سودانی و مەدبولی سەرپەرشتی ڕێوڕەسمی واژۆکردنی ژمارەیەک یاداشتنامەی لێکتێگەیشتنی نێوان هەردوو وڵات دەکەن
سەرۆکی ئەنجومەنی وەزیران محەمەد شیاع سودانی و سەرۆک وەزیرانی میسر سەرپەرشتی ڕێوڕەسمی واژۆکردنی ژمارەیەک یاداشتنامەی لێکتێگەیشتنی نێوان هەردوو وڵات دەکەن
نوسینگەی ڕاگەیاندنی سەرۆکی ئەنجومەنی وەزیران بڵاویکردەوە
سەرۆکی ئەنجومەنی وەزیران محەمەد شەیاع سودانی، ڕێوڕەسمێکی فەرمی ئەنجامدا بۆ پێشوازی کردن لە سەرۆک وەزیرانی کۆماری عەرەبی میسری مستەفا مەدبولی، کە بەیانی ئەمڕۆ پێنجشەممە گەیشتە بەغدادی پایتەخت.
لە مەراسیمەکە کە لە کۆشکی حکومەت بەڕێوەچوو، سروودی نیشتمانی عێراق و میسر لێدرا.
سودانی و مەدبولی کۆبوونەوەیەکی دووقۆڵییان ئەنجامدا و تێیدا پەیوەندییەکانی نێوان هەردوو وڵات و بەرزکردنەوەی هاوکاری و هاوبەشی و هەماهەنگی هەڵوێستەکان سەبارەت بە ئاستەنگ و پرسە ناوچەیی و نێودەوڵەتییەکان بەرژەوەندی هاوبەشیان تاوتوێ کرد.
هەروەها هەردوولا سەرۆکایەتی شاندی هەردوو وڵاتیان کرد لە کۆبوونەوەکانی خولی سێیەمی لیژنەی باڵای هاوبەشی عێراق - میسر، و تێیدا گفتوگۆی دۆسیە هاوبەشەکان کرا، و ژمارەیەک یاداشتنامەی لێکتێگەیشن لە نێوان هەردوو وڵاتدا لە ژمارەیەک بوار و کەرت واژۆکرد.
سەردانەکە ئەنجامدانی دیدارێکی فراوان بۆ بازرگانە عێراقی و میسرییەکان و نوێنەری کۆمپانیا تایبەتمەندەکان لەخۆدەگرێت، بە ئامادەبوونی سەرۆکی ئەنجومەنی وەزیران و سەرۆک وەزیرانی میسر.
