سەرۆکی ئەنجوومەنی باڵای ئیسلامی ستایشی ئیرادەی ئازادی گەلی عێراق دەکات لە کاتی هەڵبژاردنەکاندا ‏

23:31 2025-11-15 22639 عێراق 0

2025-11-15

22639

ئه‌مڕۆ شه‌ممه‌، شێخ هومام حه‌موودی، سه‌رۆكی ئه‌نجومه‌نی باڵای ئیسلامی، ستایشی ئیرادەی ئازادی گەلی عێراق دەکات لە کاتی هەڵبژاردنەکاندا ،دووپاتی كرده‌وه‌ كه‌ هه‌ڵبژاردنه‌كان وێستگه‌یه‌كی نیشتمانی گرنگ بوون و تێیدا عێراقییه‌كان ئیراده‌ی ئازادی خۆیان به‌رجه‌سته‌ كرد.
‏نووسینگه‌ی ڕاگه‌یاندنی شێخ حه‌موودی له‌ ڕاگه‌یه‌ندراوێكدا ئاشکرایکرد: "شێخ هومام حه‌موودی سه‌رۆكی ئه‌نجومه‌نی باڵای ئیسلامی پێشوازی له‌ محه‌مه‌د كازم ئال سادق باڵیۆزی ئێران له‌ عێراق كرد، كه‌ پیرۆزبایی وڵاته‌كه‌ی ئاڕاسته‌ی گه‌لی عێراق كرد به‌بۆنه‌ی سه‌ركه‌وتنی پرۆسه‌ی هه‌ڵبژاردن، ستایشی كه‌شوهه‌وای ئارام و ڕێكخستنی به‌رز و به‌شداریی به‌رفراوانی كرد".
‏شێخ حه‌موودی به‌پێی ڕاگه‌یه‌ندراوه‌كه‌، دووپاتی كرده‌وه‌ كه‌ "هه‌ڵبژاردنه‌كان وێستگه‌یه‌كی نیشتمانی گرنگ بوون كه‌ تێیدا عێراقییه‌كان ئیراده‌ی ئازادی خۆیان و ئاستی وشیارییان به‌ گرنگی هه‌ڵبژاردنه‌كان له‌ ڕاستكردنه‌وه‌ی واقیع و گۆڕانكاری و بنیاتنانی داهاتوویه‌كی باشتردا به‌رجه‌سته‌ كرد"، ئاماژه‌ی به‌وه‌شدا كه‌ "ئه‌مه‌ به‌ شێوه‌یه‌كی ئه‌رێنی كاریگه‌ری ده‌بێت له‌سه‌ر به‌هێزكردنی په‌یوه‌ندییه‌ دووقۆڵییه‌كان و په‌ره‌پێدانی هاوكاریی هاوبه‌ش به‌ شێوه‌یه‌ك كه‌ خزمه‌ت به‌ به‌رژه‌وه‌ندی هه‌ردوو گه‌لی دراوسێ بكات".
‏لای خۆیه‌وه‌، باڵیۆزی ئێران جه‌ختی كرده‌وه‌ كه‌ "سه‌ركه‌وتنی هه‌ڵبژاردنه‌كان هه‌نگاوێكی گرنگه‌ له‌ به‌هێزكردنی سه‌قامگیری سیاسی و چه‌سپاندنی ڕێڕه‌وی دیموكراسی له‌ عێراق"، ئاماژه‌ی به‌وه‌شدا كه‌ "ئه‌و كه‌شوهه‌وایه‌ی هه‌ڵبژاردنه‌كانی تێدا به‌ڕێوه‌چوو، ڕه‌نگدانه‌وه‌ی توانای ده‌وڵه‌تی عێراقه‌ له‌ به‌ڕێوه‌بردنی شایسته‌ ده‌ستوورییه‌كانی به‌ لێهاتوویی و به‌رپرسیارێتییه‌وه‌.