یاسری: ڕازی كردنی خودامان هەڵبژارد لەقەدەغەکردنی ماڵپەڕە نەشیاوەكان لەعێراق

20:12 2025-08-30 36834 عێراق 0

2025-08-30

36834

هیام یاسری وەزیری پەیوەندییەکانی عێراق،ئەمڕۆ شەممە،دووپاتیکردەوە عێراق قەدەغەکردنی ماڵپەڕە نەشیاوەكانی هەڵبژارد، جەختیشیکردەوە کە وەزارەت بەردەوام دەبێت لە كەمكردنەوەی تێچووی ژێرخانی بەڕێژەی 45% بۆ كۆمپانیاكانی مۆبایل،ئاماژەی بەوەشكرد: ژمارەی هێڵەكانی گواستنەوەی ئینتەرنێت بۆ 4.5 ملیۆن بەرزبووەتەوە، لەگەڵ بەردەوامی فراوانكردنی.

لە وتارەكەیدا لە كۆڕبەندی حوكمڕانی ئینتەرنێت، كەموتەڵع بەدواداچوونی بۆ کردووە یاسری ڕایگەیاند : ئینتەرنێت بووەتە پێویستییەكی بەپەلە و پێویست، و یەكێك لە گرنگترین پێداویستییەكانی ژیان، بۆیە بەڕێوەبردن و ڕێكخستنی بەپێی دەستوور و یاسا و نۆرمەكانی كۆمەڵایەتی بەرپرسیارێتییەكی گەورەیە كە دەكەوێتە ئەستۆی هەموو لایەنە پەیوەندیدارەكان.
ئاماژەی بەوەشكرد : وڵاتانی پێشكەوتوو ڕووبەڕووی ئاستەنگی بەرچاو دەبنەوە لەم كەرتەدا، و ڕێوشوێنی گونجاو دەگرنەبەر و كاردەكەن بۆ دەركردنی یاسا بۆ پاراستنی كۆمەڵگاكانیان و بەڕێوەبردنی ئەم كەرتە گرنگە و بە خێرایی پەرەدەستێنێت و ڕوونیشیكردەوە، سەبارەت بە ئێمە لە عێراق هێشتا لەم بوارەدا دواكەوتووین، هەندێك وڵات لە ئێستاوە دەستیان كردووە بە لێكۆڵینەوە لە قەدەغەكردنی بەكارهێنانی سۆشیال میدیا لەلایەن منداڵانەوە یان سنوورداركردنی سەعاتەكانی بەكارهێنانیان، تەنانەت ڕەنگە ئەمە بگاتە ئاستی یاسادانان.
ئاماژەی بەوەشكرد : هێشتا دواكەوتووین لە دەركردنی یاسا و بڕیاری گونجاو كە لەگەڵ كۆمەڵگا و داب و نەریتەكەماندا بگونجێت. سۆشیال میدیا بووەتە سەكۆیەك بۆ ناوزڕاندن، هەروەها سەرلێشێواوی لە نێوان ئازادی ڕادەربڕین و سەرپێچیكردن بەرامبەر بە كەسانی دیكەدا هەیە، جەختیشی لەوە كردەوە جیاوازی لە نێوان ئازادی و سەرپێچی بەرامبەر ئەوانی دیكەدا هەیە، ئەمڕۆ سنوورەكان لە فەزای سۆشیال میدیادا كاڵ بوون و ئەمەش جێگەی نیگەرانییە، هەموو لایەنێكی پەیوەندیدار دەبێت بەرپرسیارێتی خۆی لە ئەستۆ بگرێت، و دروست نییە چاوپۆشی لەوە بكرێت كە ڕوودەدات.
ئاماژەی بەوەشكرد : سەرنجمان داوە هاوكاری ڕاستەقینە و جددی لەلایەن كۆمپانیاكانی سۆشیال میدیا لەگەڵ لایەنە پەیوەندیدارەكان، وەك كۆمیسیۆنی پەیوەندییەكان و ڕاگەیاندن و وەزارەتی پەیوەندییەكان، هیوادارین دەنگمان بگات بەوان بۆ ئەوەی بتوانن ڕێز لە ئیرادەی عێراق بگرن. جەختیشی لەوە كردەوە كە یەكێك لە لایەنە تەكنیكییە گرنگەكان بۆ هاووڵاتیانی عێراق، دەستڕاگەیشتنە بە خزمەتگوزاری ئینتەرنێتی باش و خێرا بە نرخێكی گونجاو.