سەرۆک وەزیران پێشوازی دەکات له ئەمینداری گشتی یەکگرتووی ئیسلامی کوردستان
سەرۆکی ئەنجومەنی وەزیران محەمەد شەیاع سودانى ئەمڕۆ دووشەممە پێشوازی کرد لە ئەمینداری گشتی یەکگرتووی ئیسلامی کوردستان بەڕێز سەلاحەدین محەمەد بەهادین و شاندی یاوەری.
نوسینگەی راگەیاندنی سەرۆک وەزیران لە بەیاننامەیەکدا رایگەیاند:لە کۆبوونەوەکەدا گرنگترین دۆسیە و پرسەکان خرانەڕوو لەسەر ئاستی نیشتمانی و هەوڵەکانی حکومەت بۆ پێشکەشکردنی خزمەتگوزاری بۆ هاوڵاتیان لە سەرجەم پارێزگاکان.
هەر لە کۆبوونەوەکەدا سەرۆکی ئەنجومەنی وەزیران جەختی لە پەرۆشی حکومەت کردەوە بۆ باشترکردنی بارودۆخی ژیانی هاوڵاتیان لە هەرێمی کوردستانی عێراق لەگەڵ ڕێکخستنی وەرگرتنی مووچەی فەرمانبەران و خانەنشینان، وەک هاوڵاتیانی دیکە لە هەموو پارێزگاکانی عێراق، وە ئاماژەی بەو ڕێککەوتنانە کرد کە لەم بارەیەوە واژۆکراون و پێویستە پابەندبن پێیانەوە.
هەروەها سودانی جەختی کردەوە لەسەر گرنگی بەهێزکردنی ئاسایش و سەقامگیری لە سەرانسەری عێراق و گرنگیدانی حکومەت بە پێشکەشکردنی پشتیوانی تەواو بۆ کۆمسیۆنی باڵای سەربەخۆی هەڵبژاردنەکان لە پێناو سەرخستنی هەڵبژاردنەکانی پەرلەمانی هەرێمی کوردستانی عێراق کە بڕیارە لە شوباتی داهاتوودا ئەنجام بدرێت.
