مهزڵوم عهبدی: له ئهگهری زیادبونی هێرشهكاندا له حهڵهب دهستهوهستان نابین
مهزڵوم عهبدی، فهرماندهی گشتی ههسهده جهخت دهكاتهوه، له ئهگهری زیادبونی هێرشی گروپه چهكدارهكانی سهربه حكومهتی دیمهشقدا بۆ سهر گهڕهكهكانی شێخ مهقسودو ئهشرهفیه، دهستهوهستان نابین.
مهزڵوم عهبدی، فهرماندهی گشتی ههسهده، ئێوارهی ئهمڕۆ پێنجشهممه، له لێدوانێكدا بۆ ئاژانسی هاوار نیوز، پشتیوانی ههسهدهی بۆ بهرگریی قارهمانانهی هێزهكانی ئاسایشی ناوخۆ له گهڕهكهكانی شێخ مهقسود و ئهشرهفیهی حهڵهب لهدژی هێرشهكانی گروپه چهكدارهكانی سهربه دیمهشق نیشانداوه.
ئهو وتوشیهتی، ئهوهش لهكاتێكدایه كه جیاوازییهكی گهوره لهڕوی ژماره و كهرهستهی سهربازییهوه لهنێوان گروپه هێرشكارهكان و هێزهكانی ئاسایشی ناوخۆدا ههیه كه به ژمارهیهكی كهم و چهكی سوكهوه لهبهرامبهریاندا وهستاونهتهوه.
جهختیشی كردۆتهوه، ئێمه له هێزهكانی سوریای دیموكرات-ههسهده، دهستهوهستان نابین له ئهگهری زیادبونی ئهم هێرشانهی گروپه چهكدارهكانداو له ئێستادا مهترسی لهسهر بونی گهلهكهمان ههیه لهو دو گهڕهكه.
ئهوهشی خستۆتهڕو، ئهوهی كه حكومهتی دیمهشق ههردو گهڕهكهكهی حهڵهبی وهك ناوچهی سهربازی راگهیاندوه و بۆردومانه ههڕهمهكییهكانیش بهردهوامن، ئامانج لهمانه راگواستنی بهزۆری دانیشتوانی كوردی رهسهنی ئهو دو گهڕهكهیه و ئهوهش كردهوهیهكه دهچێته چوارچێوهی تاوانی جهنگهوه.
جهختیشی كردۆتهوه كه ههوڵی بهزۆر راگواستنی كورد لهو دو گهڕهكه قبوڵكراو نییهو رهتی دهكهنهوه.
هێمای بۆ ئهوهش كردوه، ئێمه ههر له سهرهتای هێرشهكانهوه تاوهكو ئێستاش نهوهستاوین بۆ گهڕان بهدوای دۆزینهوهی چارهسهردا بۆ راگرتنی ئهم هێرشانه، چ لهڕێگهی دهستپێشخهرییهكانی خۆمانهوه بێت یاخود لهڕێگهی ئهو دهستپێشخهرییانهوه بێت كه لهلایهن وڵاتانی گهرهنتیكارهوه بۆ هێوركردنهوه له سوریا خراونهتهڕو، بهڵام تاوهكو ئێستا حكومهتی سوریا سهرجهم ههوڵهكانی بۆ هێوركردنهوهی دۆخهكه رهتكردونهتهوه.
هێمای بۆ ئهوهش كردوه، پهنابردنی حكومهتی سوریا بۆ بهكارهێنانی هێزی سهربازی، وا دهكات كه سوریا بگهڕێتهوه بۆ بازنهی توندوتیژی و كوشتن كه ههموان تێیدا زیانمهند دهبن و ئهوهش پێشێلكردنی رێككهوتنهكانی نێوانمان، چی رێككهوتنی 10ی ئازار بێت یان رێككهوتنهكهی 1ی نیسانی پهیوهست به گهڕهكه كوردییهكانی حهڵهب.
لهكۆتایی لێدوانهكهیدا مهزڵوم عهبدی جهختی لهوه كردۆتهوه كه گفتوگۆ و راگۆڕینهوه بنهمایه بۆ چارهسهركردنی ههر جۆره كێشهیهك كه هیه و ئێمه لای خۆمانهوه جهخت له گرنگی گفتوگۆ دهكهینهوه وهك بنهمایهك بۆ مامهڵهكردن لهگهڵ كێشهو قهیرانهكان و ئامادهین بۆ پابهندبون لهپێناو گهڕانهوه بۆ گفتوگۆ و كۆتاییهێنان به كوشتن.
كلمات مفتاحية
اخبار ذات صلة
تعليقات
دوایین هەواڵەکان
عێراقچی: بە ئامانجگرتنی كارگهكانی وزە لەلایەن ئیسرائیلەوە پێچەوانەی وادەی ترەمپە
پەروەردە و خوێندنی باڵای هەرێم کاتی دەستپێکردنەوەی دەوامیان ڕاگەیاند
ئەڵمانیا: بەمزوانە ئەمریكاو ئێران لە پاكستان دانوستانی راستەوخۆ دەكەن
سوپای پاسداران: رێگریمان له سێ كهشتی كرد بۆ تێپهڕبون به گهروی هورمزدا
وهزارهتی خوێندنی باڵا ماوهی مانهوهی ئهو خوێندكارانهی له ههرێم درێژكردهوه كه له ئێران دهخوێنن
واڵ ستریت جۆرناڵ: ئێران داوای درێژكردنهوهی مۆڵهتی له ترهمپ نهكردوه
كەشناسی هەرێم: ئهمڕۆ و سبهی باران بارین له ناوچه جیاجیاكان بهردهوام دەبێت
فایەق زێدان: بڕیاری راگهیاندنی جهنگ بهگوێرهی دهستور تهنیا له دهسهڵاتی دهوڵهتدایه
هەیبەت حەلبوسی: دواکەوتنی هەڵبژاردنی سەرۆک کۆمار چیتر قبوڵکراو نییە
هاتوچۆی ههولێر: بهرزبونهوهی ئاستی باراناو بۆته هۆی وهستانی هاتوچۆ له چهند شهقامێك
سەرۆک وەزیران وپادشای ئوردن جەخت لە گرنگی هەوڵی بێوچان بۆ ڕاگرتنی جەنگ دەکەنەوە
هرارگای خاتهمولئهنبیا: هێرش بكرێته سهر وێستگهكانی ئێران، ژێرخانی وزه لهناوچهكه وێران دهكهین
پزیشكیان: وهڵامی ههڕهشه بێسهروبهرهكان له مهیدانی جهنگدا دهدهینهوه
سكرتێری ناتۆ: هاوکاری ئەمریکا دەکەین بۆ کردنەوەی گەروی هورمز
ژێردهریایی ئهتۆمی بهریتانیا گهیشتۆته دهریای عهرهب
ئهمریكا رهتیدهكاتهوه ئێران فڕۆكهیهكی ئێف15ی خستبێته خوارهوه
وەزارەتی پێشمەرگە: بە فڕۆکەیەکی بێفڕۆکەوان هێرشکرایە سەر یەکێک لە بارەگاکانمان لە چەمچەماڵ
