مەسعود بارزانی:لەبەر بێبەشکردنی پێکهاتەکانی هەرێمی کوردستان پارتی هەڵوێستی بایکۆتکردنی هەڵبژاردنی گرتوەتەبەر
سەرۆکی پارتی دیموکراتی کوردستان رایگەیاند، لەبەر بێبەشکردنی پێکهاتەکانی هەرێمی کوردستان پارتی هەڵوێستی بایکۆتکردنی هەڵبژاردنی گرتوەتەبەر، داوا دەکەن ئەو سەرنج و کێشانەی رێگرن لە ئەنجامدانی هەڵبژاردنێکی تەندروستی چارەسەر بکرێن و دەشڵێت، "دواخستنی هەڵبژاردن بۆ ماوەی چەند مانگێک باشترە لەوەی هەڵبژاردنێک بەرێوەبچێت کە مافی دەنگدەران و پێکهاتەکان پێشێلبکات."
مەسعود بارزانی سەرۆکی پارتی دیموکراتی کوردستان لەگەڵ تۆماس سیلەر باڵیۆزی یەكێتیی ئەوروپا لە عێراق کۆبۆوە و گفتوگۆ لەبارەی بارودۆخی سیاسی عێراق و هەڵبژاردنی هەرێمی كوردستان کرا.
لە کۆبونەوەکە مەسعود بارزانی سەرۆکی پارتی دیموکراتی کوردستان رایگەیاند، لەدوای ڕاپەڕینەوە پارتی دەستپێشخەری دیموكراسی و بەڕێوەچونی هەڵبژاردن و گواستنەوەی شەرعیەتی شۆڕشگێڕی بۆ شەرعیەتی یاسایی و دەستوری بوە و هەردەم ئامادەی بەڕێوەچونی هەڵبژاردن بوە لە هەرێمی كوردستان.
مەسعود بارزانی ئاماژەی بەوەشکرد، ئەو تێبینیانەی پارتی لەسەر هەڵبژاردن هەیەتی بەهۆی بێبەشكردنی پێكهاتەكان لە هەڵبژاردن و زۆربونی گیروگرفتی تەكنیكی و دەستكاریی نادەستوریی یاسای هەڵبژاردن و هەوڵدان بۆ دیزاینی پێشوەختەی ئەنجامەكانی هەڵبژاردن بوە.
وتیشی، "پارتی لەپێناو پاراستنی بەها دیموكراتیەكان و بەڕێوەچونی هەڵبژاردنێكی پاك و بێگەرد ئەو هەڵوێستەی وەرگرتوە."
مەسعود بارزانی ئەوەشی خستەڕو، پارتی هەمیشە لەگەڵ هەڵبژاردن بوە و ئێستاش پارتی داوا دەكات بە زوترین كات ئەو سەرنج و بابەتە تەكنیكیانەی كە ڕێگرن لە بەڕێوەچونی هەڵبژاردنێكی تەندروست چارەسەر بكرێن و هەروەها سیغەیەكی گونجاویش بۆ بەشداریی پێكهاتەكان و پێشێلنەبونی مافەكانیان بدۆزرێتەوە.
باسی لەوەشکرد، داوا لە كۆمەڵگەی نێودەوڵەتی و نەتەوە یەكگرتوەكان دەكەن كە گرەنتیی بەڕێوەچونی هەڵبژاردنێكی شەفاف و بێگەرد بكەن بۆ ئەوەی دەرئەنجامی هەڵبژاردنەكان دەرخەری دەنگی خەڵك و ئیرادەی ڕاستەقینەی گەلی كوردستان بێت.
سەرۆکی پارتی دیموکارتی کوردستان ئاماژەی بەوەشکرد، ناكرێت لەو وادەیەی بۆ هەڵبژاردن دیاری كراوە هەڵبژاردنێكی پاك و بێگەرد بەڕێوەبچێت، بەڵام هەندێك بەرەوپێشچون هەیە لەوەی كە لایەنەكان پێكەوە كار لەسەر نەهێشتنی گیروگرفتەكان بكەن، بە دڵنیایشەوە چارەسەركردنی ئەو گرفتانە پێویستی بە دەرفەتی زیاتر هەیە.
وتیشی، "دواخستنی هەڵبژاردن بۆ چەند مانگێك زۆر گرنگترە لەوەی هەڵبژاردنێك بەڕێوە بچێت كە تێیدا مافی دەنگدەران و پێكهاتەكان پێشێل كرابێت."
كلمات مفتاحية
اخبار ذات صلة
تعليقات
دوایین هەواڵەکان
سکاڵاکانی عێراق، ئینتەرپوڵ پاڵدەنێت بۆ بەدواداچوونی سەرکردەکانی گروپە جوداخوازەکانی ئێران لە ئاستی نێودەوڵەتیدا
ئەمریکا و ئێران بە نێوەندگیری پاکستان، یاداشتێکی لێکتێگەیشتنی ١٤ خاڵییان بەمەبەستی کۆتاییهێنان بە جەنگ واژۆکرد
سەرۆک کۆمار نامەیەکی پیرۆزبایی لە هاوتا تونسییەکەیەوە پێدەگات
بافڵ تاڵەبانی: کردنەوەی گەرووی هورمز هەنگاوێکی گرنگە بۆ سەقامگیری ناوچەکە
ترهمپ: رهنگه ماوهی ئاگربهست لهگهڵ ئێران درێژ نهكهمهوه
قاڵیباف: هەرچی ترەمپ دەیڵێت درۆیە
سەرچاوەیەک: مالیکی سودانی تێدەپەڕێنێت و لە وەرگرتنی پۆستی سەرۆک وەزیران نزیک دەبێتەوە
نهێنیەکانی پشت مردنی دوایین دڕندەکانی سەدام حەبووش تکریتی لە هەولێر
هەرێم بڕی ٤٣ ملیار دینار داهاتی نانەوتیی ڕادەستی بەغدا کرد
سودانی بۆ ماكرۆن: بكهرانی ئهو هێرشهی نزیك ههولێر دهستگیركراون كه ئهفسهره فهرهنسییهكهی تیادا كوژرا
عێراق: له رۆژی ههینییهوه دهست به گهشته ئاسمانییهكانی نێوخۆ و دهرهوه دهكرێتهوه
پهرلهمانی عێراق ئهندامانی لیژنهی دارایی پهسهندكرد؛ پێنج ئهندامیان كوردن
ترهمپ: لوبنان بهشێك نییه له رێككهوتنی ئاگربهست لهگهڵ ئێران
حکومەتی عێراق بەتوندی ئیدانهی هێرشەکانی ئهمڕۆی ئیسرائیل بۆ سەر لوبنان دەکات
سوپای پاسداران: هێرشهكانی سهر لوبنان رانهگیرێن، وهڵامی توندمان دهبێت
پزیشكیان: ئاگربهست له لوبنان مهرجێكی سهرهكی پێشنیاره 10 خاڵییهكهی ئێرانه
مەسرور بارزانی: هێرشەکەی سەر کونسوڵخانەی کوێت لە بەسرە پێشێلکردنی یاسا نێودەوڵەتییەکانە
