ئەمڕۆ هەینی ، محەمەد شیاع سودانی، سەرۆکوەزیرانی عێراق ،چارەسەری جددی بۆ قەیرانی کارەبا خستەڕوو، هاوکات ڕایگەیاند کە ڕێوشوێنی گرنگی گرتووەتەبەر بۆ چاکسازی لە کۆمپانیا حکومییەکان و کەرتی بانکی، بەمەبەستی زیادکردنی داهاتی نا نەوتی.
محەممەد شیعە ئەلسودانی، سەرۆکوەزیرانی عێراق لە چاوپێکەوتنێکی تەلەفزیۆنیدا وتی: خزمەتگوزارییەکان لە پێشینەی کارەکانی بەرنامەی حکومەتە، و بەپێی دیدگایەکی پلان بۆ داڕێژراو و پێویستی هەر پارێزگارێک بۆ پڕۆژەی خزمەتگوزاری هاتوون، ئێمە خزمەتگوزارییەکانمان بە پێی سێ ئاست جێبەجێکرد: هەوڵی خزمەتگوزاری و ئەندازیاری، تەواوکردنی پڕۆژەی وەستاو، و دەستپێکردنی پڕۆژەی نوێ”. ئاماژەی بەوەشکرد، “حکومەتەکەمان توانی پێشکەوتنی ڕاستەقینە لە زۆرێک لە پڕۆژە خزمەتگوزارییەکان بەدەستبهێنێت، هەروەها لە چەند بوارێکدا دەستکەوتمان هەیە، نەک تەنها لە بواری چارەسەرکردنی قەرەباڵغییەکان، بەڵکو دەستکەوت بۆ پڕۆژە گرنگەکانیش لە کەرتی نەوت و پیشەسازیدا”.
ناوبراو ڕایگەیاند، "ئێمە ڕێوشوێنی گرنگمان گرتووەتەبەر بۆ چاکسازی لە کۆمپانیا حکومییەکان و کەرتی بانکی، بۆ زیادکردنی داهاتی نا نەوتی."سودانی ڕوونیشیکردەوە، "سیستەمی بانکی عێراق بەشێوەیەکی شەفاف بەگوێرەی ستانداردە نێودەوڵەتییەکان کاردەکات، ئێمە کۆنتڕۆڵی فرۆشتنی دۆلارمان کردووە، هەروەها گواستنەوەی دارایی لەڕێگەی ڕێکار و پڕۆسەی دانپێدانراوی نێودەوڵەتی ئەنجام دەدرێت. گرێبەستمان لەگەڵ کۆمپانیا نێودەوڵەتییە بەناوبانگەکان کردووە بۆ چاکسازی لەکەرتی بانکی ئەهلیدا، هاوکات گەیشتوینەتە قۆناغە کۆتاییەکانی دامەزراندنی  بانکی ڕافیدەینی یەکەم و پەرەپێدانی سیستەمی بانکی بۆ بەدیهێنانی گەشەپێدان".
جەختیشی لەوە کردەوە کە "هیچ دەستوەردانێکی دەرەکی لە هێزەکانی حەشدی شەعبی نییە، کە دامەزراوەیەکی ئەمنی فەرمییە. پڕۆژە یاساکەی پێکهاتە و پەیکەربەندی و ئاستی سەرکردایەتیکردنی ڕێکخراوەکە بەڕێوەدەبات و دوای لێکۆڵینەوەیەکی بەرفراوان لەلایەن حکومەتەوە پەسەندکراوە. زۆر گرنگە یاساکانی هێزەکانی حەشدی شەعبی و خانەنشینی و ئاسایشی کۆمەڵایەتی پەسەندبکرێن، بۆ ئەوەی مافەکانی ئەندامەکانی زامن بکرێت، کە بەشێکی بچووکە لە قوربانیدانەکانیان".
سودانی جەختی لەوە کردەوە کە "هیچ لایەنێک بۆی نییە هەژموون بەسەر عێراقدا بسەپێنێت، هەروەها بڕیارەکەی سەبارەت بە کاروباری ناوخۆی وڵاتەکەی بڕیارێکی نیشتمانییە. جەختمان لە پاراستنی کەمینەکان لە سووریا و کارکردن بۆ ڕووبەڕووبوونەوەی داعشی تیرۆریستی کردەوە، کە ئەمەش مەترسی بۆ سەر وڵاتانی ناوچەکە دروست دەکات". ئاماژەی بەوەشکرد، "هەڵوێستی ئێمە سەبارەت بە سوریا لەلایەن عێراقەوە بەگوێرەی بەرژەوەندییە باڵاکانی وڵاتەکە دەربڕدراوە، ئێمەش لەگەڵ تورکیە، سوریا، ئوردن و لوبنان کۆبوونەوە ئەنجامدەدەین بۆ ڕووبەڕووبوونەوەی داعش".