پەرەسەندنی ترسناک لە هەرێم... و پەرلەمان مەلەفی هێرشە دووبارەبووەکان دەکاتەوە
شاخوان عەبدوڵڵا، جێگری سەرۆکی پەرلەمان، ئەمڕۆ سێشەممە، بەئامانجگردنی نەوت و دامەزراوە نەوتی وستراتیژییەکانی هەرێمی کوردستانی ئیدانەی کرد، لیژنەی ئاسایش و بەرگریی پەرلەمانیشی ڕاسپارد بۆ بەدواداچوون بۆ ڕووداوەکان و پێشێلکارییەکان.
عەبدوڵڵا لە بەیاننامەیەکدا کە دەستی موتەڵع کەوتووە ڕایگەیاند "بە توندی ئیدانەی ئەو هێرشە بەمەبەستانە دەکات کە ژمارەیەک دامەزراوەی نەوت وستراتیژی لە پارێزگاکانی هەرێمی کوردستان کردە ئامانج، دوایینیان سەرلەبەیانی ئەمڕۆ بوو کە کێڵگەی سەرسنکیان کردە ئامانج لە دهۆک و زیانی ماددی و ئابوری لێکەوتەوە"
عەبدوڵڵا داوای لە حکومەتی فیدراڵی کرد ئاسایش بپارێزێت و ئەو لایەنانە ئاشکرا بکات کە هێرشەکانیان بۆ سەر هەرێم ئەنجامداوە.
بەگوێرەی ڕاگەیەندراوەکە، ناوبراو لیژنەی ئاسایش و بەرگری پەرلەمانی ڕاسپاردووە بۆ بەدواداچوون بۆ ئەو پرسە و دیاریکردنی ڕووداو و هۆکارەکانی پشت ئەم هێرش و پێشێلکارییە دووبارەبووانە کە هەڕەشە لە ئاسایشی هەرێم دەکەن.
هەروەها داوایشی کرد "هەوڵەکانی ئەمنی و هەواڵگری پتەو بکرێت بۆ ئەوەی لە داهاتوودا دووبارە نەبێتەوە".
