مەحما خەلیل لەبارەی قەیرانی مووچەوە: کۆبونەوەو دانوستانەکان تەنها "درۆیەکە".. پەنا دەبەینە بەر دادگا
مەحما خەلیل پەرلەمانتاری پارتی دیموکراتی کوردستان، ئەمڕۆ هەینی،باسی لە کۆبونەوە و دانوستانەکانی نێوان حکومەتی فیدڕاڵ و هەرێمی کوردستان کرد سەبارەت بەقەیرانی مووچەی فەرمانبەرانی هەرێم دووپاتیکردەوە کە تەنها درۆیەکە،ئاماژەی بەوەشکرد کەهەرێم مافی ئەوەی هەیە پەنا بۆ دادگاکانی عێراق ببات بۆ دەستەبەرکردنی مافی فەرمانبەرانی.
خەلیل لە لێدوانێکیدا بۆ ئاژانسی "موتەڵع" ڕایگەیاند "وەزارەتی دارایی هەموو سنوورێکی ئەخلاقی و دەستووری و یاسایی و مرۆڤایەتی بەزاندووە بە پێنەدانی مووچەی فەرمانبەرانی هەرێمی کوردستان."
ئاماژەی بەوەشکرد"نابێت پرسی مووچە تێکەڵ بەبابەتی سیاسی بکرێت"، وخەرجنەکردنی مووچەی فەرمانبەرانی هەرێم پشتت بەهیچ بنەمایەک نابەستێت مەبەست لێی تەنها دروستکردنی کێشەیە لە نێوان بەغدا و هەولێر".
وتیشی" كۆبونەوە و دانوستانەکانی نێوان هەردوو حکومەتی فیدڕاڵ و هەرێم تەنها کات بەفیڕۆدان و درۆیکە،وئاماژەی بەوەدا هەرێم پەنا دەباتە بەر دادگا بۆ بەدەستهێنانی مافی فەرمانبەرەکانی".
