ئەمەریکا ڕەزامەندی لەسەر فرۆشتنی سیستەمێکی تایبەت بە باشتر کردنی پەیوەندییە بێتەلەکان بە عێراق دەردەبڕێت
ئەمەریکا ڕەزامەندی لەسەر فرۆشتنی سیستەمێکی تایبەت بە باشتر کردنی پەیوەندییە بێتەلەکان، بە بڕی 100 ملیۆن دۆلار بە عێراق دەربڕی، کە تواناکانی ئەو وڵاتە بۆ پاراستنی ئاسایش و بەرژەوەندییەکانی ئەمەریکا لە وڵاتەکەدا باشتر دەکات.
وەزارەتی جەنگی ئەمەریکا ڕایگەیاند، وەزارەتی دەرەوەی وڵاتەکەت ڕەزامەندی لەسەر فرۆشتنی سیستەمی کەنتری واید ڕیپیتەر، بەشێک لە کەلوپەلەکانی کە سیستەمی پەیوەندی سەربازیی و باشتر کردنی پەیوەندییە بێتەلەکانە، بە عێراق دەربڕیوە.
ئاژانسی هاریکاریی ئاسایشی بەرگری (DSCA) لە ڕاگەیەندراوێدا ئاماژەی داوە، سیستەمەکە بە بڕی 100 ملیۆن دۆلار بە عێراق دەدرێت. ڕاشیگەیاندوە: ئەم فرۆشتنە پێشنیازکراوە تواناکانی فەرماندەیی و کۆنترۆڵی عێراق باشتر دەکات و بەرگرییەکەی لە دژی هەڕەشە هەرێمییەکان، پاراستنی سنوورەکانی، ژێرخانی وزە و دانیشتووانەکەی بەهێزتر دەکات، هاوکات بەرژەوەندییە ئەمنییەکانی ئەمەریکاش دەپارێزێت.
ئەو ئاژانسە ئەمەریکییە باسی لەوەش کردووە، عێراق هیچ کێشەیەکی لە وەرگرتنی ئەم کەرەستە و خزمەتگوزارییانەدا نابێت بۆ ناو هێزە چەکدارەکانی.
بەپێی ڕاگەیەندراوەکە، عێراق "بۆ پشتگیریکردن لە سیستەمەکە داوای کڕینی چەندین تەکنۆلۆژیای وەک خاڵەکانی دەستڕاگەیشتن بە ڕادیۆ (RAP)، سیستەمی دووبارەکردنەوەی ڕادیۆیی و چەندین کەلوپەلی دیکەی لە ئەمەریکا کردبوو.
ئاژانسی DSCA ئەوەشی خستووەتەڕوو، جێبەجێکردنی فرۆشتنە پێشنیازکراوەکە پێویستی بەوەیە کە دوو نوێنەری حکوومەتی ئەمەریکا و پێنج نوێنەری بەڵێندەری ئەمەریکی بۆ ماوەی پێنج ساڵ لە عێراق بن بۆ پشتیوانیکردنی بەڕێوەبردنی بەرنامە، پێشکەشکردنی ڕاوێژی ئەندازیاری و هەڵسەنگاندنی تەکنیکی بۆ نوێکردنەوەی کەلوپەلەکان و ڕاهێنانی ناوخۆیی. هاوکات ئاژانسەکە ڕۆژی پێنجشەممە کۆنگرێسی لە فرۆشتنە ئەگەرییەکە ئاگادار کردووەتەوە و کۆمپانیای کۆرپەرێیشن هاریس 3 بەڵێندەری سەرەکی دەبێت.
ڕیپیتەر (دووبارەکەرەوە) شەپۆلەکانی ڕادیۆ وەردەگرێت و بەهێزیان دەکات، پاشان بە ناوچەیەکی زۆر فراوانتردا دووبارە بڵاویان دەکاتەوە. کاتێک ڕیپیتەرەکان لە سەرتاسەری وڵاتدا پێکەوە دەبەسترێنەوە، تۆڕێکی پەیوەندیی سەرتاسەری دروست دەکەن.
ئاژانسی DSCA بەشێکە لە وەزارەتی بەرگریی ئەمەریکا و لەژێر دەسەڵاتی پێنتاگۆندایە، ئەم ئاژانسە کاروباری هاریکاریی سەربازیی ئەمەریکا لەگەڵ وڵاتانی دیکە بەڕێوە دەبات.
كلمات مفتاحية
اخبار ذات صلة
تعليقات
دوایین هەواڵەکان
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
پەروەردە و خوێندنی باڵای هەرێم کاتی دەستپێکردنەوەی دەوامیان ڕاگەیاند
ئەڵمانیا: بەمزوانە ئەمریكاو ئێران لە پاكستان دانوستانی راستەوخۆ دەكەن
سوپای پاسداران: رێگریمان له سێ كهشتی كرد بۆ تێپهڕبون به گهروی هورمزدا
وهزارهتی خوێندنی باڵا ماوهی مانهوهی ئهو خوێندكارانهی له ههرێم درێژكردهوه كه له ئێران دهخوێنن
واڵ ستریت جۆرناڵ: ئێران داوای درێژكردنهوهی مۆڵهتی له ترهمپ نهكردوه
كەشناسی هەرێم: ئهمڕۆ و سبهی باران بارین له ناوچه جیاجیاكان بهردهوام دەبێت
فایەق زێدان: بڕیاری راگهیاندنی جهنگ بهگوێرهی دهستور تهنیا له دهسهڵاتی دهوڵهتدایه
هەیبەت حەلبوسی: دواکەوتنی هەڵبژاردنی سەرۆک کۆمار چیتر قبوڵکراو نییە
هاتوچۆی ههولێر: بهرزبونهوهی ئاستی باراناو بۆته هۆی وهستانی هاتوچۆ له چهند شهقامێك
سەرۆک وەزیران وپادشای ئوردن جەخت لە گرنگی هەوڵی بێوچان بۆ ڕاگرتنی جەنگ دەکەنەوە
هرارگای خاتهمولئهنبیا: هێرش بكرێته سهر وێستگهكانی ئێران، ژێرخانی وزه لهناوچهكه وێران دهكهین
پزیشكیان: وهڵامی ههڕهشه بێسهروبهرهكان له مهیدانی جهنگدا دهدهینهوه
سكرتێری ناتۆ: هاوکاری ئەمریکا دەکەین بۆ کردنەوەی گەروی هورمز
ژێردهریایی ئهتۆمی بهریتانیا گهیشتۆته دهریای عهرهب
ئهمریكا رهتیدهكاتهوه ئێران فڕۆكهیهكی ئێف15ی خستبێته خوارهوه
وەزارەتی پێشمەرگە: بە فڕۆکەیەکی بێفڕۆکەوان هێرشکرایە سەر یەکێک لە بارەگاکانمان لە چەمچەماڵ
