ئەنجوومەنی وەزیران 38"ـەمین دانیشتنی ئاسایی خۆی بە سەرۆکایەتی سەرۆکی ئەنجومەنی وەزیران محەمەد شیاع سودانی ئەنجام دەدات
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەدەستی موتەڵع کەوتووە بڵاویکردەوە سەرۆکی ئەنجومەنی وەزیران  محەمەد شیاع سودانی، ئەمڕۆ سێشەممە، سەرۆکایەتی 38"ـەمین دانیشتنی ئاسایی ئەنجومەنی وەزیرانی کرد و تێیدا بارودۆخی گشتی وڵات تاوتوێ کرا و پێداچوونەوە بە کۆمەڵێک بابەتی ئابووری و خزمەتگوزاری کرا، جگە لە تاوتوێ کردنی بابەتەکانی بەرنامەی کار و بڕیاردان لەو بارەیەوە.

سەبارەت بە پرۆژەی گەیاندنی غاز بە وێستگەی کارەبای بەسمایە، بەڕێز سەرۆکی ئەنجومەنی وەزیران ئاسانکاری کرد بۆ جێبەجێکردن و تێپەڕاندنی پڕۆژەی بۆری غازی (42) گرێ بۆ وێستگەکە، کە بە سایلۆی ڕسافەی وەزارەتی بازرگانیدا تێدەپەڕێت، بەبێ کرێ و هیچ پابەندبوونێکی دارایی.

سەبارەت بە پرۆژەی پلاتفۆرمی هاوردەکردنی غازی شل، ئەنجومەنەکە ڕاسپاردەکانی بۆ دیراسەکردنی ئەو پێشنیارانە پەسەندکرد کە لەلایەن کۆمپانیاکانەوە پێشکەش کراون بۆ جێبەجێکردنی پڕۆژەکە، لەسەر بنەمای ئەوەی لە بڕیاری ئەنجومەنی وەزیرانی ژمارە (53 و 108)ی ساڵی 2025 و بڕیارنامەی ئەنجومەنی وەزاری بۆ وزە ژمارە (55)ی ساڵی 2025، لەسەر بنەمای بڕیاری ئەنجومەنی وەزیران (23700 ساڵی 2023) و بڕیاری یاسایی ژمارە (767) بە پڕۆژەیەکی پەرەپێدانی ستراتیژی لەقەڵەمدرا.

لە دۆسیەی نەوتدا، ئەنجومەنەکە ڕاسپاردەکانی لیژنەی وردبینی پەسەند کرد بۆ وردبینیکردنی گرێبەستی بەشداریکردن و وەبەرهێنان، و کارکردنی هاوبەش بۆ پلاتفۆرمی (نەوت)ی سەر بە وەزارەتی گواستنەوە/کۆمپانیای گشتی بەندەرەکانی عێراق و ڕاسپاردەکانی لیژنەکەى پەسەند کران بۆ هەڵسەنگاندن و دڵنیابوون لە پابەندبوونیان بە مەرجەکانی گرێبەست و بەدەستهێنانی توانای تەکنیکی و ئابووری و دەستنیشانکردنی هەر سەرپێچییەک.

بە ئامانجی بەهێزکردنی ژێرخانی کەرتی ئاو، ئەنجومەنەکە دەنگی دا لەسەر بەخشینی لیژنەکانی کڕین لە وەزارەتی نەوت/کۆمپانیای بۆری نەوت/دەستەی ئۆپەراسیۆنی باشور لە بڕگەکانی ڕێنماییەکان بۆ ئاسانکاری جێبەجێکردنی یاسای بودجەی گشتی فیدراڵی ژمارە (13ی ساڵی 2023) لە بڕیاری ئەنجومەنی وەزیران ژمارە (24600ی ساڵی 2024) بۆ چارەسەرکردنی قەیرانی ئاو لە پارێزگای بەسڕە تا کۆتایی دێت.

ئەنجومەنوکە دەنگی لەسەر سڕینەوەی ئەو بڕە پارەیەی کە لە ئەستۆی ئەمیندارییەتی بەغداد و شارەوانی پارێزگاکان و فەرمانگەکانی ڕێگاوبان و پرد لە بەرژەوەندی وەزارەتی کارەبا، بۆ دابینکردنی وزە بۆ ڕووناکی شەقامە گشتییەکان، ئەم فەرمانگانە لە 1ی تەمموزی 2026"ـەوە بەرپرسیار دەبن لە پێدانی ئەو کارەبایەی کە بۆ مەبەستی ڕووناکی دابین دەکرێت.

سەبارەت بە بەدواداچوون بۆ پڕۆژە دواکەوتوو و ڕاگیراوەکان، ئەنجومەنی وەزیران ئەمانەی خوارەوەی پەسەند کرد:

- زیادکردنی بڕی یەدەگ و تێچووی گشتی پێکهاتەی بەڵێندەرایەتی پڕۆژەی (نۆژەنکردنەوەی هێڵی یەکەم و دروستکردنی هێڵی دووەم بۆ ڕێگای بەسرە-فاو).

- لەخۆگرتنی دوو پێکهاتەی ( وردبینی دیزاین و سەرپەرشتیکردنی جێبەجێکردنی پڕۆژەی ژێرخانی شاری سامەرا (کۆمپانیای ڕاوێژکاری)، هەروەها گۆڕینی ناوی پڕۆژەی سەرەکی بۆ (ژێرخانی شاری سامەرا (دیزاین و جێبەجێکردن)).

