قوباد تاڵەبانی بەتوندی سەرکۆنەی بەئامانجگرتنی عەتا سەراوی دەکات
جێگری سەرۆکی حکومەتی هەرێم کوردستان رایگەیاند، بەئامانجگرتنی عەتا سەراوی بە توندی ئیدانە دەکەن و هێزە ئەمنییەکانیان راسپاردوە بۆ لێکۆڵینەوە لەسەر روداوەکە خۆشم لە نزیکەوە چاودێری لێکۆڵینەوەکان دەکەم.
قوباد تاڵەبانی جێگری سەرۆکی حکومەتی هەرێمی کوردستان لە راگەیەنراوێکدا بڵاویکردەوە، بە ئامانج گرتنی هەڤاڵ عەتا سەراوی، بە توندی ئیدانەی دەکەن، جەخت دەکەنەوە تێکدانی ئارامی و سەقامگیری سلێمانی هێڵی سورە.
ئەوەشی خستوەتەڕو، لە هیچ کەس و لایەنێکی قبوڵ ناکەن هەوڵ بۆ تێکدانی ئارامی و سەقامگیری بدات، هەموو هێزە ئەمنییەکان و لایەنە پەیوەندیدارەکان راسپێردراون بۆ دەستگیرکردنی تاوانباران و ئاشکراکردنی راستییەکان بۆ رای گشتی.
قوباد تاڵەبانی ئاماژەی بەوەشکردوە، لە نزیکەوە چاودێری لێکۆڵینەوەکان دەکات و هەموو لایەک دڵنیا دەکەینەوە هەر کەس و لایەنێک لە پشت ئەم رووداوەوە بێت، بۆ رای گشتی ئاشکرا دەکرێت و رووبەڕووی سزای یاسایی دەکرێتەوە.
