المطلع
عاجل

post-image

سەرۆك کۆمار: خوێنی عێراقییەکان وەک ئامرازێك بۆ گەیشتن بە ئامانجە سیاسییەکان بۆ هەر لایەنێك رەتدەکەینەوە


18:57 عێراق
2024-05-16
36243

سەرۆك کۆمار د.لەتیف جەمال رەشید، ئەمڕۆ پێنجشەممە، لە دانیشتنی دەستپێکی کۆنگرەی لوتکەی عەرەبی لە 33یەمین دانیشتنی ئاسایی خۆیدا، کە لە شانشینی بەحرێن بەڕێوەچوو، بەشداریکرد و رایگەیاند خوێنی عێراقییەکان وەک ئامرازێك بۆ گەیشتن بە ئامانجە سیاسییەکان بۆ هەر لایەنێك رەتدەکەینەوە.
نوسینگەی راگەیاندنی سەرۆکایەتی کۆمار لە بەیاننامەیەکدا بڵاویکردەوە:-لەگەڵ گەیشتنی سەرۆك کۆمار بۆ کۆشکی ساخیر لەلایەن  شا حەمەد بن عیسا ئال خەلیفە پادشای شانشینی بەحرێن پێشوازی لێکرا.

سەرۆك کۆمار لە کۆنگرەی لوتکەی عەرەبی وتەیەکی پێشکەشکرد و تیایدا باسی لەوە کرد کە عێراق لە پەیوەندییەکانی دەرەوەی خۆی بەپێی بنەماکان دەڕواتە پێشەوە، کە گرنگترینیان پرەنسیپی دراوسێیەتی باش و دەستوەرنەدانە لە کاروباری ناوخۆ و ڕێزگرتن لە سەروەری وڵاتانی دیکەیە. بەڕێزیان ئاماژەی بەوەدا عێراق بە توندی ئەو پێشێلکارییانە ڕەتدەکاتەوە کە کاریگەرییان لەسەر سەروەریی وڵاتەکەی و یەکپارچەیی خاکەکەی و سەلامەتی هاووڵاتییەکانی هەیە لە ژێر هەر بارودۆخێکدا، دژی بەکارهێنانی خاکەکەیەتی وەک گۆڕەپانێک بۆ یەکلاکردنەوەی ململانێکان و دژی رژانی خوێنی کوڕەکانیەتی کە ببێتە ئامرازێک بۆ گەیشتن بە ئامانجە سیاسییەکانی هەر لایەنێك.
سەرۆک کۆمار له بەردەوامی ئەو پێشێلکاریانه و کاردانەوه هاوپێچەکان هۆشداری دا و جەختیکردەوه که ئەوانه دەبنەهۆی ناسەقامگیریی تەواوی ناوچەکه.

 سەرۆک کۆمار تیشکی خستەسەر بارودۆخی وڵات، جەختی لەوە کردەوە کە عێراق ئەمڕۆ شاهیدی شۆڕشێکی ئابووری و خزمەتگوزارییە، کە حکومەتەکەی لە کردنەوەی پڕۆژەکان و پێشکەشکردنی خزمەتگوزاری شایستە بۆ گەلەکەی پەسندی کردووە.

ئەمەی خوارەوە دەقی وتەی  سەرۆك کۆمارە:

خاوەن شکۆ بەڕێز شا حەمەد بن عیسا ئال خەلیفە پادشای شانشینی بەحرێن
خاوەن شکۆ و سەرۆك و خاوەن پایە بەڕێزەکان
برای بەڕێز ئەحمەد ئەبوغەیت ئەمینداری گشتی کۆمکاری دەوڵەتانی عەرەبی

ئامادەبوانی بەڕێز..

سڵاوی خودای گەورەتان لێبێت..