- لەخۆگرتنی پێکهاتەی (دابینکردنی ئامێری میفراس بۆ نەخۆشخانەکانی عەلەم و ئامرلی زڵوعییە، و مکیشیفە لە پارێزگای سەڵاحەدین) لەنێو پێکهاتە سەرەکییەکانی پڕۆژەکە، و دابینکردن و دانانی ئامێری سۆنار و کلینیکەکانی ڕاوێژکاری و ژووری فریاکەوتن و یەکەیەکی شۆردنی گورچیلە و ئامێرەکانی تر و زیادکردنی تێچووی گشتی پڕۆژەکە.

- زیادکردنی بڕی یەدەگ و تێچووی گشتی پڕۆژەی (دروستکردنی یاریگای ناوەندی نەینەوا لەگەڵ هۆڵێکی وەرزشی داخراو لە دیوی ڕاستی موسڵ).

-زیادکردنی تێچووی گشتی پڕۆژەی (دروستکردنی هۆڵی وەرزشی داخراو (پێکهاتەی ئاسان) بە توانای (500) بینەر لە قەزاکانی بەغدا و (6) پارێزگا.
-زیادکردنی بڕی یەدەگ و بڕی سەرپەرشتی و چاودێری بۆ پێکهاتەی (دروستکردنی هۆڵێکی وەرزشی داخراو بە توانای (500) بینەر لە ئەنبار/ڕومادی).
-زیادکردنی بڕی سەرپەرشتی و چاودێری بۆ هەردوو پێکهاتەی (دروستکردنی دوو هۆڵی وەرزشی دوو وێستگەی داخراو (500) بینەر لە سەڵاحەدین/بەلەد و دوجەیل.
 

- زیادکردنی کرێی سەرپەرشتی و چاودێری بۆ پێکهاتەی (دروستکردنی هۆڵێکی وەرزشی داخراو بە توانای (500) بینەر لە واست/نوعمانییە).

سەبارەت بە پڕۆژەی میترۆی نەجەف-کەربەلا، ئەنجومەنەکە دەنگیدا لەسەر هەموارکردنەوەی بڕیاری ئەنجومەنی ژمارە (24306 ساڵی 2024) بۆ ئەوەی دەسەڵات بدات بە دەستەی نیشتمانی وەبەرهێنان بۆ گرێبەستکردن لەگەڵ کۆمەڵەی کۆمپانیای ڕاوێژکاری (HSS) مالیزیا و کۆمپانیای ئیماراتی (CHSS) (بەشداریکردن)، پێدانی مۆڵەتی وەبەرهێنان، و واژۆکردنی گرێبەستی وەبەرهێنان بە کۆمپانیاکانی وەبەرهێنان یان هاوپەیمانی براوە بەپێی یاسا ڕێسا کارپێکراوەکان، بە مەرجێک کرێی گرێبەستی ڕاوێژکاری (0.6%) بۆ قۆناغەکانی هەڵسەنگاندن و وردبینی و (1.2%) بۆ قۆناغی چاودێری، لەسەر حیسابی ئەو کۆمپانیا یان کۆمەڵەیەی کە دەرفەتی وەبەرهێنان دەباتەوە.

سەبارەت بە گرێبەستەکانی پڕۆژەی وزە، ئەنجومەنەکە دەسەڵاتی بە وەزیری دارایی یان نوێنەرە ڕێگەپێدراوەکەی دا بۆ واژۆکردنی ڕێککەوتنی قەرز بۆ پڕۆژەی خولی یەکگرتوو بۆ وێستگەی کارەبای غازی سەدر (2،1)، لەسەر بنەمای یاسای بودجەی گشتی فیدراڵی. (ژمارە 13ی ساڵی 2023).

هەر لەو چوارچێوەیەدا، ئەنجوومەنی وەزیران دەسەڵاتی بە وەزیری دارایی، یان نوێنەرە ڕێگەپێدراوەکەی دا، بۆ واژۆکردنی ڕێککەوتنێکی قەرز بۆ دارایی كردنی پرۆژەی دابینکردن و جێبەجێکردنی وێستگەی لاوەکی (132 ک ڤ)، قۆناغی دووەم لە بەستنەوەی عێراق و ئوردن، لەگەڵ (کۆمپانیای جەنەراڵ ئێلیکتریکی ئینتەرناشناڵ ئینک)، لەسەر بنەمای یاسای بودجەی فیدراڵی ژمارە 13ی ساڵی 2023، کە بنەماکانی هاوکاری لە بواری وزە لە عێراق لەگەڵ کۆمپانیاکە بۆ دابینکردنی دارایی بۆ پڕۆژەکە لەخۆدەگرێت.

هەروەها دەسەڵات درا بە وەزیری دارایی یان کەسێکی ڕێگەپێدراو لە بری ئەو ، دەسەڵاتی دانوستان و دەستپێکردنی ڕەشنووسی ڕێککەوتنەکە بۆ دوورکەوتنەوە لە دوو باجدان و ڕێگریکردن لە خۆدزینەوە لە باج لەسەر داهات و سەرمایەی نێوان عێراق و ئوردن.

ئەنجومەنەکە ڕاسپاردەکانی کۆنووسی کۆبوونەوەی ڕاوێژکاری سەبارەت بە ڕەشنووسی ڕێککەوتنی ڕێکخستنی گواستنەوەی کەلوپەل لە ڕێگەی وشکانی لە نێوان وڵاتانی عەرەبی لە هەموو ڕوویەکەوە و ئاستی ململانێکانی لەگەڵ پرۆژەی ڕێگای گەشەپێدان پەسەند کرد، بە ڕەچاوکردنی ئەو تێبینیانەی لە کۆنووسی کۆبوونەوەکەدا تۆمار کراون.