بۆ ئەوەی کێشت دابەزێت ئەم خواردنانە بخۆ ‏

09:57 2025-04-16 113366 هەمەجۆر 0

2025-04-16

113366

قەڵەوی لەئێستادا بەرێژەیەکی بەرچاو بڵاوبوەتەوە لە جیهاندا ، ئەوانەش بەدەست قەڵەویەوە دەناڵێنن بەدوای رێگا چارەیەکدا دەگەرێن بۆ ئەوەی کێشیان دابەزێت پەنا بۆ رێجیم ئەبەن.
‏
‏پسپۆڕانی بواری خۆراک باسلەوەدەکەن، دابەزاندنی کێشی لەش تەنها لە وەرزشکردن یان کەمکردنەوەی ژەمەکاندا خۆی نابینێتەوە، بەڵکو کلیلی دابەزاندنی کێش، رەنگە تەنها لە ژەمی ئێوارەدا بێت.
‏
‏لە توێژینەوەیەکدا کە لە گۆڤاری کۆمەڵەی پزیشکیی کەنەدیدا بڵاوکراوەتەوە ئاماژە بەوەکراوە، هەڵبژاردنی خۆراکی گونجاو بۆ ژەمی ئێوارە، نەک تەنها سووتانی چەوری لە شەودا بەرزدەکاتەوە، بەڵکو کوالێتیی خەویش باشتر دەکات.
‏
‏ئەو خواردنە چەوری سووتێنەرانەی پسپۆڕانی بواری خۆراک پێشنیازی دەکەن بۆ ژەمی ئێوارە:
‏
‏– ماسی/ ماسیی جۆری سەلەمون، ماکرێل و ساردین دەوڵەمەندن بە ئۆمیگا 3 کە هۆرمۆنەکانی برسێتی رێکدەخات و میتابۆلیزم باشتر دەکات. توێژینەوەکان دەریانخستووە کە خواردنی زەیتی ماسی، سووتانی کالۆری زیاددەکات تەنانەت لەکاتی پشوودانیش.
‏
‏– ئەو خۆراکانەی دەوڵەمەندن بە ریشاڵ/ میوە، سەوزە، دانەوێڵە و ئەڤۆگادۆ یارمەتیت دەدەن هەست بە تێری بکەیت.
‏
‏– سپێناخ/ توێژینەوەکان دەریانخستووە سپێناخ دەبێتەهۆی زیادبوونی هۆرمۆنەکانی تێربوون و لە هەمان کاتیشدا سووتاندنی چەوری.
‏
‏– سەوزە و بەهارات/ ریحانە، زەردەچەوە، زەنجەفیل، یان دارچین لە ژەمی ئێواراندا بەکاربهێنە، ئەم پێکهاتانە دەوڵەمەندن بە دژە ئۆکسێنەر، ئارەزووی خواردن کەمدەکەنەوە، شەکری خوێن هاوسەنگ دەکەن و میتابۆلیزمیش باشتر دەکەن.