مەسعود بارزانی پێشوازی لە باڵیۆزی ئەمەریكا لە عێراق دەكات
مەسعود بارزانی پێشوازی لە باڵیۆزی ئەمەریكا لە عێراق دەكات.
ئەمڕۆ دووشەممە 4ی تشرینی دووەمی 2024 لە سەلاحەددین، مەسعود بارزانی سەرۆکی پارتی پێشوازی لە ئەلینا ڕۆمانوسكی باڵیۆزی ئەمەریكا لە عێراق كرد.
لە دیدارەكەدا كە بستێڤ بیتنەر كونسوڵی گشتیی ئەمەریكا لە هەولێریش ئامادەی بوو، باڵیۆزی ئەمەریكا لە عێراق پیرۆزبایی سەركەوتنی هەڵبژاردنی بیستی ئۆكتۆبەری ڕابردووی پەرلەمانی كوردستانی كرد و جەختیشی لەوە كردەوە كە بەڕێوەچوونی هەڵبژاردنی پەرلەمانی كوردستان لە كەشێكی دیموكراسیانە و ئارامدا و لەو بارودۆخە ئاڵۆزەی ناوچەكە پێیدا تێدەپەڕێ، وێنەیەكی شاییستەی هەرێمی كوردستانی پێشانی هەموو لایەك دا.
هەر لەو كۆبوونەوەیەدا تیشک خرایەسەر بارودۆخی سیاسی و ئەمنیی ناوچەكە و دوایین پێشهاتەكانی ڕۆژهەڵاتی ناوەڕاست و هەروەها بیروڕا لەبارەی پڕۆسەی سیاسیی عێراق و هەڵبژاردنی سەرۆكی نوێی ئەنجوومەنی نوێنەرانی عێراق ئاڵوگۆڕ كرا.
