سەرۆک وەزیران پەیوەندییەکی تەلەفۆنی لە ئەمینداری گشتی نەتەوە یەکگرتووەکانەوە پێدەگات

16:11 2024-05-26 5946 عێراق 0

2024-05-26

5946

سەرۆکی ئەنجومەنی وەزیران محەمەد شیاع سودانى، ئەمڕۆ یەکشەممە پەیوەندییەکی تەلەفۆنی لە ئەمینداری گشتی نەتەوە یەکگرتووەکانەوە ئەنتۆنیۆ گۆتێرێس پێگەیشت، کە تیایدا تاوتوێی پەیوەندییەکانی نێوان عێراق و ڕێکخراوی نێودەوڵەتی و لایەنەکانی هاریکاری لە بوارە جۆراوجۆرەکان و بەرنامە جیاوازەکاندا کرا، بەتایبەتی ئەوانەی پەیوەندییان بە ڕووبەڕووبوونەوەی ئاستەنگییەکانی کەشوهەوا و کەمکردنەوەی کاریگەرییەکانیان هەیە و ئەرکەکانی برەودان و بەڕێوەبردنی ئاو، هەروەها لە پەیوەندییە تەلەفۆنییەکە باس لە پەیامەکەی عێراق کرا سەبارەت بە کاتی کۆتایی هێنان بە کارەکانی نێردەی نەتەوە یەکگرتووەکان بۆ هاریکاری عێراق / یونامی و کاتەکانی کەمکردنەوەی ئاستی کارمەندانی نێردەکە و ڕێگاکانی هەماهەنگی دوولایەنە لەم ڕێگایەدا.
نوسینگەی ڕاگەیاندنی سەرۆکی ئەنجومەنی وەزیران بڵاویکردەوەلە میانەی پەیوەندییە تەلەفۆنییەکەدا، سودانی پێزانینی حکومەتی بۆ هەوڵەکانی نەتەوە یەکگرتووەکان و نێردەکەی لە عێراق دەربڕی و ستایشی بەرنامە و بەشدارییەکانی ڕێکخراوی نێودەوڵەتی کرد لە قۆناغە جۆراوجۆرەکاندا و هاوسەنگبوونی لەگەڵ ئەو ئاستەنگیانەی کە ڕووبەڕووی گەلی عێراقمان بووەتەوە لەسەر ئاستە جیاجیاکان و هاوکارییان پێشکەش بە گەلەکەمان کرد لە ڕێگای بنیاتنانی دیموکراسی و ئاوەدانکردنەوە و گەشەپێدان و بوژانەوە لە کاریگەرییەکانی تیرۆر و دیکتاتۆرییەت.

هەر لە پەیوەندییە تەلەفۆنییەکەدا تاوتوێی بارودۆخی غەزە و دەرئەنجامەکانی بەردەوامبوونی دوژمنکاری دژ بە هاوڵاتیانی مەدەنی بێچەک کرا، کە ڕووبەڕووی تاوانی جینۆساید دەبنەوە، هەروەها بەڕێز سودانی بۆ ئەمینداری گشتی دووپاتی کردەوە کە پێویستە زلهێزەکان و ڕێکخراوە نێودەوڵەتییەکان ئەرکی مرۆیی و ئەخلاقی و یاسایی خۆیان بگرنە ئەستۆ بۆ ڕاگرتنی هێرشەکان و پاراستنی گەلی فەڵەستین و دەستەبەرکردنی مافە مێژووییەکانیان.