جێگای خۆشحاڵییە، کە ئەمڕۆ لە مەنامەى ئازیز لەگەڵ ئێوەدابین بۆ بەشداریکردن لە کارەکانى 33یەمین لوتکەی کۆمکاری دەوڵەتانی عەرەبى و ئەم دەرفەتە بە هەل دەزانم، کە بە ناوی خۆم و بەناوی گەلى عێراقەوە سوپاسی بەڕێزتان و گەلی برای بەحرێن بکەم بۆ ئەو پێشوازیە گەرم و میوانداریەی بەڕێزتان، هەروەها پیرۆزبایش لە بەڕێزتان دەکەم بەبۆنەی سەرۆکایەتی ئەم ئەنجومەنەمان لە 33یەمین خولیدا، بەئومێد و متمانەوە لە توانا و دانایی تەواوی بەڕێزت دەڕوانین لە بەڕێوەبردنی کارەکانی ئەم لوتکەیە لەپێناو کاری هاوبەشی عەرەبی.

هەروەها سوپاس و پێزانینی دڵسۆزانەم بۆ بەڕێز شا سەلمان بن عەبدولعەزیز ئال سعود پادشای شانشینی عەرەبی سعودیە و بەڕێز شازادە محەمەد بن سەلمان شازادەی جێنشینی شانشینی عەرەبی سعودیە بۆ بەڕێوەبردنی باشی کارەکانی لوتکەی عەرەبی لە 32یەمین خولیدا.
هەروەها سوپاسێکی دڵسۆزانە بۆ برای بەڕێز ئەحمەد ئەبوغەیت ئەمینداری گشتی کۆمکاری دەوڵەتانی عەرەبی و کارمەندانی ئەمیندارێتی گشتی کۆمکاری دەوڵەتانی عەرەبی بۆ هەوڵەکانیان لە ئامادەکاری و بەشداری چالاکانەیان لە رێکخستنی ئەم کۆبونەوەیەدا.

خاوەن شکۆ و سەرۆك و خاوەن پایە بەڕێزەکان

کۆبونەوەی ئەمڕۆمان هاوکاتە لەگەڵ کاردانەوەی بەردەوامی ئەو دەستدرێژییە دوژمنکارانەیەی، کە قەوارەی زایۆنی لە دژی گەلی فەلەستین لە کەرتی غەززە ئەنجامی دەدات و بە پێشێلکردنێکی ئاشکرای بڕگەکانی یاسای نێودەوڵەتی و مرۆیی و وێرانکردن و خوێنڕشتن بەتایبەتی منداڵان و ژنان و بەساڵاچوانی بێتاوان، دادەنرێت و بوەتەهۆی شەهیدبون و بریندارکردن و دەربەدەرکردنی زیاتر لە 100 هەزار فەڵەستینی بەشێوەیەکی سیستماتیك و دڕندانە، کە بە هەموو پێوەرێك جینۆسایدە.

لێرەوە هەڵوێستی نەگۆڕی حکومەت و گەلی عێراق لەبارەی دۆزی فەڵەستین و پاڵپشتی عێراق بۆ خۆڕاگری گەلی فەڵەستین لە بەرامبەر ئەم پەلامارە دڕندانە بەردەوامەدا دوپاتدەکەینەوە، هاوکات جەختدەکەینەوە لە هاودەنگیی ڕەهای عێراق لەگەڵ گەلی فەڵەستین لە بەدیهێنانی خواستەکانیان و بەدەستهێنانی تەواوی مافە رەواکانی لە دامەزراندنی دەوڵەتی سەربەخۆی خۆیان، کە قودسی پیرۆز پایتەختەکەیەتی بەگوێرەی بڕیارنامەکانی شەرعیەتی نێودەوڵەتی و بەدەستهێنانەوەی هەموو خاکە داگیرکراوەکان.

عێراق پشتگیری لە هەموو پێشهاتە ئەرێنییەکان دەکات، کە بەشدارە لە وەستاندنی ململانێی ناوخۆیی لە سوریا، هەروەها هەڵوێستی خۆی نوێدەکاتەوە و داوای پاراستنی یەکپارچەیی خاکەکەی و کارکردن دەکات بۆ پاککردنەوەی لە هەموو ئەو بابەتانەی ئاسایش و سەقامگیرییەکەی تێکدەدەن، لەگەڵ داوای ئاوەدانکردنەوە و دابینکردنی ژیانێکی ئازاد و شکۆمەندانە بۆ گەلی سوریای برا.

