وەزارەتی ژینگە:لە 60%ی هۆکاری پیسبوونی ژینگە بەهۆی دەرچەی ئۆتۆمبێلە

23:20 2023-11-25 92265 عێراق 0

2023-11-25

92265

ئەمڕۆ شەممە،وەزارەتی ژینگە هۆکارەکانی پیسبوونی هەوای لە بەغدای پایتەخت ئاشکراکرد و ئاماژەی بەوەدا کە دەرچەی ئۆتۆمبێل 60%ی هۆکارەکان پێکدەهێنێت،هەروەک پێشنیاری چارەسەری دەکات بۆ کەمکردنەوەی دەردانی ژەهراوی لەسەر تەندروستی مرۆڤ. "عەلی جابر لەفتە"بەڕێوەبەری هەڵسەنگاندنی کوالێتی هەوا لە وەزارەتی ژینگە،لە لێدوانێکدا ڕاگەیاند:دەرچەی ئۆتۆمبێلەکان زیاتر لە 60%ی کۆی دەردانی پیسکەری هەوا لە بەغدا پێکدەهێنێت، بەو پێیەی لە گازی پێکهاتووە و هەوا پیسکەرەکانی لە گەردیلە لە ئەنجامی بزوێنەرەکانەوە دروست دەبێت، بەهۆی سووتانی بە بەنزین لەناوخۆیدا کاردەکات. لە درێژەی قسەکانیدا ڕاشیگەیاند :- کە ئەم دەردانانە تادێت مەترسیدارتر دەبن بۆ تەندروستی گشتی بەهۆی دەردانی ئۆکسیدی کاربۆن و نایترۆجین و گۆگرد کە دەبنە هۆی نەخۆشی جۆراوجۆر لە هەناسەدان، ئەوە جگە لە کاریگەری شێرپەنجە بەهۆی کاریگەری پیسبونەکانی هایدرۆکاربۆنی هەڵاوساوی و گەردیلە زۆر وردەکان (کەمتر لە 2.5 مایکرۆنەکان). ئاماژەی بەوەشکرد:- کە بەهۆی زیادبوونی ژمارەی ئۆتۆمبێلەکان،بەو پێیەی زیاتر لە 3 ملیۆن ئۆتۆمبێل لە بەغدا هەیە ، کە پێویستی بەڕێوشوێنی حکومی هەیە بۆ چارەسەرکردنیان،بۆ ئەوەی لەگەڵ توانای ڕێگاوبانەکاندا بگونجێت، هەروەها کردنەوەی سیستەمێکی گواستنەوەی مۆدێرن،کە کۆمەڵگا بۆ هۆکارەکانی گواستنەوە پشت بە وزەی نوێ ببەستێت، و گەشەپێدانی بەردەوام لە هەموو وردەکارییەکانیاندا بەرجەستە بکات لەسەر بنەمای تەکنیکەکانی بەڕێوەبردنی دیجیتاڵی، سیستەمی هاتوچۆ، و بەکارهێنانی وزەی زیرەک. هەروەک لە درێژەی قسەکانیدا وتی: دەبێت هەموو ئەو چارەسەرانەی سەرەوە بەدواداچوونی بۆ بکرێن و بخرێنە نێو ئەرکی کاری دەستە و بەشەکانی وەزارەتی ژینگە و لایەنی پەیوەندیدار بە هەماهەنگی لەگەڵ دەزگاکانی جێبەجێکردن و وەزارەتەکان، لەوانەش بەڕێوەبەرایەتی هاتوچۆی گشتی و شارەوانی بەغدا،و وەزارەتی گواستنەوە، بەتایبەتی پرسی کاراکردنی ڕێکارەکانی بەڕێوەبەرایەتی هاتوچۆی گشتی سەبارەت بە پشکنینی ئەو ئۆتۆمبێلانەی دەبنە هۆی دەردانی گازی ژەهراوی کە ستانداردە پەسەندکراوەکان تێدەپەڕێنن.