سەرۆکایەتی کۆمار داوا لەپەرلەمان دەکات یاسای قەرەبووکردنەوەی کەسوکاری ئەنفالکراوان پەسەند بکات

14:29 2025-04-14 50807 عێراق 0

2025-04-14

50807

سەرۆکایەتی کۆمار، لە ساڵڕۆژی کۆمەڵکوژیی ئەنفالدا ڕایدەگەیەنێت داوا لە ئەنجومەنی نوێنەران دەکەین کە یاسایەک بۆ قەرەبووکردنەوەی کەسوکاری ئەنفالکراوان لە ڕووی ماددی و مەعنەوییەوە پەسەندبکات.
سەرۆکایەتی کۆمار لە بەیاننامەیەکدا کەدەستی موتەڵع کەوتووە، بڵاویکردەوە"بەبۆنەی ساڵیادی تاوانە قێزەونەکەی ئەنفالەوە کە ڕژێمی پێشوو دەرهەق بە گەلی کورد ئەنجامیداوە و بووە هۆی شەهیدبوونی زیاتر لە سەد و هەشتا هەزار منداڵ و گەنج و بەساڵاچوو ، بەتوندی ئیدانەی ئەم تاوانە قێزەونە دەکەین و دووپاتی دەکەینەوە کە ئەم کارەساتە تاوانی جینۆسایدە .
وتیشی بەئازارێکی زۆرەوە یادی ئەو ڕۆحە پاکانە دەکەینەوە و باوەڕمان وایە خوێنی شەهیدان بەردی بناغەی بنیاتنانی سیستمی دیموکراسیمانە.
دووپاتیشیکردەوە داوا لەئەنجومەنی نوێنەران دەکەین یاسایەک دەربکات بۆ قەرەبووکردنەوەی بنەماڵەی ئەنفالکراوان لەڕووی ماددی و مەعنەوییەوە، هاوکات جەخت لەسەر پێویستی ناساندنی تاوانی ئەنفال وەک تاوانێکی نێودەوڵەتی جینۆساید دەکەینەوە هەروەها جەخت لەسەر گرنگی هەستانی نێردەی هەمیشەیی خۆمان لە نەتەوە یەکگرتووەکان دەکەینەوە کە هەوڵی پێویست بدات بۆ پەسەندکردنی ئەم تاوانە وەک تاوانێکی نێودەوڵەتی جینۆساید و پەسەندکردنی فەرمی لەلایەن نەتەوە یەکگرتووەکانەوە.
سەرۆکایەتی کۆمار ڕایشیگەیاند
سیستەمی دیموکراسی فیدراڵ و پەرلەمانی له عێراق مۆدێلێکی دیارە له ناوچەکە و مایەی شانازییه بۆ هەموو گەلی عێراق بەتایبەتی گەلەکەمان لەهەرێمی کوردستان بەدەست کارەساتی ڕژێمی دیکتاتۆرییەوە دەیانناڵاند کە نەک هەر هەڕەشە بوو بۆ سەر وڵاتانی دراوسێ و ئاشتی ناوچەکە بەڵکو هەڕەشەیەکی ڕاستەوخۆ بوو بۆ سەر خەڵکی هەرێمی کوردستان و
بۆ گەلی عێراق.
لەکۆتایی پەیامەکەیدا وتی داوا لە هەموو خەڵکی عێراق دەکەین عەرەب و کورد و شیعە و سوننە و مەسیحی و تورکمان و هەموو پێکهاتەکانی تر یەکبگرن و پابەند بن بە سیستەمی دیموکراسیمان کە ئاشتی و دادپەروەری و پێکەوەژیانی نێوان هەموو پێکهاتەکانی کۆمەڵگای عێراقی مسۆگەر دەکات.