سەبارەت بە روداوەکانی کۆماری سودان، داوا لە هەموو لایەنە ناکۆکەکان دەکەین، هەموو کردەوەیەکی توندوتیژی رابگرن و پەنا بۆ گفتوگۆ ببەن بۆ گەیشتن بە چارەسەرێکی راستەقینە بۆ قەیرانەکە، ئەو ململانێیەی بەداخەوە لەنێوان برایانی ئەم وڵاتە ئازیزەدا هەیە ناگات بە هیچ جگە لە کاردانەوەی نەرێنی زیاتر نەبێت لەسەر ئاسایش و سەقامگیری ناوچەکە.
لێرەوە عێراق پشتیوانی خۆی بۆ گەیشتن بە سەقامگیریی سیاسی لە کۆماری سودانی برا و گەڕاندنەوەی رێبازی گۆڕانی مەدەنی لەڕێگەی لایەنە مەدەنی و سەربازییەکانەوە و وەلانانی ناکۆکی و لەپێناوی بەرژەوەندی گشتی دوپاتدەکاتەوە بۆ خزمەتکردنی بەرژەوەندییەکانی گەلی سودانی برا.

حکومەت و گەلی عێراق پاڵپشتی تەواوی خۆیان و راوەستان شانبەشانی براکانیان لە لوبنان نوێ دەکەنەوە بۆ تێپەڕاندنی ئاستەنگە ئابورییەکان و کاریگەرییەکانی قەیرانەکانی ناوچەیی و جیهانی، هاوکات عێراق پاڵپشتی هەموو هەوڵەکان دەکات کە ئامانجیان چارەسەرکردنی ناکۆکی سیاسی و بنیاتنانی پردی متمانەیە بۆ گەیشتن بە سەقامگیریی سیاسی و ئابوری و خواستەکانی گەلی لوبنانی برا.

هەروەها عێراق پاڵپشتی هەموو ئەو هەوڵانە دەکات، کە داوای گەڕاندنەوەی ئاسایش و سەقامگیری بۆ لیبیا و بەدیهێنانی ئاشتەوایی نیشتیمانی دەکات، لەپاڵ گرتنەبەری بژاردەی سیاسی و دیالۆگی بنیاتنەر لەنێوان لایەنە سیاسییەکان بۆ دۆزینەوەی دیدێکی نیشتمانی، کە برایانی لیبیا کۆبکاتەوە و ئاشتی و پێشکەوتن و خۆشگوزەرانیی لێ بێتەدی بۆ گەیشتن بە خواستەکانی گەلی لیبیای برا لە ئاستی سیاسی و ئەمنی و ئابوریدا.
هاوکات عێراق پشتیوانی لە هەموو هەوڵەکان دەکات، کە ئامانج لێیان دۆزینەوەی چارەسەرێکی سیاسییە تا یەکێتی و سەروەریی یەمەنی برا بپارێزێت، هەروەها پشتیوانی لە هەر هەنگاوێك دەکات بەم ئاراستەیە بۆ زامنکردنی مافەکانی گەلی یەمەن و گەیشتن بە خواستەکانیان لە سەقامگیری و ئاشتی و خۆشگوزەرانیدا.

عێراق هەڵوێستی پتەوی خۆی دوپاتدەکاتەوە لەسەر بنەمای رێزگرتنی تەواو بۆ یەکڕیزی و سەروەریی کۆماری فیدراڵی سۆماڵ بەسەر تەواوی خاکەکەیدا، هەروەها پشتیوانی خۆی نوێ دەکاتەوە لە هەوڵەکانی بۆ بەدیهێنانی ئاسایش و سەقامگیری لە سەرتاسەری وڵاتدا لە خزمەتی گەلە ئازیزەکەیدا.

برایان داوا لە ئێوە و لە کۆمەڵگەی نێودەوڵەتییش دەکەم، هاریکاری جددی بکەن بۆ یارمەتیدانی ئەو وڵاتانەی بەهۆی کارەساتی سروشتی و گۆڕانکارییە بەرچاوەکانی کەشوهەواوە زیانیان بەرکەوتوە، وەك زیادبونی ناوچەکانی بەبیابانبون و کەمی ئاو. هەروەها داوادەکەم پەلەبکرێت لە داڕشتنی پلانێکی تۆکمە بۆ کەمکردنەوەی مەترسییەکانی ئەم گۆڕانکاریانە لەڕێگەی جێبەجێکردنی بڕیارەکان.

