بەرێوەبەرایەتی پەروەردەی دهۆک لە مووچەی مامۆستا بەدەل بەرواری دەبڕێت
چالاکوان و مامۆستایەکی ناوچەی بادینان رایگەیاند، لەو رۆژەی وادەی دانیشتنی دادگای فیدڕاڵیبو تایبەت بە سکاڵاکەیان بەرێوەبەرایەتی گشتی پەروەردەی دهۆک بە نەهاتو بۆی هەژمار کردوە، چونکە بەبێ مۆڵەت وەرگرتن چوەتە ناوچەیەکی دەرەوەی هەرێمی کوردستان.
بەدەل بەرواری چالاکوانی ناوچەی بادینان لە پەیامێکدا رایگەیاندوە، لە رۆژی 6ی مانگی تشرینی یەکەمی ساڵی رابردو لەگەڵ چەند مامۆستایەک سکاڵایان لەسەر هەردو حکومەتی عێراق و هەرێم لەبارەی دواکەوتنی موچەی فەرمانبەران لە دادگای فیدڕاڵی تۆمارکرد.
بەدەل بەراوری ئاماژەی بەوەشکراوە، لە رۆژی 21ی مانگی شوباتی ئەمساڵ کاتێک دو مانگ تێپەڕی بەسەر سکاڵاکەیان لەلایەن بەرێوەبەری ئەو قوتابخانەیەی کە دەوامی تێدا دەکات نوسراوێکی ئاڕاستە کرا.
ئەوەشی خستوەتەڕو، بڕیارەکەی دادگای فیدڕاڵی لەبارەی دابەشکردن و تەوتینی موچەی فەرمانبەران هەندێک لە بەرپرسانی هەرێمی کوردستانی توڕە کردبو، لە بەرێوەبەرایەتی گشتی دهۆکەوە نوسراوی ئاڕاستەی بەرێوەبەرایەتی قوتابخانەکەی کردوە بۆ ئەوەی لەو رۆژانەی چوتە بەغدا بە نەهاتن بۆ هەژمار بکرێت.
بەدەل بەراوری دەشڵێت، لە نوسراوی سزاکەیدا ئاماژە بەوەکراوە بەبێ ئەوەی مۆڵەت لە بەرێوەبەرایەتی گشتی پەروەردە وەربگرێت چوەتە دەرەوەی هەرێمی کوردستان، لەسەر ئەوەش بڕی 42 هەزار دینار لە موچەکەی بڕدراوە
