ئەنجومەنی نوێنەرانی ئێران دەنگی بە هەموو وەزیرانی کابینەی حکومەتی مەسعود پزشکیان دا

15:48 2024-08-21 154552 عەرەبی و نێودەوڵەتی 0

2024-08-21

154552

دەیەمین کۆبوونەوەی گشتیی پەرلەمانی ئێران بۆ پێداچوونەوەز دەنگدانی متمانە بە وەزیرە پێشنیارکراوەکانی کابینەی 14 حکومەتی ئێران بە ئامادەبوونی سەرۆک کۆمار و ئەندامانی کابینەی پێشنیارکراو و نوێنەرانی پەرلەمان بەڕێوەچوو.
ئێوارەی دوێنێ چوارشەممە، دەیەمین کۆبوونەوەی مەجلیسی شوورای ئیسلامی ئێران (پەرلەمان) بۆ پێداچوونەوە بە بڕوانامەی ئەو وەزیرانەی کە لەلایەن سەرۆک کۆماری ئێرانەوە پێشنیار کراوە، بەڕێوەچوو و لە 9 دانیشتنی پێشووی ئەنجومەنی ئیسلامی لە چوار ڕۆژی ڕابردوودا، پلانی 19 وەزیری پێشنیازکراو لەلایەن پەرلەمانتاران پێداچوونەوەی بۆ کرا.
حەمیدڕەزا گودەرزی، نوێنەری خەڵکی عەلیگودەرز لە پەرلەمانی ئێران لە چاوپێکەوتنێکدا لەگەڵ ئاژانسی میهر وتی: هەموو ئەو وەزیرانەی کە لە حکومەتی 14 پێشنیاریان کردبوو توانیان دەنگی متمانە لە پەرلەمان وەربگرن.
ناوی وەزیرانی پێشنیار کراوی سەرۆک کۆماری ئێران بە پەرلەمان: عەلیڕەزا کازمی؛ وەزارەتی پەروەردە و بارهێنان 268 دەنگ، سەتار هاشمی، وەزارەتی پێوەندی و تەکنۆلۆژیای زانیاری 264 دەنگ، سەید ئیسماعیل خەتیب؛ وەزارەتی ئیتلاعات 261 دەنگ، عەبدولناسر هیمەتی؛ وەزارەتی کاروباری ئابووری و دارایی 192 دەنگ، سەید عەباس عێڕاقچی؛ وەزارەتی دەرەوە 247 دەنگ، مەحەممەد ڕەزا زەفەرقەندی؛ وەزارەتی تەندروستی 163 دەنگ، ئەحمەد میدەری؛ وەزارەتی تەعاون، کار و خۆشبژێوی 191 دەنگ، غەڵامڕەزا نووری قزلچە؛ وەزارەتی کشتوکاڵ 253 دەنگ، هەروەها ئەمین حسێن ڕەحیمی؛ وەزارەتی داد 268 دەنگ، ئەمیر عەزیز نەسیرزادە؛ وەزارەتی بەرگری، پشتیوانی و هێزە چەکدارەکان 281 دەنگ، فەرزانە سادق، وەزارەتی ڕێگاوبان 231 دەنگ، مەحەممەد ئەتابەک؛ وەزارەتی پیشە، کانگا و بازرگانی 231 دەنگ، حسێن سیمایی سەڕاف، وەزارەتی زانست، لێکۆڵینەوە و تەکنۆلۆژیا 221 دەنگ، سەید عەباس ساڵحی؛ وەزارەتی فەرهەنگ و ئیرشادی ئیسلامی 272 دەنگ، ئەسکەندەر مومنی؛ وەزارەتی ناوخۆ 259 دەنگ، مەحەممەد ڕەزا ساڵحی ئەمیری؛ ط وەزارەتی میراتی فەرهەنگی و گەشتیاری168 دەنگ، موحسين پاک نەژاد؛ وەزارەتی نەوت 222 دەنگ، عەباس عەلی ئابادی؛ وەزارەتی وزە 255 دەنگ، ئەحمەد دنیامالی؛ وەزارەتی وەرزش و لاوان 253 دەنگ.