ژمارەی گیانلەدەستدان لە کەرتی غەززە بەرزبووەتەوە بۆ ٣٥ هەزار کەس
وەزارەتی تەندروستی فەڵەستین رایاگەیاند، ژمارەی گیانلەدەستدان لە کەرتی غەززە بەرزبووەتەوە بۆ ٣٥ هەزار و ٢٧٢ کەس. دەشڵێت، لە ماوەی ٢٤ کاتژمێری رابردوودا ٣٩ کەس گیانیان لەدەستداوە.
ئەمڕۆ پێنجشەممە، وەزارەتی تەندروستی فەڵەستین رایاگەیاند، بەپێی راپۆرتی ئاماری رۆژانە لەماوەی ٢٤ کاتژمێری رابردوودا، لە کەرتی غەززە ٣٩ کەس گیانیان لەدەستداوە و ٦٤ کەسیش بریندار بوون.
ئاماژەی بەوەش کرد، لە ئەنجامی هێرشە بەردەوامەکانی ئیسڕائیل بۆسەر کەرتی غەززە لە ٧ـی تشرینی یەکەمی ساڵی رابردووەوە، ٣٥ هەزار و ٢٧٢ کەس گیانیان لەدەستداوە و ٧٩ هەزار و ٢٠٥ کەسیش بریندار بوون.
لای خۆشیەوە، سوپای ئیسڕائیل رایگەیاند، رۆژی رابردوو لە باکووری غەززە پێنج سەربازییان گیانیان لەدەستداوە و بەمەش لە سەرەتای شەڕەکەوە تاوەکو ئێستا ٦٢٦ سەربازی ئیسڕائیل گیانیان لەدەستداوە و نزیکەی سێ هەزار و ٥٠٠ سەربازیش بریندار بوون.
