هەولێر.. توشبویه‌كی دیكه‌ی تای خوێنبه‌ربون تۆماركرا ‏ ‏

23:47 2025-09-24 38506 كوردستان 0

2025-09-24

38506

ئەمڕۆ چوارشەممە، حاڵه‌تێكی نوێی توشبوون به‌ تای خوێنبه‌ربون له‌ پارێزگای هه‌ولێر ده‌ستنیشانكرا و به‌مه‌ش كۆی توشبوان گه‌یشته‌ 10 حاڵه‌ت كه‌ دو كه‌سیان گیانیان له‌ده‌ستداوه‌.
‏
‏وه‌زاره‌تی ته‌ندروستی هەرێم له‌ڕاگه‌یه‌ندراوێكدا بلاویكرده‌وه‌، "حاڵه‌تێكی دیكه‌ به‌ نه‌خۆشی تای خوێنبه‌ربون له‌ هه‌رێمی كوردستان تۆماركرا، ئه‌ویش ئافره‌تێكی ماڵ، دانیشتوی گوندی هه‌مزه‌كۆری سه‌ر به‌ قه‌زای قوشته‌په‌یه‌ و ته‌مه‌ن 45 ساڵه‌، به‌ركه‌وته‌ی ئاژه‌ڵی توشبو بوه‌".
‏
‏ئاماژه‌ی به‌وه‌شكردوه‌، "دوای سه‌ردانی نه‌خۆشخانه‌ و گومانلێكردن به‌ نه‌خۆشی تای خوێنبه‌ربون و بونی نیشانه‌كانی، چه‌ندین ڕێكاری ده‌ستنیشانكردن و چاره‌سه‌ری پزیشكی گیراوه‌ته‌به‌ر، له‌ئێستادا له‌ژێر چاودێری پزیشكی له‌ نه‌خۆشخانه‌ خه‌وێندراوه‌ و چاره‌سه‌ر وه‌رده‌گرێت و تا ئێستا باری ته‌ندروستی تاگۆ
‏ ڕاده‌یه‌ك جێگیره‌".
‏وه‌زاره‌تی ته‌ندروستی له‌په‌یامێكیشدا ده‌ڵێت، "داوا له‌ هاوڵاتیان ده‌كه‌ین و جه‌خت ده‌كه‌ینه‌وه‌ له‌سه‌ر جێبه‌جێكردنی ڕێنماییه‌كانی وه‌زاره‌تی ته‌ندروستی، له‌كاتی بونی گومان و نیشانه‌كانی نه‌خۆشی له‌سه‌ر ئاژه‌ڵ پێویسته‌ تیمه‌كانی ڤێتێرنه‌ری ئاگاداربكه‌نه‌وه‌، یان هاوڵاتیانی به‌ركه‌وتوانی به‌خێوكردنی ئاژه‌ڵ یان به‌رهه‌مه‌كانی ئاژه‌ڵ له‌كاتی بونی هه‌ر نیشانه‌یه‌كی ناته‌ندروست، به‌خێرایی سه‌ردانی نه‌خۆشخانه‌كان بكه‌ن بێ دواكه‌وتن".
‏ئه‌وه‌شیخستۆته‌ڕو، "تا ئێستا دوای بونی چه‌ندین حاڵه‌تی گومانلێكراوی نه‌خۆشی تای خوێنبه‌ربون له‌ هه‌رێمی كوردستان و هاتنیان بۆ نه‌خۆشخانه‌ و به‌دواداچون و پشكنین بۆ گومانلێكراوانی ئه‌مساڵدا له‌ماوه‌ی ڕابردو، ده‌ره‌نجام ته‌نها 10 حاڵه‌ت ده‌سنیشانكراون و پشتڕاستكراونه‌ته‌وه‌ كه‌ دو حاڵه‌ت له‌به‌ر قورسی باری ته‌ندروستی گیانیان له‌ده‌ستدا و حاله‌ته‌كانی دیكه‌ به‌ته‌واوی چاكبونه‌ته‌وه‌ و له‌ نه‌خۆشخانه‌ ده‌رچونه‌".