بەغدا پەرۆشی خۆی بۆ پتەوکردنی هاریکاری لەگەڵ تاران لە بوارەکانی ئاسایش و وزەدا دووپات دەکاتەوە
وهزیرانی دهرهوهی عێراق و ئێران له تاران كۆبونهوه و ئاسۆی پەرەپێدانی هاریکاری دوقۆڵی نێوان عێراق و ئێران و ڕێگاکانی بەرزکردنەوەی سەقامگیری ناوچەکە و کۆمەڵێک بابەتی جێی بایەخی هاوبەشیان تاوتوێ کرد، جهختیان كردهوه كه پەیوەندییەکانی بهغدا و تاران لەسەر بنەمای مێژویی و جوگرافیای تۆکمە دامەزراوە.
بهگوێرهی ڕاگهیهندراوێكی وهزارهتی دهرهوهی ئێران، فوئاد حسێن، جێگری سەرۆک وەزیران و وەزیری کاروباری دەرەوە ئهمڕۆ لەگەڵ عهباس عێقچی، هاوتا ئێرانییەکەی لە پەراوێزی بەشداریکردنی لە کۆڕبەندی وتوێژی تاران، ڕێگهکانی پتەوکردنی پەیوەندییە دوقۆڵییەکان و پشتیوانیکردن لە پڕۆسەی دانوستانە ئەتۆمییەکان لە تاران وتوێژیان کرد.
ئاماژه بهوهشكراوه، لە میانی دیدارەکەدا هەردولا ئاسۆی پەرەپێدانی هاریکاری دوقۆڵی نێوان عێراق و ئێران و ڕێگاکانی بەرزکردنەوەی سەقامگیری ناوچەکە و کۆمەڵێک بابەتی جێی بایەخی هاوبەشیان تاوتوێ کرد.
فوئاد حوسێن جەختی لەوەکردەوە کە "پەیوەندییەکانی عێراق و ئێران لەسەر بنەمای مێژویی و جوگرافیای تۆکمە دامەزراوە"، جەختی لەسەر پابەندبونی بەغدا بۆ بەهێزکردنی هاوکارییەکان لە بوارەکانی ئاسایش، ئابوری و وزە بە تایبەت لە ژێر ڕۆشنایی ئاستەنگەکانی ئێستای ناوچەکەدا کردەوە.
ناوبراو هەروەها ئاماژەی بە گرنگی کاراکردنی کاری لیژنە هاوبەشەکانی نێوان هەردو وڵات کرد، کە باس لە کاریگەرییەکانی سزاکان لەسەر دابینکردنی غازی ئێران بۆ عێراق کرد.
له ڕاگهیهندراوهكهدا هاتوه، وەزیری دهرهوهی عێراق پشتیوانی بهغدا بۆ پڕۆسەی دیپلۆماسی بەردەوامی نێوان تاران و واشنتن دوپاتکردەوە و بە "رێگایەکی گرنگ بۆ گەیشتن بە سەقامگیری لە ناوچەکە" وەسفی کرد، ناوبراو ئاماژەی بەوەدا کە لە سەردانەکەی ئەو دواییەیدا بۆ واشنتن ئەم بابەتەی تاوتوێ کردوە، لەوێ جەختی لەسەر پێویستی گۆڕینی دانوستانەکان کردوەتەوە بۆ دەرئەنجامی بەرجەستە و پراکتیکی کە خزمەت بە بەرژەوەندییەکانی گەلانی ناوچەکە بکات.
لایخۆیەوە عەباس عەراقچی پێزانینی خۆی بۆ بەشداری چالاکانەی عێراق لە کۆڕبەندی وتوێژی تاران دەربڕی و ئامادەیی ئێرانی بۆ درێژەدان بە دانوستانە ئەتۆمییەکان لەگەڵ ئەمریکا دوپاتکردەوە و ڕۆڵی عێراقی لە ڕەخساندنی هەلومەرجی گونجاو بۆ دیپلۆماسی ستایش کرد.
ئهوهش هاتوه، هەروەها لە دیدارەکەدا باس لە پێشهاتەکانی قەیرانەکانی ناوچەکە کرا، فوئاد حسێن جەختی لە گرنگی گرتنەبەری چارەسەری سیاسی هەمەلایەنە کردەوە کە ڕێزگرتن لە سەروەریی دەوڵەت مسۆگەر بکات و کۆتایی بە ئازارەکانی مرۆڤ لە ناوچەکەدا بهێنێت.
كلمات مفتاحية
اخبار ذات صلة
تعليقات
دوایین هەواڵەکان
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
پەروەردە و خوێندنی باڵای هەرێم کاتی دەستپێکردنەوەی دەوامیان ڕاگەیاند
ئەڵمانیا: بەمزوانە ئەمریكاو ئێران لە پاكستان دانوستانی راستەوخۆ دەكەن
سوپای پاسداران: رێگریمان له سێ كهشتی كرد بۆ تێپهڕبون به گهروی هورمزدا
وهزارهتی خوێندنی باڵا ماوهی مانهوهی ئهو خوێندكارانهی له ههرێم درێژكردهوه كه له ئێران دهخوێنن
واڵ ستریت جۆرناڵ: ئێران داوای درێژكردنهوهی مۆڵهتی له ترهمپ نهكردوه
كەشناسی هەرێم: ئهمڕۆ و سبهی باران بارین له ناوچه جیاجیاكان بهردهوام دەبێت
فایەق زێدان: بڕیاری راگهیاندنی جهنگ بهگوێرهی دهستور تهنیا له دهسهڵاتی دهوڵهتدایه
هەیبەت حەلبوسی: دواکەوتنی هەڵبژاردنی سەرۆک کۆمار چیتر قبوڵکراو نییە
هاتوچۆی ههولێر: بهرزبونهوهی ئاستی باراناو بۆته هۆی وهستانی هاتوچۆ له چهند شهقامێك
سەرۆک وەزیران وپادشای ئوردن جەخت لە گرنگی هەوڵی بێوچان بۆ ڕاگرتنی جەنگ دەکەنەوە
هرارگای خاتهمولئهنبیا: هێرش بكرێته سهر وێستگهكانی ئێران، ژێرخانی وزه لهناوچهكه وێران دهكهین
پزیشكیان: وهڵامی ههڕهشه بێسهروبهرهكان له مهیدانی جهنگدا دهدهینهوه
سكرتێری ناتۆ: هاوکاری ئەمریکا دەکەین بۆ کردنەوەی گەروی هورمز
ژێردهریایی ئهتۆمی بهریتانیا گهیشتۆته دهریای عهرهب
ئهمریكا رهتیدهكاتهوه ئێران فڕۆكهیهكی ئێف15ی خستبێته خوارهوه
وەزارەتی پێشمەرگە: بە فڕۆکەیەکی بێفڕۆکەوان هێرشکرایە سەر یەکێک لە بارەگاکانمان لە چەمچەماڵ