خاوەن شکۆ و سەرۆك و خاوەن پایە بەڕێزەکان

عێراق لە پەیوەندییە دەرەکییەکانیدا بەگوێرەی کۆمەڵێك پرەنسیپ بەرەوپێشدەچێت، کە گرنگترینیان پرەنسیپی دراوسێیەتی باش و دەستوەرنەدانە لە کاروباری ناوخۆ و رێزگرتنە لە سەروەریی وڵاتانی دیکە، لەهەمانکاتدا بە هەموو شێوەیەك ئەو پێشێلکارییانە رەتدەکاتەوە کە دەکرێنەسەر سەروەری و یەکپارچەیی خاکی عێراق و هاووڵاتیانی لەژێر هەر بیانویەکدا بن بە بەکارهێنانی خاکی وەك گۆڕەپانێك بۆ یەکلاکردنەوەی ململانێکان یان کە خوێنی گەلەکەی ببێتە ئامرازێك بۆ گەیشتن بە ئامانجە سیاسییەکانی هەر لایەنێك، لەم روانگەیەوە هۆشداری دەدات لەوەی بەردەوامی ئەو پێشێلکارییانە کاردانەوەی دەبێت و هەموو ناوچەکە ناسەقامگیر دەکات، کە خەڵکی عێراق قوربانییەکی زۆریان دا بۆ بەدەستهێنان و شکستپێهێنانی بەڵای تیرۆر بەناوی هەموو جیهانەوە.
ئەمڕۆ عێراق شۆڕشێکی ئابوری و خزمەتگوزاریی بەخۆوەدەبینێت، کە حکومەتەکەی سەرقاڵی کردنەوەی پڕۆژەکان و پێشکەشکردنی خزمەتگوزاری شایستەیە بۆ گەلەکەی، بەمجۆرە داوا بۆ برایانمان نوێ دەکەمەوە بۆ پەرەپێدانی دەرفەتەکانی هاریکاریی ئابوری و وەبەرهێنان لە ژێر رۆشنایی پێکهاتەکانی سەرکەوتنی سیاسی و ماددی و مرۆییەکان، کە عێراق وەك ژینگەیەکی وەبەرهێنان خاوەنییەتی و ئامادەکراوە بۆ گەیشتن بە پێشکەوتنی ئابوری و بەدیهێنانی خواستەکانی هەمومان بە پتەوکردنی کاری هاوبەش، هیوادارم لوتکەکەمان ئیرادەی گەلەکانمان بەرجەستەبکات بۆ چونەپێشەوە بەرەو گەیشتن بە ئامانجەکانمان و یەکخستنی وتەکانمان بۆ تاووتوێکردنی پرسەکانمان لە پێگەی دەستپێشخەرییەوە و بە هەموو دانایی و لۆژیکێکەوە.

لە کۆتاییدا سوپاس و پێزانینی خۆمان ئاراستەی کۆماری عەرەبی سوریای برا دەکەین، کە دەستبەرداری خولی 34ی ئاسایی ساڵی 2025 بوون لە بەرژەوەندی عێراق. ئێمەش بە تامەزرۆییەوە چاوەڕێی پێشوازیکردنی براکانمان دەکەین لە بەغدای پایتەخت.
لەخودای گەورە داواکارین هەموومان سەرکەوتوبکات بۆ خزمەتی وڵاتەکانمان و هەمیشە بە یەکڕیزی هەڵوێست و گوتار لە بەرامبەر ئاستەنگەکاندا کۆببینەوە بۆ گەیشتن بەو ئایندەیەی، کە شایستەی گەلانمانە.

دوبارە سڵاوی خودای گەورەتان لێ بێت..

