سەرۆک وەزیران سەرەخۆشی بۆ کۆچی دوایی پاپا فرانسیس دەکات

21:48 2025-04-21 94490 عێراق 0

2025-04-21

94490

محەمەد شیاع سودانی سەرۆک وەزیرانی سودانی، ئەمڕۆ دووشەممە، سەرەخۆشی بۆ کۆچی دوایی پاپا فرانسیس کرد.
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەدەستی موتەڵع کەوتووە بڵاویکردەوە"بە خەم و پەژارێیەکی زۆرەوە هەواڵی کۆچی دوایی پاپا و سەرۆکی کڵێسای کاسۆلیکی، قەداسەتی پاپا فرانسیس"ـمان پێگەیشت، دوای تەمەنێکی زۆر لە خزمەتکردنی مرۆڤایەتی و قووڵکردنەوەی پەیوەندییەکانی نێوان گەلان و کارکردن بۆ بەرەوپێشبردنی ئاشتی، و ئامانج و بەها کۆمەڵایەتی و ئەخلاقییە بەنرخەکان.
وتیشی لەم لەدەستدانە بە ئازارەدا هاوبەشی خەمی هەموو مەسیحییەکانین لە عێراق و جیهاندا، و له‌ خوای مه‌زن داواکارین گیانی به‌ به‌زه‌یی و میهره‌بانیی خۆی شاد بکات.

دووپاتیشیکردەوە لەگەڵ کۆچی دوایی پاپا، سەردانە مێژووییەکەی چوار ساڵ لەمەوبەر بۆ عێراق و دیدارەکەی لەگەڵ مەرجەعى باڵا سەید عەلی سیستانی لە نەجەف بەبیر دەهێنینەوە، ئەو سەردانە نوێنەرایەتی بناغەیەکی پراکتیکی و گرنگی کرد، بۆ لێکنزیکبوونەوەی ئایینەکان و چەسپاندنی برایەتی و خۆشەویستی لە نێوان هەموو باوەڕداران لە سەرانسەری جیهاندا.

وتیشی دروود بۆ گیانی پاپا فرانسیس، کە بە هاوخەمی ئازارەکانی هەژاران و ستەملێکراوان لە سەرانسەری جیهاندا ناسرا، و پرسە و سەرەخۆشی خۆمان ئاڕاستەی خۆشەویستان و شوێنکەوتووانی و هەموو ئەو کەسانە دەکەین، کە هەوڵدەدەن پەیامی چاکە و مرۆڤایەتی لە سەرانسەری جیهاندا بڵاو بکەنەوە.