حەییە: حەماس ئامادەیە تەواوی بەرپرسیارێتییە ئیداری و ئەمنییەکانی کەرتی غەززە ڕادەستی "لیژنەیەکی نیشتمانی" بکات
خەلیل حەییە، بەرپرسی بزووتنەوەی حەماس لە کەرتی غەززە و سەرۆکی دانوستکاری حەماس ڕایگەیاند، بزووتنەوەکەی ئامادەیە تەواوی بەرپرسیارێتییە ئیداری و ئەمنییەکانی کەرتی غەززە ڕادەستی "لیژنەیەکی نیشتمانی" بکات و هیچ تێبینییەکی لەسەر هیچ کەسایەتییەکی نیشتمانی نییە بۆ بەڕێوەبردنی کەرتەکە.
لە چاوپێکەوتنێکدا لەگەڵ کەناڵی "ئەلجەزیرە"، کەموتەڵع بەدواداچوونی بۆ کردووە حەییە ئاشکرای کرد، حەماس و بزووتنەوەی فەتح گەیشتوونەتە لێکگەیشتنێک سەبارەت بە جێگیرکردنی هێزێکی نەتەوە یەکگرتووەکان بۆ چاودێریکردنی ئاگربەست. گوتیشی، هەموو لایەنە فەڵەستینییەکان کۆکن لەسەر ئەوەی کە نەتەوە یەکگرتووەکان بەرپرسیارێتیی ئاوەدانکردنەوەی غەززە لە ئەستۆ بگرێت.
حەییە ئاماژەی بەوەشکرد، لە دیدارێکدا بەرپرسانی ئەمەریکی (ویتکۆف و کوشنەر)ی ئاگادار کردووەتەوە کە حەماس بزووتنەوەیەکە بەدوای سەقامگیریدا دەگەڕێت و پێی وتوون، "دۆناڵد ترەمپ، سەرۆکی ئەمەریکا، توانای سنووردارکردنی داگیرکاریی ئیسرائیلی هەیە".
سەرکردەکەی حەماس پێیوابوو کە ئەو "شکستە مێژووییەی" تووشی ئیسرائیل بووە، پاشەکشەیەکی گەورەی بە داگیرکارییەکە کردووە. جەختیشی کردەوە: "ئەگەر داگیرکاری کۆتایی بێت، ئەو چەکانە دەگەڕێنرێنەوە بۆ دەوڵەتی فەڵەستین".
سەبارەت بە پرسی دیلەکان، گوتی ئەمە پرسێکی نیشتمانیی لەپێشینەیە و بزووتنەوەکەی هەموو هەوڵێک دەدات بۆ کۆتاییهێنان بە ئازاریان، هەرچەندە دانوستانەکان بەهۆی بێدەنگیی ئیسرائیلەوە لەسەر زۆرێک لە ناوە پێشنیازکراوەکان، هێشتا بەردەوامن.
حەییە دۆخی مرۆیی غەززەی بە "کارەساتبار" وەسفکرد و گوتی: "کەرتی غەززە ڕۆژانە پێویستی بە نزیکەی شەش هەزار بارهەڵگری هاوکاریی هەیە، نەک 600 بارهەڵگر کە ئێستا دەگات". ناوبراو ئیسرائیلی بە دروستکردنی ئاستەنگ لەبەردەم گەیشتنی هاوکارییەکان تۆمەتبار کرد.
لە کۆتاییدا هۆشداریدا پێشێلکارییە بەردەوامەکانی ئاگربەست لەلایەن ئیسرائیلەوە، ڕێککەوتنەکە دەخاتە مەترسییەوە و داوای پابەندبوونی تەواوی کرد بۆ پاراستنی سەقامگیری لە کەرتەکەدا.
كلمات مفتاحية
اخبار ذات صلة
تعليقات
دوایین هەواڵەکان
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
ترەمپ: لەسەر داوای پاکستان هێرشەکانی سەر ئێران بۆ دوو هەفتە رادەگرم
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
