میسر جەختی لە "پشتیوانی تەواوی خۆی بۆ یەکپارچەیی عێراق و سەلامەتی خاکەکەی" کردەوە
میسر جەختی لە "پشتیوانی تەواوی خۆی بۆ یەکپارچەیی عێراق و سەلامەتی خاکەکەی" کردەوە. عەبدولفەتاح سیسی، سەرۆک کۆماری میسر لە میانەی كۆبونەوەیەكدا لەگەڵ مەسرور بازرانی سەرۆكی حكومەتی هەرێم، ستایشی هەوڵەکانی عێراق و دەسەڵاتدارانی هەرێمی کوردستانی کرد کە ئامانجیان چەسپاندنی سەقامگیری و ئاشتییە لە ناوچەکەدا. هەروەها داوای لە حکومەتی هەرێم کرد سود لە توانای کۆمپانیا میسرییەكان وەربگرێت.
محەمەد ئەلشناوی، وتەبێژی فەرمی سەرۆکایەتی کۆماری میسر لە ڕاگەیەندراوێكدا بڵاویكردەوە، سەرۆک سیسی لە کۆبونەوەکەدا جەختی لە "پشتیوانی تەواو و بەردەوامی میسر بۆ عێراق، و بۆ یەکپارچەیی و سەلامەتی خاکەکەی، و پشتیوانیکردنی لە ڕوبەڕوبونەوەی ئەو ئالەنگارییە زۆرانەی ناوچەکە پێیدا تێپەڕ دەبێت، بەتایبەتی تیرۆر" کردەوە.
بەپێی وتەی وتەبێژی سەرۆکایەتی میسر، لە گفتوگۆکاندا باسیان لە پەیوەندییەکانی هاوکاری ئابوری نێوان میسر و عێراق کردوە، بە هەرێمی کوردستانیشەوە. سیسی جەختی لە "پەرۆشی میسر بۆ قوڵکردنەوەی هاوکاری ئابوری بە هەمو شێوەکانییەوە لە نێوان هەردولادا کردەوە، و لەم چوارچێوەیەدا ئاماژەی بە توانا گەورەکانی کۆمپانیا میسرییەکان کرد، بەتایبەتی لە بوارەکانی وزە و ژێرخان، و ئەو ئەزمونانەی کە لە ناوەوە و دەرەوەی میسر هەیانە.
بەگوێرەی ڕاگەیەندراوەكە، سیسی داوای لە حکومەتی هەرێمی کوردستان کرد سود لە توانای ئەو کۆمپانیایانە وەربگرێت بۆ جێبەجێکردنی پڕۆژەکان بە کوالێتی بەرز و تێچوی کێبڕکێکارانە. لەبەرامبەردا بارزانی پێشوازی لە ڕۆڵی کۆمپانیا میسرییەکان لە عێراق کرد، و جەختی کردەوە کە لە کاتی سەردانەکەیدا چاوەڕوانە لەگەڵ لایەنە پەیوەندیدارەکانی میسر کار بکات بۆ تاوتوێکردنی ڕێگەکانی بەهێزکردنی هاوکاری، و سودوەرگرتن لە ئەزمونەکانی میسر لە ژمارەیەک کەرتی لە پێشینە بۆ حکومەتی هەرێمی کوردستان.
لەلایەکی دیکەوە بارزانی پێزانینی حکومەتی هەرێمی کوردستان بۆ ڕۆڵی میسر و سەرۆک سیسی دەربڕی لە "پشتیوانیکردنی عێراق، و لە گێڕانەوەی ئاشتی و سەقامگیری بۆ ناوچەکە"، و جەختی کردەوە کە "حکومەتی هەرێمی کوردستان چاوەڕوانە بەردەوام بێت لە بەهێزکردنی پەیوەندییەکانی هاوکاری لەگەڵ دامەزراوەکانی میسردا".
كلمات مفتاحية
اخبار ذات صلة
تعليقات
دوایین هەواڵەکان
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
پەروەردە و خوێندنی باڵای هەرێم کاتی دەستپێکردنەوەی دەوامیان ڕاگەیاند
ئەڵمانیا: بەمزوانە ئەمریكاو ئێران لە پاكستان دانوستانی راستەوخۆ دەكەن
سوپای پاسداران: رێگریمان له سێ كهشتی كرد بۆ تێپهڕبون به گهروی هورمزدا
وهزارهتی خوێندنی باڵا ماوهی مانهوهی ئهو خوێندكارانهی له ههرێم درێژكردهوه كه له ئێران دهخوێنن
واڵ ستریت جۆرناڵ: ئێران داوای درێژكردنهوهی مۆڵهتی له ترهمپ نهكردوه
كەشناسی هەرێم: ئهمڕۆ و سبهی باران بارین له ناوچه جیاجیاكان بهردهوام دەبێت
فایەق زێدان: بڕیاری راگهیاندنی جهنگ بهگوێرهی دهستور تهنیا له دهسهڵاتی دهوڵهتدایه
هەیبەت حەلبوسی: دواکەوتنی هەڵبژاردنی سەرۆک کۆمار چیتر قبوڵکراو نییە
هاتوچۆی ههولێر: بهرزبونهوهی ئاستی باراناو بۆته هۆی وهستانی هاتوچۆ له چهند شهقامێك
سەرۆک وەزیران وپادشای ئوردن جەخت لە گرنگی هەوڵی بێوچان بۆ ڕاگرتنی جەنگ دەکەنەوە
هرارگای خاتهمولئهنبیا: هێرش بكرێته سهر وێستگهكانی ئێران، ژێرخانی وزه لهناوچهكه وێران دهكهین
پزیشكیان: وهڵامی ههڕهشه بێسهروبهرهكان له مهیدانی جهنگدا دهدهینهوه
سكرتێری ناتۆ: هاوکاری ئەمریکا دەکەین بۆ کردنەوەی گەروی هورمز
ژێردهریایی ئهتۆمی بهریتانیا گهیشتۆته دهریای عهرهب
ئهمریكا رهتیدهكاتهوه ئێران فڕۆكهیهكی ئێف15ی خستبێته خوارهوه
وەزارەتی پێشمەرگە: بە فڕۆکەیەکی بێفڕۆکەوان هێرشکرایە سەر یەکێک لە بارەگاکانمان لە چەمچەماڵ