كلمات مفتاحية

اخبار ذات صلة

تعليقات

أحدث الاخبار

طهران تعلن عن محادثات بنّاءة في عُمان لإنشاء إطار أمني إقليمي جديد

طهران تعلن عن محادثات بنّاءة في عُمان لإنشاء إطار أمني إقليمي جديد

2026-11-18 23:00 1414
إليكم نتائج الجولة الرابعة من دوري الدرجة الأولى لكرة القدم + صورة

إليكم نتائج الجولة الرابعة من دوري الدرجة الأولى لكرة القدم + صورة

2026-11-18 22:19 2340
القائد العام للقوات المسلحة: بداية الدولة أمنها.. ولا رفاهية بدونه

القائد العام للقوات المسلحة: بداية الدولة أمنها.. ولا رفاهية بدونه

2026-11-18 21:28 3905
الناطق باسم القائد العام يعلن خطة لإعادة الانتشار الأمني وفتح الطرق في جرف النصر

الناطق باسم القائد العام يعلن خطة لإعادة الانتشار الأمني وفتح الطرق في جرف النصر

2026-11-18 20:54 3344
الإعمار تحدد موعد إطلاق التقديم الإلكتروني لقروض صندوق الإسكان

الإعمار تحدد موعد إطلاق التقديم الإلكتروني لقروض صندوق الإسكان

2026-11-18 20:25 5381
الكونغرس الأميركي يتحرك لكبح مخاطر الذكاء الاصطناعي بعد اختبارات صادمة

الكونغرس الأميركي يتحرك لكبح مخاطر الذكاء الاصطناعي بعد اختبارات صادمة

2026-11-18 19:25 5241
رويترز: السعودية تستعد لاستمرار الحرب ضد الحوثيين حتى العام المقبل

رويترز: السعودية تستعد لاستمرار الحرب ضد الحوثيين حتى العام المقبل

2026-11-18 19:03 4277
الرافدين يستكمل منح الدفعة الأولى من الوجبة الثامنة لسلف المتقاعدين

الرافدين يستكمل منح الدفعة الأولى من الوجبة الثامنة لسلف المتقاعدين

2026-11-18 18:40 4248
اللجنة العليا لإصلاح القطاع الأمني تعقد اجتماعاً وتتخذ جملة إجراءات لحماية النفط

اللجنة العليا لإصلاح القطاع الأمني تعقد اجتماعاً وتتخذ جملة إجراءات لحماية النفط

2026-11-18 18:38 4388
الدولار يغلق فوق 170 ألف دينار في الأسواق العراقية

الدولار يغلق فوق 170 ألف دينار في الأسواق العراقية

2026-11-18 17:38 4062
مرصد يقدر خسائر الزراعة بالعراق: أكثر من مليار دولار

مرصد يقدر خسائر الزراعة بالعراق: أكثر من مليار دولار

2026-11-18 15:50 9096
الزيدي يوجه باستبدال القوات الماسكة للأرض في جرف الصخر بمحافظة بابل

الزيدي يوجه باستبدال القوات الماسكة للأرض في جرف الصخر بمحافظة بابل

2026-11-18 15:31 8665
مستشار حكومي يدعو لإصدار الدينار الإلكتروني ويكشف فوائده للإقتصاد العراقي

مستشار حكومي يدعو لإصدار الدينار الإلكتروني ويكشف فوائده للإقتصاد العراقي

2026-11-18 13:28 7051
تحطم مروحية بلاك هوك أردنية خلال تمرين عسكري والجيش يباشر التحقيق

تحطم مروحية بلاك هوك أردنية خلال تمرين عسكري والجيش يباشر التحقيق

2026-11-18 12:31 9386
ترامب يصل إلى الصين عشية القمة التاريخية مع شي وبوتين

ترامب يصل إلى الصين عشية القمة التاريخية مع شي وبوتين

2026-11-18 12:19 7366
الدولار يتراجع في بغداد وأربيل بعد ارتفاعات متتالية بالأسواق

الدولار يتراجع في بغداد وأربيل بعد ارتفاعات متتالية بالأسواق

2026-11-18 11:41 6460
النفط يتراجع عالمياً مع ارتفاع المخزونات الأمريكية

النفط يتراجع عالمياً مع ارتفاع المخزونات الأمريكية

2026-11-18 11:01 5981
عالمياً... الذهب يهبط لأدنى مستوى منذ أكثر من عام

عالمياً... الذهب يهبط لأدنى مستوى منذ أكثر من عام

2026-11-18 09:01 5489