سەرۆک وەزیران پێشوازی لە سەرۆکی دەسەڵاتی دادوەری ئێران دەکات

22:21 2024-02-14 13560 عێراق 0

2024-02-14

13560

سەرۆکی ئەنجومەنی وەزیران محەمەد شەیاع سودانی، بەیانی ئەمڕۆ چوارشەممە پێشوازی کرد لە سەرۆکی دەسەڵاتی دادوەری کۆماری ئیسلامی ئێران غولام حوسێن موحسینی ئیجەئی و شاندەکەی یاوەری.
نوسینگەی راگەیاندنی سەرۆک وەزیران لە راگەیەندراوێکدا بڵاویکردەوە:-لە کۆبوونەوەکەدا تاوتوێی پەیوەندییە دوو قۆڵییەکانی نێوان هەردوو وڵاتی دراوسێ و هەماهەنگی هاوبەش لە دۆسیە و بابەتە جۆراوجۆرەکاندا کرا کە بەرژەوەندی هاوبەشیان هەیە و جەختیان لە ڕۆڵی سەرەکی عێراق کردەوە لە پتەوکردنی وتوێژ لە ناوچەکەدا کە ڕەنگدانەوەی ئەرێنی دەبێت لەسەر بەرژەوەندییەکانی عێراق و وڵاتانی دراوسێ و سەقامگیری هەرێمی.
سەرۆکی ئەنجومەنی وەزیران جەختی لەسەر گرنگی پتەوکردنی هاریکاریی دادوەریی نێوان عێراق و ئێران کردەوە لە بواری بەرەنگاربوونەوەی تیرۆر و بەرەنگاربوونەوەی بازرگانیکردن بە ماددە هۆشبەرەکانەوە، هەروەها بەڕێزیان باسی لە بارودۆخی ئێستای غەزە و بەردەوامبوونی دەسەڵاتدارانی داگیرکەر کرد لە ئەنجامدانی تاوانی دڕندانە دژ بە هاوڵاتیانی سڤیل و پێویستی هەماهەنگی لە نێوان وڵاتانی جیهانی ئیسلامی و ناوچەکە لە پێناو دروستکردنی فشار بۆ ڕاگرتنی جەنگ و ڕزگارکردنی ڕۆڵەکانی گەلی فەڵەستین لەو جینۆسایدەی کە ڕووبەڕووی دەبنەوە و یارمەتی دانیان لە دیاری کردنی چارەنووسیان.

لە لای خۆیەوە، موحسنی ئیجەی سڵاوی سەرکردایەتی ئێرانی گەیاندە بەڕێز سودانی و جەختی لەسەر خواستەکانی کردەوە بۆ پتەوکردنی بناغەکانی هاوکاریی نێوان هەردوو وڵات لە چەندین بواردا، هەروەها ستایشی سیاسەتەکانی حکومەتی عێراقی کرد سەبارەت ڕووبەڕووبوونەوەی ئەو ئاستەنگییە جۆراوجۆرانەی کە ڕووبەڕووی عێراق و ناوچەکە دەبنەوە و هەڵوێستە بەرپرسیارانەکانی سەبارەت بە ڕووداوەکانی غەزە.