ئەعرەجی و عومێری تاوتوێی دۆسییە و پرسە هاوبەشەکانی نێوان ڕاوێژکارێتی و دادگای باڵای فیدراڵی دەکەن
ئەمڕۆ چوارشەممە، قاسم ئەعرەجی، ڕاوێژکاری ئاسایشی نیشتمانی و دادوەر جاسم عومێری، سەرۆکی دادگای باڵای فیدراڵی، دۆسیە و کێشە هاوبەشەکانی نێوان دادگای باڵای فیدراڵی و ڕاوێژکاری ئاسایشی نیشتمانییان تاوتوێ کرد.
لە بەیاننامەیەکدا لە نوسینگەی ئەعرەجی، کە بە موتەڵع گەیشتووە، تێیدا هاتووە "قاسم ئەعرەجی ڕاوێژکاری ئاسایشی نیشتمانی لەگەڵ سەرۆکی دادوەری دادگای باڵای فیدراڵی، دادوەر جاسم عومێری کۆبووەتەوە".
لە ڕاگەیەندراوەکەدا ئاماژە بەوەشکراوە، "لە کۆبوونەوەکەدا باس لە دۆسییە و پرسە هاوبەشەکانی نێوان ڕاوێژکارێتی و دادگای باڵای فیدراڵی کرا، بە ئامانجی پتەوکردنی ڕۆڵی دەسەڵاتی دادوەری عێراق لە چەسپاندنی بناغەکانی دەوڵەت و پاراستنی مافی هاووڵاتیان".
لە میانی دیدارەکەدا ئەعرەجی ستایشی "ڕۆڵی دەسەڵاتی دادوەری عێراقی لە بەدیهێنانی دادپەروەری و چەسپاندنی سەروەری یاسا، کە پاڵپشتی لە یەکگرتوویی کۆمەڵایەتی دەکات و خزمەت بە ئاسایش و سەقامگیریی میللەت و هاووڵاتیانی دەکات" بەرز نرخاند.
