چۆن به‌بێ نه‌شته‌رگه‌رى چاره‌سه‌رى جیوبه‌كەت دەکەیت ؟

23:53 2025-04-21 104903 هەمەجۆر 0

2025-04-21

104903

جیوب بریتین لە 4 کەلێن لە سەردا کە بە جۆگەی تەسک بەیەکەوە دەبەسترێن. له جیوب دەردانی لوت دروست دەبێت کە لە جۆگەکانی لووتەوە دێتە دەرەوە و ئەم ئاوەڕۆیە یارمەتیدەرە بۆ پاکڕاگرتنی لووت و دوور لە بەکتریا.
‏زۆرجار كاتێك جیوب هه‌و ده‌كات په‌نا ده‌برێته‌ به‌رنه‌شته‌رگه‌رى و كونكردن، به‌ڵام له‌ ئێستادا پزیشكێك رێگه‌یه‌كى چاره‌سه‌ركردنى بۆ ئه‌و گرفته‌ به‌بێ نه‌شته‌رگه‌رى كردن دۆزیوه‌ته‌وه‌.
‏
‏سه‌ره‌تا له‌ باره‌ى نه‌خۆشییه‌كه‌وه‌ د. ئەلێکساندەر میاسنیکۆڤ، رایگه‌یاندووه‌ "هەوکردنی جیوبه‌كان دەتوانێت ببێتە هۆی گیرانی لووت، دەردانی ئاو، سەرئێشە و ئازاری چاو، وه‌ درێژخایەنیش بێت.
‏
‏راشیگه‌یاندووه‌ "ئه‌و نەخۆشییە لە حاڵەتی یەکەمدا ماوەكه‌ی زیاترە لە 12 هەفتە و لە حاڵه‌تى دووەمیشدا سێ مانگ یان زیاترە، بەڵام بۆچی لە هەردوو حاڵەتەکەدا کونکردن ئەنجام دەدرێت لەکاتێکدا 20 ساڵە لە پراکتیکی پزیشکیدا بەکارنەهێنراوە؟".
‏
‏ئاماژه‌ى به‌وه‌شكردووه‌ "نه‌خۆش كاتێك تایەکی زۆر و سەرئێشە و ئازاری پشت چاوی هەبوو، ئەوا دەتوانرێت نەشتەرگەریی کونکردن بکرێت و دەرمانی دژە هەوکردن بخورێت.
‏
‏بۆیه‌ ئه‌و پزیشكه‌ ئامۆژگارى تووشبووان به‌ جیوب ده‌كات، به‌وه‌ى قەترە هۆرمۆنییەکان بەکاربهێنن له‌ جیاتى ئەنجامدانی کونکردن، چونکە قەترەکە قەرەباڵه‌غی و ئاوسان و هەوکردن کەمدەکاتەوە، ئەوەش رێگە دەدات رۆیشتنی بەڵغەم بگەڕێتەوە، بەڵام به‌رله‌وه‌ى به‌كاربهێندرێت، پێویسته‌ لووت بە ئاوێک کە خوێی دەریایی تێدا توابێتەوە، بشۆردرێت".
‏
‏د. ئەلێکساندەر زیاتر روونیكردووه‌ته‌وه‌ "رێگه‌ى به‌كارهێنانى قه‌تره‌كه‌ یارمەتی چارەسەرکردنی 80%ی حاڵەتەکانی ئاوی لووت ده‌دات، تەنانەت ئەوانەش کە بەهۆی بەکتریاوە دروستدەبن، بەبێ ئەوەی پێویست بکات دەرمانی دژەهەوکردن بەکاربهێندرێت".