12ـی ئایاری 1974 لە کۆتاییدا له دوای دانیشتنێکی درێژخایەنی دادگاییکردن کە لە سەرانسەری عێراق پەخشکرا بڕیاری لەسێدارەدانی بۆ دەرچوو و لە سێدارەدرا. لەیلا قاسم بە یەکەم ژن دادەنرێت کە لە عێراق لە سێدارە بدرێت، ئەمەش لە ئەنجامی ئەندامبوونی لە ڕیزەکانی بزووتنەوەی ڕزگاری کوردستان.