سودانی: پێشێلکردنی سەروەری ڕەتدەکەینەوە و داوای هەماهەنگی هەرێمایەتی دەکەین بۆ ڕووبەڕووبوونەوەی هەڵکشان
محەممەد شیاع سودانی، سەرۆک وەزیران، ئەمڕۆ دووشەممە دووپاتی کردەوە کە "هەر پێشێلکارییەکی سەروەری عێراق ڕەتدەکەینەوە"، هاوکات داوای هەماهەنگی هەرێمایەتی کرد بۆ ڕووبەڕووبوونەوەی ئەو هەڵکشانە.
نوسینگەی ڕاگەیاندنی سەرۆکی ئەنجومەنی وەزیران لەڕاگەیەندراوێکدا کەدەستی موتەڵع کەوتووە بڵاویکردەوە،سەرۆکی ئەنجومەنی وەزیران محەمەد شەیاع سودانی ئەمڕۆ دووشەممە، گفتوگۆیەکی تەلەفۆنی لەگەڵ سەرۆکی ئیماراتی یەکگرتووی عەرەبی شێخ محەمەد بن زاید ئال نەهیان، ئەنجامدا.
وتیشی لە پەیوەندییەکەدا باس لە پێشهاتەکانی ناوچەکە و کاردانەوەکانی دەستدرێژییەکانی زایۆن بۆ سەر کۆماری ئیسلامی ئێران و کاریگەرییەکانی لەسەر ئاسایش و سەقامگیری ناوچەیی و نێودەوڵەتی کرا، جگە لە ڕەتکردنەوەی پێشێلکردنی ئاسمانی عێراق، کە نوێنەرایەتی پێشێلکردنی سەروەری و سەرپێچیکردنی یاسا و ڕێککەوتننامە نێودەوڵەتییەکان دەکات.
سودانی جەختی لەسەر پێویستی بەهێزکردنی هەماهەنگی ناوچەیی کردەوە لە نێوان وڵاتانی عەرەبی و ئیسلامی، و درێژەدان بە پەیوەندی و هاوکاری نێوان وڵاتانی ناوچەکە بۆ ڕووبەڕووبوونەوەی ئاستەنگەکانی ئێستا و پاراستنی ئاسایش و سەقامگیری وڵاتەکانیان، هەروەها تیشکی خستە سەر گرنگی ڕاگرتنی دەستدرێژییەکانی زایۆن و پشتیوانی کردن لە پرۆسەی دانوستانی نێوان کۆماری ئیسلامیی ئێران و ئەمریکا.
